ዮሀኒስኒ ራእ 1:8 - ጋዶ ቴያ

⁸ ፌይስ፥ ፌ ባር፥ ዮኒ ባርናዋ ዙታምባሴ አሲን ችምፌ ዳም ሀኦስ «አልፋነዋ ኦሜጋነ፤ ቴሱኒ ባርናዋ ኮእኒ ባርና ታዋ» ይፌ።

Gaddo Teyya

⁸ Feyiis, fe bar, yooni barnawa zuuttambaase asin chimfe Daam Ha'oos «Alfanewa oomegane; tesuni barnawa koi'ni barna tawa» yife.

ዮሀኒስኒ ራእ 1:8 Iomraidhean Croise

2 ቆሮንጦስ 6:18

ታ ንቶክ አባ ስናና፤ ንቶ ደይ ታክ ኣርቃ ናንጎትናዋ፤ ማሽካ ናንጎትነ ስናቲ፤ ይፋዋ ዙታምባሴ አሲን ችምፋ ሀኦስ» ይዋ።

ዮሀኒስኒ ራእ 1:11

«ቢታ ባሮን ማፃፋስታ ትችራ ናፉን ቤቴክርስታኒሲክቶክ ኤሲስ ደይ ኤፌሶኒክ፥ ሴሜርነሲክ፥ ፐርጋሞኒክ፥ ትያትሮኒክ፥ ሴርደሲክ፥ ፍላደልፍያክናዋ ሎዶቅያክና ዎሱዋ» ይፌን ኦደን።

ዮሀኒስኒ ራእ 1:17

ቢናይሴ ክቱ አሱነ ፌር ስንና ዎቾባስሲ ጋንደን፤ ስኑንታኖ ባር ሆእታ ኩሹባሶን ታይስታ ታእሬ ኤካ ይ፦ «ድጎታታዋ፤ ቴሱኒስናዋ ኮእኒስና ታዋ።

ዮሀኒስኒ ራእ 1:4

ዮሀኒስኒኪን ኢስያኪ ናፉን ቤቴክርስታኒሲክቶክ፤ ዜምሜ ፌይስኪን፤ ፌ ባርኪንናዋ፤ ዮኒ ሀኦስኪን፤ ዝግሞሲ ስና ፋሴ ናፉን አያናሲክቶኪን፤ ኤሲስማቶ ደይ ክቱን ካቡባሲክ ኡዙን ስና ሀን ዳስ ታቶኒ ሜኒ አእስኛ፤ አማናምቶ ዛል፤ እኖትን ሹንነ ሀርንባሲክ ቦርኒስን ብርማዱምማ ክሲ የሱስ ክርስቶስኒ ኦትማሴዋ ናጋሴ ንቶክ ስንፋውጝ።

ዮሀኒስኒ ራእ 11:17

ደይ፦ «ፋ ባሬዋ ፎኒ ባሬ፤ ዙታምባሴ አሲን ችምፋ፤ ዳማ ሀኦኒሴ! አሪክ ሀእሱኒ ሁግናኔሶን፤ ነ ኩሹስሲ ኤጵታ ቦርአናዋ፤ ታቴታ ቦርአና ጋላቴፌኒዌ።

ዮሀኒስኒ ራእ 15:3

ሀኦሲ ዎስትኛ ስና ሙሴኒ ጋማሶንናዋ ፋንቱሳ ጋማኖንና፦ «ዙታምባሴ አሲን ችምፋ ዳማ ሀኦሴ! ዎስቶኔስ አካማ ደይ ዲንቂዌ፤ ዳራኒ ሜኒ ታቶኖ! ኡጉኔስ ልኪ ደይ ፉቶዋ፤

ዮሀኒስኒ ራእ 16:14

ኤስ ባርኪቶ ደይ ቢስቴራ አሪቶኖይ ዉዛ ዛጉን ኪና አያናዋ፤ ኤስ አያናስ ዙታምባሴ አሲን ችምፋ ሀኦ አሪክ ዎናክ ዛግቶኒ ኔቦሲክ አሱኒ ሜያኖን ዙቱክ ሀን ዳስታክ ፌሴ ታቴ ሜያ ዙታምቤሲሴ አሲሲክ ሀሞንርዋ።

ዮሀኒስኒ ራእ 16:7

ሾኣስታ፦ «ኣ! ዙታምባሴ አሲን ችምፋ ዳማ ሀኦሴ! ማጝሱኒ ካርኔስ ፉቶ ደይ ልኪ» ይፋ ካማ ኦደኒ።

ዮሀኒስኒ ራእ 19:15

ዳራሳክቶኒን እቻና ካጋ ሲፎ ባሳ ኖኖስን ኬስ፤ ብታኒ ሃሮክ ደይ ሀእሱና፤ ባር ዙታምባሴ አሲን ችምፋ ሀኦሲ ዴሱ ግአኖን ቤሲፋ ዋይኒን ኡሻሲ ትኡኒ ድማሶን የርአና።

ዮሀኒስኒ ራእ 19:6

ሾዎ አሱኒ ሜኒ ካማ፤ ዎርአ አካኒ ካማ፤ አካማ ደዶኒ ካማነ ፋ ካማ፦ «ሃሌ ሉያ! ዙታምባሴ አሲን ችምፋ ዳማ ሀኦኒስ ታቴዋ!

ዮሀኒስኒ ራእ 2:8

«ሴሜርነሲኒ ቤቴክርስታኒን ሀኦሲ ዎሲያክ ኤካ ይራ ትቹዋ፦ «ሀን ባር ቴሱኒስናዋ ኮእኒስና፤ ደይ ክትፋት ክንኒ ካብሬ ሀየዉ ስና ባርኪን ማክቴ ዎሲያዋ።

ዮሀኒስኒ ራእ 21:22

ዙታምባሴ አሲን ችምፋ ዳማ ሀኦሴዋ ፋንቱስና ባሪ ቤቴሜቅደስ ስነቴ ቦርአ ካታማሲ ቤቴሜቅደስኖን ኣነ ብዩት።

ዮሀኒስኒ ራእ 21:6

ኤሴን ኦርፎ ታክ ኤካ ይ፦ «ኮእ! አልፋናዋ ኦሜጋና፤ ቴሱኒ ባርናዋ ኮእኒ ባርና ታዋ፤ እክቴ ባሪክ ካኒ አካሲን ኮርአሲን ካስቶኒ ዋጋባ ፎንቶኖን ባክ እማናዋ።

ዮሀኒስኒ ራእ 22:13

አልፋነዋ ኦሜጋነ፤ ስናት ባርናዋ ኦርፎቲ ባርና፤ ቴሱኒስናዋ ኮእኒስና ታዋ።»

ዮሀኒስኒ ራእ 4:8

ካባሬሬ ዉዛሲክቶ አቼቾባሴ እሳርባ እሳርባስ እሱን ኮሶባ ፋናር፤ ጌራካሎባሴዋ ሲካሎባሴ ኣፋክ ቱምማ ፋር፤ ዋላክናዋ ዎናክና፦ «ኮርቶ፥ ኮርቶ፥ ኮርቶ፤ ዙታምባሴ አሲን ችምፋ ዳማ ሀኦ፤ ፋዪስ ፋባሬዋ ዮኒ ባሬ» ኡስታን ኣነ ዬትሴፋ።