Matewos 12:31 - ጋዶ ቴያ

³¹ ኤስ ባሪ ቦርኣ ታ ንቶክ ማኬፋውጙዋ፤ አሱ ዎስቴፌና ቦርኣሴዋ ሜኣሴ ዙቴራ ፌሹን ኡስቶና። ስኑንታኖ ሀኦሲ ኮርቶ አያናኖን ሜአ ባር ቦርባስ ኣፋ ፌሹን ኡስቶና ዉዛ።

Gaddo Teyya

³¹ Es bari boor'a ta nittok makefawungwa; asu wostefena boor'aasewa me'aase zuuttera feeshun ustona. Sinuntano Ha'oosi Korto Ayyananon me'a bar boor'baas aafa feeshun ustona wuza.

Matewos 12:31 Iomraidhean Croise

Luqas 12:10

«አሱኒ ናኒታ ሜእን ካማ ማኬፌ ባር ኦኑ ቦርባስ ፌሹን ኡስቶናዋ። ስኑንታኖ ኮርቶ አያናስታ ሜእን ካማ ማኬፌ ባሳ ቦርባስ ኣፋ ፌሹን ኡስቶና ዉዛ።

ዎስኒ ሜያ 7:51

«ንቶ ኤልጝ አሱኒ ሜያ፥ ንብንት ታቶ፥ ኦዶንትስ ኦዶኖር፥ ንቶ ደይ ንቶ አባን ሜኒማቶ ኮርቶ አያናሶን ዎንና ዎንና ኦምቴትር።

Ibrawiyan 10:26

ፉቶኒ አሩሶን ኤጳ ታኒኔን ኦርፎ አሪፋት ሾሌራ ቦርአ ዎስቴፋኒነ ሀንኔን ኤካሎ ቦርኒ ቾዋሲክ እምቶኒ እሳ ማአ ኣፋዋ።

Ibrawiyan 10:29

ኤኪን ሀኦሲ ናኒን ካሺ ባር፤ አኮርቶ ስና ቴያኒ ካማሲ ሀንናኖን ኪንሲ ባር፤ ባክ እምቴ አያናሶን ሜአ ባር ኣካነ ፋ አካማ ኬኦ ባሪክ ሾልሱ ስንና ንቶክ ቤስቴፋሶ?

Ibrawiyan 6:4

አማንቶቤሲሶን ሞርሜ አሱኒ ሜያኖን ሀርምሬ ዎልሶነክ ዛጉ ኣካክ ችምቶኒሪንሶ? ኤስ ኤፌቴና አሱኒ ሜያ ዜሞ ባሶክ ቻሬፋ ቻሬራ ፋር። ሳማኪ እማሶን ቤችሬ ቢሬ ፌሴቴር። ኮርቶ አያናስኔን አነ ሃኤር ስንነ ፌሴቴር።

1 ዮሀኒስ 1:9

ቦርኒሶን ሀኦሲክ ሀርምፋኒነ ባር አማናምቶ ደይ ኦኮ ስንና ቦርአ ቦርእኒሶን ዙታምባሴ አሲን ፌሹን ኡናዋ። ማጝሱኒ ዙታምባሴ አሲስን ደይ እኖትን ካይንኑናዋ።

1 ዮሀኒስ 5:16

ኦኑ አይባስ ክቱታ ካቱኖይ ቦርአ ዎስቴፌን ቢያናነ ባሪክ ሺጶዎዋ። ቦርባስ ክቱታ ካቱኖር ስንፋናነ ሀኦስ ካ ባሪክ እማናዋ። ስኑንታኖ ክቱታ ካትፋ ቦርአ ደይ ፋርዋ። ኤስ ኤፋቴና ቦርኣሲክ ሺጶዎዋ ኣፋ ኡናዉዛ።