Yohannis 17:11 - ጋዶ ቴያ

¹¹ ሀውጙኔን ኤካሎ ታ ሀን ዳስታ ኣፋ ፎና ዉዛ። ስኑንታኖ ባሶ ሀን ዳስታቱ ፎሶነዋ። ታ ኔኪ ዮናርዋ። ኮርቶ አባታሶ! ሀን ታክ እማናክ እምታ ባሶትን እንኖማቶ እሳር ስኖነክ ነ ታክ እምታ ሱንኔሲክ ኦዳይዋ።

Gaddo Teyya

¹¹ Hawungneen ekalo ta han daastak aafa foona wuza. Sinuntano baasso han daastatu foosone. Ta neeki yoonar. Korto Abataaso! Han taak imanak imta baassotin innomato isar sinonek ne taak imta sunneesik oodwa.

Yohannis 17:11 Iomraidhean Croise

Matewos 10:16

«ኤሴ! ታ ንቶትን ፋንቱኒማቶ እሪርካስ ጋነሲ ዎሱናዋ። ኤስ ባሪ ቦርኣ ንቶ ዛዉኒማቶ ንብኒትሬ የሬር፤ ናካሎኒማቶ ጋራም ስንት።

Matewos 5:48

ኤስ ባሪ ቦርኣ ሳማኪ ፌ አባንቲስ ካይም ስንናማቶ ንቶ ደይ ካይም ስኒት» ይ።

Matewos 6:9

ኤሴ ንቶ ኤካ ይራ ሺጵሶት፦ « ‹ደን ሳማክ ፌ አባኒሶ፤ ኮርቶ ሱኔስ ቴግፋዉጝዋ፤

Yohannis 13:1

ኤስ ዎናስ ደይ አይሁድኒ ፋስካኒ ሄቦስ ዛግቶኖይፌን ዜምማዋ። የሱስ ሀን ዳሶን ቤየ ደን አባባሲክ ሀማና ዎና ካርእባሶን አሪሬ። ሀን ዳስታክ ፌ ባሳር ስና ባሶትን ሹነት ፌር። ደይ ክቱታኑ ካርአናኔን ሹኒ።

Yohannis 13:3

አባስ ሀእሱኒ ሁግና ዙታምባሴ አስን ባርክ እምናማቶናዋ ሀኦስኪን ዬናማቶና፤ ደይ ሀኦስኪ ዎል ሌ ሀሚንር ስንናማቶና የሱስ አሪሬ ፌር።

Yohannis 14:20

ታ አባሳሲ ፋናማቶ፥ ንቶ ደይ ታይሲ ፋትማቶ፥ ታ ደይ ንቶሲ ፋናማቶ ኤስ ዎኖ አርሶትዋ።

Yohannis 16:28

አባስኪን ኬስሳ ሀን ዳስታ ያንዋ። ሄፕሳ ደይ ሀን ዳሶን ቤያ አባታስክ ሀማናርዋ።»

Yohannis 16:33

ሀን ባሮን ንቶክ ማኬናስ ታኔን አነ ፋፋኒ ናጋስ ንቶክ ፎናክዋ። ሀን ዳስታክ ፋሴፌት ካባሲክ ሻና ንቶስታ ፋርዋ። ስኑንታኖ ሀሬዋ! ታ ሀን ዳሶን ሜሬጝዋ።»

Yohannis 17:23

ፉቶክ እሳር ስኖኔስ ደይ ታ ባሶስሲ ነ ደይ ታይሲ ፋታማቶዋ። ኤስ ባርክ ነ ታን ዎሲታማቶናዋ ታን ኬሽቴታስንነ ፋሮን ባሶትን ደይ ኬሽቴታማቶ ሀን ዳስ አሩናክዋ።

