Matewos 16:18 - ጋዶ ቴያ

¹⁸ ታ ደይ ኔክ ኤካ ይፋዉጝዋ፥ ነ ጴጥሮስዋ ሀን ካእኦስታ ቤቴክርስታንናሶን ኬርአናርዋ። ኤስ ቤቴክርስታኒሶን ክቱኒ ሁግናስ ሜሮናክ ኣፋ ችማናዉዛ።

Gaddo Teyya

¹⁸ Ta dey neek ekka yifawungwa, ne phexiroswa han kaa'oosta betekiristaninaason keer'anarwa. Es betekiristaniison kituni hugnaas meronak aafa chimanawuza.

Matewos 16:18 Iomraidhean Croise

Matewos 10:2

አሲሬ ሄፔ ዎስኒ ሜኒ ሱናስ ሀኒስዋ፦ ጴጥሮስ ይስቴፌ ስሞንናዋ አይባ እንድርያስና፥ ዘብደዎስኒ ናንጎት ያቆብናዋ አይባ ዮሀኒስና፥

Matewos 11:23

ክፍርናሆምነ ደን ሳማ ቴግቶሴ? ዬት ኬእኦኒ ድማስቱ ኬሮታርዌ። ነይስ ዛግቴ ቢስቴራ አሪቶኖይ ዉዛስ ሶዶሙክ ዛግቴ ስንፋናነ ባር ትሹኖይ ሀሽ ሀውጙኔን ካርአ ፎና ካባዌ።

Matewos 18:17

ባሶትን ኦዶ ቤይፋናነ ቤቴክርስታኒሲክ ማኮዋ። ቤቴክርስታኒሶን ደይ ኦዶ ቤይፋናነ ሀኦሶን አማኖኖር ወደይ ቦርእኛ ዛግራ ፋዱዋ።

Matewos 4:18

የሱስ ጋሊላኪ ባርሲ ቴሻ ኣትፌት ሄፕ አይኒ ሜያ ጴጥሮስ ይስቴፌ ስሞንናዋ አይባ እንድርያስና ኩርጡምሚ ኤሻክ ዩጉዶቤሲሶን አካሲ ሀእሴፌን ቢ። ባሶ ዎስቶስ ደይ ኩርጡሚኒ ኤሻ።

Matewos 7:24

«ኤሴ ሀን ካምናሶን ኦዴሬ ዎስቶታ ፌሽፌ ባር ዙታምባሴ ኬባሶን ካኦኒ ካፑታ ኬርአ ንብባሬ የሬ አሱነ ፌርዋ።

Yohannis 1:42

የሱስኒኪ ደይ ኤጴ የ። የሱስ ባሪን ቢሬ፦ «ነ ዮንናዓኒ ና ስሞንዋ፥ ነ ሀውጙኔን ኤካሎ ‹ኬፋ› ይስቴራቱ ቴግቶታዋ» ይ። ኮትባስ ደይ «ጴጥሮስ ወደይ እኛ ሹአ» ኡዋ።

ዎስኒ ሜያ 2:47

ዳሚስን ደይ ጋላቴሴት ፌሴቴር። ዳራ ዙታምባሴ ደይ ባሶትን ኡልፍንስት ፌር። ሀኦሲ ደይ ፋሩን አሱኒ ሜያኖን ዎንና ዎንና ባሶስታ ዳይስት ፋር።

ዎስኒ ሜያ 20:28

ንቶትን ቤቴክርስታንን ኩርኡ ዛግራ ኮርቶ አያናስ ኮሪ። ኤሴ ንቶ ቴታሲክናዋ ኬምፌት ዎዶሲክና ቴትንትሶን አሩትዋ። ሀኦሲ ባር ናሳ ሀንናክ ዋጌና ቤቴክርስታኒሶን ማእስራ ኦድትዋ።

ዎስኒ ሜያ 8:1

ሳዉል እስጥፋኖስ ዎርቶባሲክ ግሬ። ኤስ ካባሲክ የሩሳለሙክ ፋ ቤቴክርስታኒስታ ካቡግቶ ካቢ። ዎስኒ ሜያ ባሶ ባሶቴኖ ኦም አማኝኒ ሜያ ዙቴሬ ዩዳናዋ ሳማሪያኪ ዳ ዙታምባሴ አሲስ ሲክቴሴቴ።

