ዮሀኒስኒ ራእ 5:13 - ጋዶ ቴያ

¹³ ደን ሳማክናዋ ሀን ዳስታክና፤ ዳሲ ሲካሎስንናዋ ባሪስንና ፋ ቴስቶስ ዙቴራ፦ «ዝግሞስታ ድ ባሪክናዋ ፋንቱሲክና ጋላታ፥ አሪክቶ፥ ኡልፍነዋ ሁግናነ፤ ኮእባኔን ኮእባ ፎንቶኖን ስኑን» ይሴፌን ኦደን።

Gaddo Teyya

¹³ Den samaknawa han daastakna; daasi sikalosinawa baariissina fa testoos zuuttera: «Zigimoosta di bariknawa fantuusikna galata, arkitto, ulfinnewa hugnane; koi'baneen koi'ba foontonon sinun» yisefeen oden.

ዮሀኒስኒ ራእ 5:13 Iomraidhean Croise

Matewos 6:13

ማንጙስን ኦድታኖ፤ ፋታናሲ እኖትን ጌዳታታ። [ታቶስ፥ ሁግናሴዋ ኡልፍናሴ፤ ኮእባ ፎንቶኖን ኔርዋ፤ ኣሚን።›]

Luqas 2:14

«ደን ሳማኪ ሀኦሲክ ኡልፍና ስንፋውጝዋ! ሀን ዳስታኪ ደይ፤ ሀኦ ሹንፋና አሱኒ ሜያ ዙታምቤሲሴ አሲክ፤ ናጋ ስንፋዉጝዋ» ይት ሀኦሶን ጋላቴሴቴ።

Yohannis 1:29

ዎኖትርክ የሱስ ዮሀኒስኒኪ ዬፌን ብያት ኤካ ይ፦ «ኤሴ ሀን ዳስታክ ፌ አሱሳ ቦርአኖን ባሶስታን ትሽኩኒ ሀኦኒ ፋንቱ፤

Roome 11:36

ዙታምባሴ ያናስ ባርኪን፥ ባርኪ ካሞናዋ ባርኪንናዋ። ኮእባ ፎንቶኖን ባሪክ ኡልፍና ስንፋውጝዋ፤ ኣሚን!

Roome 16:27

ባር ባር ቴቹምባ ፋና እሳ ሀኦሲክ፥ የሱስ ክርስቶስኒኪ ካሞ ኮእባ ፎንቶኖን ጋላታ ስንፋውጝዋ፤ ኣሚን!

Roome 9:5

ባሶ ኮንቶቤሲሲክ አሲቴሴሪኒ አባን ሜያኪን ዬሴቴርዋ። ክርስቶስ ደይ አሻክ ዬናስ ባሶ ዛላስንዋ። ባር ዙታምባሴ አሲ ደናሎዋ፤ ኮእባ ፎንቶኖን ደይ ሱስቶ ሀኦዋ፤ ኣሚን!

Efeson 3:21

ቤቴክርስታኒስኪ ካሞናዋ የሱስ ክርስቶስኒኪ ካሞና ኮንቶ ዙታምባሴ አሲክ ኮእባ ፎንቶኖን ኡልፍና ስንፋውጝዋ! ኣሚን!

Filiphisiyus 2:10

ኤስ ባሪ ቦርኣ የሱስኒ ሱናሲ ኡልፍናክ፤ ሳማክናዋ ዳክና፤ ደይ ዳሲ ስካሎሲ ፋሴ ባርኪቶ ዙቴራ፤ ኬእባሲክ ባሪክ ካኖናዋ።

Qolasiyas 1:23

ኤስ ባር ደይ ስናናስ ምስራቹኒ ካማስኪ ካሞ ቤስቴ አብዲሲክ አማንቶክ ዛግራ ዬሬፋትነ ኮእባዋ። ኤስ ኦደት ምስራቹኒ ካማስ ሀን ዳ ዙታምባሴ አሲስታ ፌሴ አሱኒ ሜያክ ማክቴ ባርዋ። ታ ጳዉሎስ ደይ ሀን ምስራቹኒ ካማሲክቱ ዎስትኛ ስንጝዋ።