Yohannis 17:25

ኦኮ አባታሶ! ሀን ዳስ ኔን ኣነ አሩዋዋ። ስኑንታኖ ታ ኔን አሪናርዋ። ሀን ባሶ ደይ ነ ታን ዎሲታማቶ አርሴቴርዋ።

Yohannis 17:6

«ሀን ዳስታን ኮሪራ ታክ እምታ ባሶክ ነ ኦ ስንታማቶ ቤስጝዋ። ባሶ ደይ ኔርዋ። ነ ደይ ባሶትን ታክ እምትዋ። ባሶ ደይ ካምኔሶን ኦደሴቴዋ።

Yohannis 7:33

የሱስ ደይ ኤካ ይ፦ «ንቶኔን አነ ፎናስ ጋሮ ዎኒሮጝዋ፤ ኤስታን ታን ዎሲ ባርኪ ሀማናርዋ።

ዎስኒ ሜያ 3:21

ኤስ የሱስ ደን ሳማኪ ፎናስ ሀኦሲ ዜምማ ኮርቶ ራጁኒ ሜያክ ካሞ ማኬናሲማቶ ሀን ዳስ ዙቴራ ሄፕሳ ዎላ ጋድዶ ስንና ዎሱስቶና ካባኔጝዋ።

Roome 12:5

ኤሲስማቶ ደይ እንኖ ሾዎ ስንፋት ክርስቶስኒክ እሳ አቱ ስንኒዋ። እሳ አቱኒ ብልት ስንኒ ቦርአ እኖትና እኖትና ደይ እሳርዋ።

Roome 9:17

ኤስ ባሪ ቦርኣ ኮርቶ ማፃፋሲ ግጵጽኒ ታቶሳ ቾዋክ፦ «ኔኪ ካሞ ሁግናናሶን ቤሱናክናዋ ሱናስ ደይ ዳ ዙታምባሴ አሲስ አሪቶናክና ዛጉናክ ኔን ታስጝዋ» ይፋ ካማ ትቼዋ።

1 ቆሮንጦስ 1:10

አይታሳክቶኖ! «ንቶ ጋነያሲ ኦር ኦር ኬሳ ፎናታዋ፤ ዙታምኒትሴ እሳ ንባክናዋ እሳ ሳፋራክና ችምማ ፎትዋ» ይራ ዳምኒ የሱስ ክርስቶስኒ ሱናሲክ ሺጴፋዉጙዋ።

Galatiya 3:28

ዙታምኒትሴ ክርስቶስ የሱስኒክ እሳር ስነት ቦርአ አይሁድኒ ሜኒ ጋነያስናዋ ግሪክኒ ሜኒ ጋነያስና፥ ቦዝኒ ሜኒ ጋነያስናዋ ብርማዱማቤሲ ፌና አሱኒ ሜኒ ጋነያስና ደይ ኣርቃሱናዋ ማሽካሱኔ አሲ ጋነያሲ እሳንነ ኦር ኦር ኬስባ ኣፋዋ።

Efeson 4:4

ቴግቴሴፌት ካባሲክ እሳ አብዲሲክ ቴግቴሴትማቶ እሳ አቱነዋ እሳ አያናነ፤

Filiphisiyus 2:9

ኤስ ባሪ ቦርኣ፤ ሀኦስ ዙታምባሴ አሲ ደናሎ፤ ባሪን ደን ቴግ። ሱና ዙታምባሴ አሲስታን ደናሎ፤ ስና ሱና ባሪክ እሚ።

Ibrawiyan 1:3

ባር ሀኦሲ ኡልፍናኖን ፓልፓልግሬ ቤሲር። ባር ሃላባሲክ ሀኦስኔን አነ ማእስሬ እሳርዋ። ካምባሲ ሁግናክ ሀን ዳሶን ዙትሬ ቴቤ ኤጲዋ፥ አሱኒ ሜያኖን ደይ ቦርቤሲስን ካይምስንናኔን ኦርፎ ሳማኪ ሁግናባ ፋና ሀኦሲ ሆእታ ዲ።