1 ቆሮንጦስ 15:55

ኤሲስማቶ ደይ፦ «ክቱሴ! ሜሬሬ ካቡኔስ አይፋሴ? ክቱሴ! አሱኒ ሚርኤፋታ ሁግናኔስ አይፋሴ?» ይስቴዋ።

Galatiya 2:9

ዬቶ ስንነ አሪቴሴፌ ዞንስኒ ሜያ ያቆብ፥ ጴጥሮስናዋ ዮሀኒስና ሀኦስ ኦቱምባሲክ ሀን ኦማ ዎስቶኒ እጣ ታክ እምቴናማቶ አርሴቴይሴ ታክናዋ ባርናባስኒክና እሳር ስንቤሲሶን ቤስፋ ማላቶ ስና ሆእታ ኩሹቤሲሶን እኖክ እሜቴዋ። እንኖ አዛብኒ ሜያኪ ሀማኒክ፤ ባሶ ደይ አይሁድኒ ሜያኪ ሀሞነክ ማእ ይሴቴዋ።

Efeson 3:10

ኤስ ባር ደይ ስንናስ ሀሽቲ ካባሲክ ቤቴክርስታኒስኪ ካሞ ሳማክ ፌሴ ጋኝኛሳክቶናዋ አእስኛአሳክቶና ሀኦሲ ቴችማኖን ግቶባ ግቶባሲክ አርሶነክዋ።

Efeson 5:32

ሀን ኣቾ ቾዋስ አካማኖን እኛዋ። ኤስ ባሮን ይናስ ክርስቶስኒንናዋ ቤቴክርስታኒሶንና ቤሶ ዛግሬ ቤሱክዋ።

Qolasiyas 1:18

ባር ባሳ አቱ ስና ቤቴክርስታኒሲ ቴትዋ። ዙታምባሴ አሲክ ስና ዜምማር ስናናክ ክቱን ካቡባሲክ ደይ ቴሱኒርዋ።

1 ጢሞትዮስ 3:15

ኤስ ባሮን ደይ ትቺናስ ታ ዎክፋናክኑ አሱኒ ሜያ ሀኦሲ ኬሩክ ኣካክ ፎሶነማቶ አሩታክዋ። ኬያስ ደይ ሀየዋ ሀኦሲ ቤቴክርስታኒዋ። ባር ደይ ፉቶኒ ዬቶነዋ ካፑትነዋ።

1 ጢሞትዮስ 3:5

አሱ ባሳ ኬርኪ አሱኒ ሜያኖን ሀእሱክ ችምኖር ስንፋናነ ሀኦኒ ቤቴክርስታኒሶን ኣካክ ሀእሱክ ችምኒርን?

Ibrawiyan 12:28

ኤሴ እንኖ ሾርኮኖይ ታቶሶን ኤጳቶኒር ስንና ቦርአ ሀኦሶን ጋላቶኒዋ። ባሪን ግርሱኒ ኡግናክ ኡልፍናክናዋ ድጋክና ባሪክ ዎስቶኒዋ።

ዮሀኒስኒ ራእ 11:15

ሀኦሲ ናፉንሳ ዎሲያስ ኡሉሌሶን ፉጊ፤ ደን ሳማክ፦ «ሀን ዳስታኪ ታቶስ ዳሚሳርናዋ ባሳ ሙድቶሳርና ስኒ፤ ባር ኮእባኔን ኮእባ ፎንቶኖን ታቶና» ይፋ ቴጋ ቴጋ ካማሲክቶ ኦድቴ።

ዮሀኒስኒ ራእ 21:14

ካታማሲ ግምብኒ ኦጃስ አሲሬ ሄፔ ካፑትባ ፋር፤ ኤስ ካፕታስታ አሲሬ ሄፔ ፋንቱሳ ዎስኒ ሜኒ ሱናስ ትቼራ ፋር።