ዮሀኒስኒ ራእ 22:12 - ጋዶ ቴያ

¹² «ኤሴ! ታ ታእኒን ዮና! እሳርባ እሳርባሲክ ዎስቶባሲማቶ እማና ዋጋሶን ኩሹናስሲ ኤጳቱ ፋኒ።

Gaddo Teyya

¹² «Ese! Ta tai'nin yoona! Isarba isarbaasik wostobaasimato imana waagaason kushunaassi ephaatu faan.

ዮሀኒስኒ ራእ 22:12 Iomraidhean Croise

Matewos 16:27

አሱኒ ና አባባሳ ኡልፍናክ ዎሲባስኔን አነ ዮኒርዋ። ኤስ ካባሲክ ዙታምባሴ አሲክ ዎስቶቤስስማቶ ባሶክ ካሱና።

Roome 14:12

ኤስ ባሪ ቦርኣ እንኖ እሳርኒ እሳርኒስ ቴትኒሲ ዎስቶክ ሀኦሲ ስና ታአ ዎልጉባ እማኒርዋ።

1 ቆሮንጦስ 3:14

እሳ ሹኒ ኬያ ኬርእኛአስ ካፑትና ካፕታስታ ዎስቴና ዎስቶስ ጌያክ ፋታንቴራ ኪቾኖይ ፉእቴፋናነ ሹኒ ኬያሶን ኬርአ ባር ዋግባሶን ዳናናዋ።

1 ቆሮንጦስ 3:8

ቶካ ባር ስኖ አካ ኡሽ ባር እሳ ባርዋ፤ እሳ እሳርባስ ዎስቶባስማቶ ቴትባሲ ዋጋኖን ኤጴቶናዋ።

ዮሀኒስኒ ራእ 11:18

አዛብኒ ሜያ ግእቴሴቴ፤ ነ ግኣስ ደይ ያ፤ ክቲ ባሶ ማጝሱኒ ካርኣሶን ዳኖነ ዎና ካርእ። ነ ዎስትኛ ስና ራጁኒ ሜያክናዋ፤ ኮርቶኒ ሜያክና ደይ ሱንኔሶን ኡልፍንስሴፌ፥ ጋሮ ጋሮሲክናዋ አሪክ አሪክሲክና፥ ዋግቤሲሶን እማታ ዎናስ ካርእዋ፤ ዳሶን ማጝሲሴፌ ባሶትን፤ ትሽኩታ ዎና ካርእዋ።»

ዮሀኒስኒ ራእ 2:23

ናንጎትባሶን ደይ ክቱክ ኬኡና፤ ቤቴክርስታኒሲክቶ ደይ ዙትራ አሱኒ ሜኒ ንባሶንናዋ ሳፋራሶንና ቱእኒፌስ ታ ስንናማቶ አርሶና፤ እሳርኒት እሳርኒትሲክ ዎስቶኒትሲማቶ ካሱናዋ።

ዮሀኒስኒ ራእ 20:12

ክት ጋሮ ጋሮ ሜያኖንናዋ አርኪ አርኪ ሜያኖንና ዝግሞሲ ስና የርሴፌን ቢን፤ ማፃፋሲክቶ ደይ ጋችቼ፤ ካኒ ማፃፋ ስና ኦማ ማፃፋ ደይ ጋችቼ፤ ክቱኒ ሜያ ደይ ማፃፋስሲ ትቼራ ኩኒ ዎስቶቤሲስማቶ ማጝሱኒ ካርአ ኤጴቴሴቴ።

ዮሀኒስኒ ራእ 22:20

ሀን ዉዛሲክቶኒ ዛል ስና ባር፦ «ኣ፤ ታእኒን ዮናዋ!» ይፌ። ኣሚን፤ ማራናታ ዳም የሱስኖ ታእኒን ዮዋ!

ዮሀኒስኒ ራእ 22:7

የሱስ ደይ፦ «ኤሴ! ታ ታእኒን ዮና፤ ሀን ማፃፋሲ ራጅኒ ካማኖን ኦድፌ ባር ሱስቶዋ!» ይ።

ዮሀኒስኒ ራእ 3:11

ኤሴ ታፕቴራ ዮና፤ አክሊልኔሶን ኦኑ ነይስታን ኤጵኖይናማቶ ኔኪ ፋ ባሮን ማእስራ ኤጵዋ።