ዮሀኒስኒ ራእ 15:7 - ጋዶ ቴያ

⁷ አቼች ካባሬሬ ዉዛሲክቶስን እሳይስ ሀኦኒ ናፉን ዎሲያሲክቶክ ኮእባኔን ኮእባ ፎንቶኖን ካርአ ፎኒ ሀኦሲ ግእአ ቱምማ ፋና ናፉን ዋርቄኒ ቶፎሶን እሚ።

Gaddo Teyya

⁷ Acheech kaabarere wuzaasikitosin isaas Ha'oni naafun wosiyaasikitok koi'baneen koi'ba foontonon kar'a fooni Ha'oosi gi'a tuumma faana naafun warqeni toofooson imi.

ዮሀኒስኒ ራእ 15:7 Iomraidhean Croise

1 ቴሴሎንቄ 1:9

ንቶኪ ያፌኒ ካባሲክ እኖትን ኣካክ ኤጳ ታሴትማቶ፤ ሀየዋ ደይ ፉቶ ስና ሀኦሲክ ዎስቶክ ኮልኦኒ ሺጶስን ኦር ኬስሳ ሀኦስኪ ኣካክ ዎልሴትማቶ ኤስ አሱኒ ሜያ ቴትቤሲሲክ ዛላ ስኖነዋ።

ዮሀኒስኒ ራእ 1:18

ታ ሀየውዋ፤ ዜሞ ኪትን፤ ስኑንታኖ ኮእባ ፎንቶኖን ታ ሀየውዋ፤ ክቱስታናዋ ኬኦኒ ድማስታና ሀእሱኒ ሁግናና ፋርዋ።

ዮሀኒስኒ ራእ 10:6

ኮእባኔን ኮእባ ፎንቶኖን ፋፋ፤ ሳማሶንናዋ ባሪስሲ ፋሴ ዉዛሲክቶኖንና፤ ዳሶንናዋ ባሪስሲ ፋሴ ዉዛሲክቶኖንና፤ ባሪሶንናዋ ባሪስሲ ፋሴ ዉዛሲክቶኖንና ቴሲ ሀኦሲ ሱናክ ቴይራ፦ «ሀንኔን ኤካሎ ኣፋ ዎካና ዉዛ!

ዮሀኒስኒ ራእ 14:10

ሀኦሲ ግእኒ ዋይኒን ኡሻኖን ኡሾነርዋ፤ ኤስ ዋይኒን ኡሻስሲ ዎእቶኖይ ግእኒ ቶፎስሲ ቱንቶዋ፤ ኤሲስማቶ ኮርቶ ሀኦሲ ዎሲያኒ ስንታናዋ ፋንቱሳ ስንታና ጌያክናዋ ጌኒ ካዮክና ሻና ብዮነ።

ዮሀኒስኒ ራእ 15:1

ኦማ አካማ ደይ ዲንቂ ቤሶ ሳማስታክ ቢን፤ ሀኦሲ ግእአ ኮኡናክ ዛጉኒ ኮእኒ ናፉን ቤቶሶን ኤጶ ሀኦኒ ዎሲያ ናፉኖን ቢን።

ዮሀኒስኒ ራእ 16:2

ቴሱኒ ሀኦሲ ዎስያ ሀማ ቶፎሶን ዳስታክ ዉክ፤ ጎኞስ ታካ ፋና ባሶታናዋ ጎኞስ ሱራክ ሳጋደሴፌ አሱኒ ሜያስታና ማጙ ደይ ሻና ቤስት ፋ ማዛ ባሶስታ ኬስ።

ዮሀኒስኒ ራእ 17:1

ናፉን ቶፎሶን ኤጶ ሀኦሲ ናፉን ዎሲያስን እሳይስ ታኪ ያራ፦ «ያፋን ሾዎ አካስታ ድ አርኪ ጌርኬስፋ ማሽካሱስታ ካርኒ ማጝሱኒ ካርኣሶን ቤሱጝዋ።

ዮሀኒስኒ ራእ 21:9

ኮእኒ ናፉን ቤቶሲክቶ ቱምና ናፉን ቶፎሲክቶኖን ኤጶ ሀኦሲ ናፉን ዎሲያስን እሳይስ ያራ፦ «ያፋኒ ፋንቱሳ አሱ ስንና ማርያኖን ኔክ ቤሱጝዋ» ይ።

ዮሀኒስኒ ራእ 4:10

ሄፓስሬ አቼቼ ኩርኡኒ ሜያ ኮእባኔን ኮእባ ፎንቶኖን ፎኒ ባሪክ፤ ዝግሞስታ ድ ባሳ ስና ስንቤሲሲክ ሳጋዶሶነ፤ አክሊልቤሲሶን ደይ ዝግሞሲ ስና ኩንሳት፦

ዮሀኒስኒ ራእ 5:8

ብራናኒ ብርቶ ማፃፋሶን ኤጵፌና ካባሲክ አቼች ካባሬሬ ዉዛሲክቶነዋ ሄፓስሬ አቼቼ ኩርኡኒ ሜና ፋንቱሳ ስና ስንቤሲሲክ ጋንደሴቴ፤ እሳ እሳርቤሲስ ኩሹቤሲስ ካማ ኤጴሬ ፌሴቴር፤ ኤሲስማቶ ኮርቶኒ ሜኒ ሺጶ ስና እጣና ኪቼፋና ዋርቄኒ ክርቅዳሶን ኤጴሬ ፌሴቴር።