Ibrawiyan 9:24

ክርስቶስ ፉቶኒ ቤቴሜቅደሲሲ ቤሶ ስና ባሪስንናዋ አሱኒ ኩሹክ ኬቴ ኮርቶሲ ኮርቶሲ ኣነ ግሩዌ። ባር ሀሽ እንኖ ቦርአ ሀኦሲ ስና ቢስቶናክ ሳማ ሀምሜ ግር።

Yaqob 4:4

አማናምቶኒት ፎንቶ ንቶኖ! ሀን ዳስታኪ ዉዛሶን ሹና ሀኦሲኔን አነ ፋሶ ስንናማቶ ኣነ አሩዌትኖሶ? ኤሴ ሀን ዳስታኪ ዉዛሶን ሹንፌ ባር ዙቴሬ ሀኦሲ ጉማ ስኒዋ።

1 ጴጥሮስ 1:5

ንቶ ደይ ኮእኒ ዎናስታ ዮኒ ፋሩሶን አማንቶስኪ ካሞ ሀኦሲ ሁግናክ ኦድቴራ ፋሴትር።

1 ዮሀኒስ 3:12

ሴጣናሲ ኬን ስንነ አይባስን ዎሪ ካኤልኒሲማቶ ስናኒክ ኣነ ሾልሲፋዋ። ባር አይባስን ዎሪናስ አዉኒ ቦርአንሶ? ባሳ ዎስቶስ ማጙ ስንፋን አይባሳ ዎስቶ ማአር ስንና ቦርአዋ።

1 ዮሀኒስ 5:19

እንኖ ሀኦኒር ስንኒማቶ አሪፌኒዋ። ስኑንታኖ ሀን ዳስ ዙታምባሴ ሴጣናሲክ ሀእር ስኒዋ።

Yuuda 1:1

የሱስ ክርስቶስኒ ዎሲትኛናዋ ያቆብኒ አይና ስና ታ ዩዳኒኪን፤ ቴግቴ ንቶክ፤ አባ ሀኦሲክ ሹንቴ ንቶክ፤ የሱስ ክርስቶስኒክ ኦድቴሬ ፌ ንቶ ዙታምንትሴ አሲክ፤

Yuuda 1:24

ጋንዶኖይትማቶ ኦድኒ ባሪክናዋ ዝናንት ፎንቶ ስንና ግራክ ኡልፍንባሲ ስና ታእሱናክ ችምኒ ባሪክና፤

ዮሀኒስኒ ራእ 15:4

ዳሚሶ! ኔን ድጎኖር፤ ሱንኔሶን ደይ ኡልፍንሱኖር ኦንሶ? ነ ነቱ ኮርቶዋ፤ ፉቶኒ ማጝሱኒ ካርኔስ አምማኖን ኬስሳ ቤስቴና ቦርአ፤ ዳራስ ዙቴሬ ዬሬ ኔኪ ስና ሳጋዶሶነዋ» ይት ጋሜት ፌሴቴር።

ዮሀኒስኒ ራእ 19:12

ኣፍባስ ጌኒ ዊኖነ ፋር፤ ቴትባስታክ ደይ ሾዎ ዛዉድ ፋሴር። ባርኔንን ኦማ ኦኑ አሩኖይና ሱና ባሳስታ ትቼራ ፋር።

ዮሀኒስኒ ራእ 4:8

ካባሬሬ ዉዛሲክቶ አቼቾባሴ እሳርባ እሳርባስ እሱን ኮሶባ ፋናር፤ ጌራካሎባሴዋ ሲካሎባሴ ኣፋክ ቱምማ ፋር፤ ዋላክናዋ ዎናክና፦ «ኮርቶ፥ ኮርቶ፥ ኮርቶ፤ ዙታምባሴ አሲን ችምፋ ዳማ ሀኦ፤ ፋዪስ ፋባሬዋ ዮኒ ባሬ» ኡስታን ኣነ ዬትሴፋ።