1 ጢሞትዮስ 4:16

ነ ቴታሲክናዋ አሲፋታ አሱሲክና አሩዋ። ኤስ ዉዛሲክቶታ ችምማ። ኤስ ባሮን ዛጋታነ ቴትኔሶንናዋ ኦደፌ ባሶትንና ፉኦታዋ።

1 ጴጥሮስ 4:11

ንቶስን አስፌ ባር ሀኦሲ ካማኖን አሱዎ፤ ሀኦሲክ ዎስቴፌ ባር ሀኦስ ባሪክ እምና ሁግናሲክ ዎስቶዎ። ኤሲሲክ ሀኦስ የሱስ ክርስቶስኒኪ ካሞ ቾዋ ዙታምባሴ አሲክ ሀኦስ ኡልፍንቶና። ኡልፍናሴዋ ሁግናሴ ኮእባ ፎንቶኖን ባሪክ ስንፋውጝ፥ ኣሚን።

1 ጴጥሮስ 5:11

ኮእባኔን ኮእባ ፎንቶኖን ሀእሱኒ ሁግናስ ባሪክ ስንፋውጝ፤ ኣሚን።

Yuuda 1:25

ባር ኮእባ ሄትኒ ስና ሀኦሲክ፤ ዳም የሱስ ክርስቶስኒኪ ካሞ ዜሞኔን ሀውጙ ካርአ ሀሽኑ ኮእባ ፎንቶኖን ኡልፍንነዋ አድዳነ፤ ሁግናነዋ ሀእሱኒ ሁግናነ ባሪክ ስንፋውጝዋ። ኣሚን!

ዮሀኒስኒ ራእ 1:6

የሱስ ክርስቶስኒ አባ ሀኦሲክ ዎስትኛ ስናኒክ እኖትን ታቶሲ ማግኒ ሜያ ዛግ የሱስ ክርስቶስኒክ ኮእባ ፎንቶኖን ኡልፍነዋ ሁግናነ ባሪክ ስንፋውጝ! ኣሚን!።

ዮሀኒስኒ ራእ 13:8

ሀን ዳስ ቴስቴና ዎኖኔን ካብራ ሱንቤሲስ ሹክቴ ፋንቱሳ ካኒ ማፃፋሲ ትቾኖይናሮን ሀን ዳስታ ፌ አሱኒ ሜያ ዙቴሬ ጎኞሲክ ሳጋዶሶነ።

ዮሀኒስኒ ራእ 5:1

ዝግሞስታ ድ ባሳ ሆእታ ኩሹስሲ ስሩክናዋ ቱካክና ትቾ ናፉን ማታማክ ኩሉፍቶ ብራናኒ ብርቶ ማፃፋ ቢን።

ዮሀኒስኒ ራእ 5:12

አካማ ካማክ፦ «ሹክቴ ፋንቱስ፤ ሁግና፥ ኦትማ፥ ቴችማ፥ ችማ፤ አሪክቶ፥ ኡልፍነዋ ጋላትነ፤ ኤጳቶናክ ሾልሱዋ» ይሴቴ።

ዮሀኒስኒ ራእ 5:3

ስኑንታኖ ሳማኪ ስኑን ዳስታክ ወደይ ዳስ ስካሎሲክ ብራናኒ ብርቶ ማፃፋሶን ጋቻናክናዋ ሲካሎባሶን ብያናክና ችማር ኦኑ ኣፌ።

ዮሀኒስኒ ራእ 5:6

ኤሴን ኦርፎ ዝግሞስታናዋ አቼች ካባሬሬ ዉዛሲክቶኒ ጋነያሲ ደይ ኩርኡኒ ሜኒ ጋነያሲ ደይ ሹክቶ ፋንቱነ ፌር የሬፌን ቢን፤ ኤስ ፋንቱስ ናፉን ካላባናዋ ናፉን ኣፍባና ፋር፤ ኤስ ባርኪቶ ዳ ዙታምባሴ አሲስታ ዎስቴራ ሀማ ሀኦኒ ናፉን አያናሲክቶዋ።

ዮሀኒስኒ ራእ 5:9

ኦራ ጋማክ ኤካ ይት ጋሜሴቴ፦ «ሀርንኔሲክ አሲቴሴሪሲክቶስን፤ ዎሉምቴፋ ኖኖሲክቶስን፤ ኬና ኬናስን፥ ዳራ ዳራሳስን፤ አሱኒ ሜያኖን ሀኦሲክ ፉሮታክ ነ ሹክቴታ ቦርአ፤ ብራናኒ ብርቶ ማፃፋሶን ኤጳታክናዋ፤ ማታማሲክቶኖን ጋቻታክና ሾልሲናር ስኒትዋ።

ዮሀኒስኒ ራእ 6:16

ኣማሴዋ ካኦሴ አሲን «እኖትን ይኑ! ዝግሞስታ ድ ባሳ ስናን፤ ደይ ፋንቱሳ ግእስን እኖትን ኣቹትዌ!