ዮሀኒስኒ ራእ 5:6 - ጋዶ ቴያ

⁶ ኤሴን ኦርፎ ዝግሞስታናዋ አቼች ካባሬሬ ዉዛሲክቶኒ ጋነያሲ ደይ ኩርኡኒ ሜኒ ጋነያሲ ደይ ሹክቶ ፋንቱነ ፌር የሬፌን ቢን፤ ኤስ ፋንቱስ ናፉን ካላባናዋ ናፉን ኣፍባና ፋር፤ ኤስ ባርኪቶ ዳ ዙታምባሴ አሲስታ ዎስቴራ ሀማ ሀኦኒ ናፉን አያናሲክቶዋ።

Gaddo Teyya

⁶ Esseen orfo zigimoostanawa acheech kaabarere wuzaasikitoni ganeyaassi dey kur'uni meeni ganeyasi dey shukto fantune feer yerefeen biin; es fantuus naafun kalabanawa naafun aafbana faar; es barikito daa zuuttambaase asiista wostera hama Ha'oni naafun ayyanaasikitowa.

ዮሀኒስኒ ራእ 5:6 Iomraidhean Croise

Luqas 1:69

ኤስ ባርኑ እቤ ዜምማ፤ ኮርቶ ራጁኒ ሜያኪ ካሞ ማኬናሲማቶ፤ ዎስትኛባ ስና ዳዊትኒ ዛላስን፤ አካም ፋቱኒርን እኖክ ካብግ።

Yohannis 1:29

ዎኖትርክ የሱስ ዮሀኒስኒኪ ዬፌን ብያት ኤካ ይ፦ «ኤሴ ሀን ዳስታክ ፌ አሱሳ ቦርአኖን ባሶስታን ትሽኩኒ ሀኦኒ ፋንቱ፤

Yohannis 1:36

የሱስ ኤስታክ ኣትፌን ዮሀኒስ ብያት፦ «ኤሴ ሀኒስ ሀኦሲ ፋንቱዋ» ይ።

ዎስኒ ሜያ 8:32

ጃንዳራባስ ደይ ፌሬትት ፌና ትቻስ ኤካቱ ይፋ፦ «ባር ሹክቶክ ዛቴራ ሀማ ፋንቱነ ፌር፤ ኤሳባሶን ካርፌ ባሶ ስና ሻክፌ ፋንቱሳማቶ ካምባሶን ኣነ ኮቴ።

ዮሀኒስኒ ራእ 1:4

ዮሀኒስኒኪን ኢስያኪ ናፉን ቤቴክርስታኒሲክቶክ፤ ዜምሜ ፌይስኪን፤ ፌ ባርኪንናዋ፤ ዮኒ ሀኦስኪን፤ ዝግሞሲ ስና ፋሴ ናፉን አያናሲክቶኪን፤ ኤሲስማቶ ደይ ክቱን ካቡባሲክ ኡዙን ስና ሀን ዳስ ታቶኒ ሜኒ አእስኛ፤ አማናምቶ ዛል፤ እኖትን ሹንነ ሀርንባሲክ ቦርኒስን ብርማዱምማ ክሲ የሱስ ክርስቶስኒ ኦትማሴዋ ናጋሴ ንቶክ ስንፋውጝ።

ዮሀኒስኒ ራእ 12:11

ባሶ ፋንቱሳ ሀንናክናዋ ማክሴቴ ዛልኒ ካማሲክና ኔቤሬ ሜርሴቴ፤ ካቤሲሶን ኬሽቶኖይ ቴትቤሲሶን ክቱክ ኣትሬ እሜቴ።

ዮሀኒስኒ ራእ 13:8

ሀን ዳስ ቴስቴና ዎኖኔን ካብራ ሱንቤሲስ ሹክቴ ፋንቱሳ ካኒ ማፃፋሲ ትቾኖይናሮን ሀን ዳስታ ፌ አሱኒ ሜያ ዙቴሬ ጎኞሲክ ሳጋዶሶነ።

ዮሀኒስኒ ራእ 14:1

ኤሴን ኦርፎ ኤስ ፋንቱስ ሲዮንኪ ኣማስታ የሬፌኒ ቢን፤ ባርኔን አነ ባሳ ሱናሴዋ አባባሳ ሱንነ ስንቤሲስታ ትቼና ትሬ አቼቻስሬ አቼቼ ኩም አሱኒ ሜያ ፌሴቴር።

ዮሀኒስኒ ራእ 17:14

ባሶ ፋንቱሳታ ኔቦ ጋቾሶነ፤ ስኑንታኖ ፋንቱስ ዳምኒ ሜኒ ዳም፤ ታቶኒ ሜኒ ታቶ ስንና ቦርአ ባሶትን ሜሮና፤ ባርኔን አነ ፌሴ ቴግቴ ባሶ፤ ኮርቴ ባሶ፤ አማናምቶኒ ሜያ ደይ አነ ሜርሶነ።»

ዮሀኒስኒ ራእ 21:22

ዙታምባሴ አሲን ችምፋ ዳማ ሀኦሴዋ ፋንቱስና ባሪ ቤቴሜቅደስ ስነቴ ቦርአ ካታማሲ ቤቴሜቅደስኖን ኣነ ብዩት።

ዮሀኒስኒ ራእ 21:23

ሀኦሲ ኡልፍና ቻርሲፋና ቦርአናዋ ፋንቱስ ባሪ ቶና ስንና ቦርአና ኤስ ካታማሲክ አዋ ወደይ አስሳ ቻርሱናክ ኣነ ሾልሲፋ።

ዮሀኒስኒ ራእ 22:1

ኤሴን ኦርፎ ሀኦሲ ዎሲያ ሀኦስኪንናዋ ፋንቱሳ ዝግሞስኪንና ኬስፋ ዎሹ ቡርጩቆነ ፋ ካኒ ዎርአ አካሶን ታክ ቤሲ።

ዮሀኒስኒ ራእ 22:3

ሀንኔን ኤካሎ እሳ ኤርዊያ ኣፋ ፎና ዉዛ፤ ሀኦሴዋ ፋንቱስና አሲ ዝግሞ ካታማስቱ ስናና። ዎስትኛኒ ሜያ ደይ ሀኦሶን ሺጵሶነ።

ዮሀኒስኒ ራእ 4:8

ካባሬሬ ዉዛሲክቶ አቼቾባሴ እሳርባ እሳርባስ እሱን ኮሶባ ፋናር፤ ጌራካሎባሴዋ ሲካሎባሴ ኣፋክ ቱምማ ፋር፤ ዋላክናዋ ዎናክና፦ «ኮርቶ፥ ኮርቶ፥ ኮርቶ፤ ዙታምባሴ አሲን ችምፋ ዳማ ሀኦ፤ ፋዪስ ፋባሬዋ ዮኒ ባሬ» ኡስታን ኣነ ዬትሴፋ።

ዮሀኒስኒ ራእ 5:11

ኤስታን ደይ ቢና ዝግሞሴዋ ካባሬሬ ዉዛሴ ደይ ኩርኡኒ ሜኒ ብራቶስታ ሾዎ ሀኦኒ ዎሲኒ ካማ ኦደን፤ ሾዎቤሲስ ደይ አካማ ኩማክናዋ አካማ ምልዮኒክና ፋድቶኒር።

ዮሀኒስኒ ራእ 5:12

አካማ ካማክ፦ «ሹክቴ ፋንቱስ፤ ሁግና፥ ኦትማ፥ ቴችማ፥ ችማ፤ አሪክቶ፥ ኡልፍነዋ ጋላትነ፤ ኤጳቶናክ ሾልሱዋ» ይሴቴ።

ዮሀኒስኒ ራእ 5:13

ደን ሳማክናዋ ሀን ዳስታክና፤ ዳሲ ሲካሎስንናዋ ባሪስንና ፋ ቴስቶስ ዙቴራ፦ «ዝግሞስታ ድ ባሪክናዋ ፋንቱሲክና ጋላታ፥ አሪክቶ፥ ኡልፍነዋ ሁግናነ፤ ኮእባኔን ኮእባ ፎንቶኖን ስኑን» ይሴፌን ኦደን።

ዮሀኒስኒ ራእ 5:14

አቼች ካባሬሬ ዉዛሲክቶ ደይ፦ «ኣሚን!» ይሴቴ። ሄፓስሬ አቼቼ ኩርኡኒ ሜያ ደይ ስንቤሲሲክ ካአነሬ ሳጋደሴቴ።

ዮሀኒስኒ ራእ 6:16

ኣማሴዋ ካኦሴ አሲን «እኖትን ይኑ! ዝግሞስታ ድ ባሳ ስናን፤ ደይ ፋንቱሳ ግእስን እኖትን ኣቹትዌ!