Efeson 1:19 - ጋዶ ቴያ

^19-20 ሆሱስቶኖይ አካማ ሁግናባስ አማነፌ እኖክ አዉነ ፋ እኛ ስንባሶን አሩትክ ሺጴፋዉጙዋ፥ ኤስ አካማ ሁግናሶን ዎስቶክ ቤሲናስ ክቱን ካብግራ ሳማኪ ድማስታ ኦእታ ቴሽባስታ ዱስና ናውባ ክርስቶስኒኪ ካሞዋ።

Gaddo Teyya

^19-20 Hoosustonooy akama hugnabaas amanefe innok awune fa inya sinbaason arutik shiiphefawungwa; es akama hugnaason wostok besinaas kitun kabgira samaki dimaastaki oi'ta teshbaasta duusina Kiristoosniki kamowa.

Efeson 1:19 Iomraidhean Croise

Yohannis 3:6

አሱኒኪን ኮንቴ ባር አሱዋ። ስኑንታኖ ሀኦሲ አያናኪን ኮንቴ ባር ሀኦስኪን ጋድዶ ካ ዳኒዋ።

ዎስኒ ሜያ 26:18

ኣፍቤሲሶን ጋቻታክናዋ ታልማስኒ ቻሬፋስታ ክሱታክና ደይ ሴጣናስ ሀእሱኒ ስካሎስኒ ሀኦሲክ ዎልጉታክና ኔን ዛጉናዋ። ባሶ ደይ ቦርቤሲስ ፋክያኖን ዳኖነ። ታክ አማኖቤሲሲክ ደይ ኮርቶ ስና ባሶኔን ርስት ዳኖነ።›

Roome 1:16

ታ ምስራቹኒ ካማሲክ ኣፋ ኢቾናዉዛ። ምስራቹኒ ካማስ ዜምማ አይሁድኒ ሜያክ ደይ አዛብኒ ሜያክናዋ፤ ኤሲስማቶ ደይ አማነሴፌ ባሶትን ዙትራ ፋቱክ ችምኒ ሀኦኒ ሁግናዋ።

2 ቆሮንጦስ 4:7

ስኑንታኖ ሀን ዙታምባሴ አሲስታን ደናሎ ስና ሁግናስ ሀኦሲርታኖ እንኖር ስና ቤይባሶን አሪቶናክ ሀን ኡልፍንቶ ዉዛሶን ሆቾ ኮዳስ ፋርዋ።

2 ቆሮንጦስ 5:17

ኤስ ባሪ ቦርኣ ኦኑ ክርስቶስኒር ስንፋናነ ጋድዶ ቴስቶዋ፤ ኩርኡ ቴስቶስ ኣት ኤስ ባሪ ኤዴስ ጋድዶ ቴስቶ ግሪ።

Efeson 2:10

እንኖ ሀኦስ ዜምማ ሆስና ማአ ዎስቶሶን ዎስቶኒክ የሱስ ክርስቶስኒኪ ካሞ ሄፕሳ ቴስቴ ሀኦሲ ቴስቶዋ።

Efeson 3:20

ኤስ ባሪ ቦርኣ እኖስሲ ዎስቴት ፋ ሁግናባስኪ ካሞ ማምሲፌኒ ባሪስታንናዋ ሳፋሬፌኒ ባርስታንና ደናሎኖን አካማኖን ዳይሲራ ዛጉናክ ችምፋ ሀኦሲክ፤

Efeson 3:7

ሀኦስ ሁግናባሲ ዎስቶኒማቶ ታክ እምና ባሪ ኦትማሲ እማክ ታ ደይ ሀን ምስራቹኒ ካማሲ ዎስትኛ ስንጝዋ።

Efeson 6:10

ኤሴ ሀን ባርስታን ፉእቴ ባሪክ ዳሚሲክናዋ ባሳ አካማ ሁግናሲክና ችምትዋ።

Filiphisiyus 2:13

ኤስ ባሪ ቦርኣ ባር ስናናክ ሾሌፋና ባሮን ሾሎትክናዋ ዛጉትክና ንቶስሲ ዎስቴት ፋይስ ሀኦስዋ።

Filiphisiyus 3:21

ባር ሀን ኩፕኒ አቱኒሶን ሶሎክ ባሳ ኡልፍንኒ አቱሲማቶ ስናናክ ዛጉናዋ፤ ኤስ ባሮን ደይ ዛጉናስ ዙታምባሴ አሲን ሀእሱኒ ሁግናባሲ ስካሎሲ ዛጉናክ ባሪን ችኒፋ ሁግናባሲክዋ።

Qolasiyas 1:29

ሀኦሲ አካማ ሁግናባሲክ ታይሲ ዎስቴት ፋና ቦርአ ኤስ ሁግናስኪ ካሞ ኤስ አላማባስ ኮኡናክ ካቤት አካማኖን ሆፕድፋዉጝዋ።

Qolasiyas 2:12

ሀጱክቴሴፌት ካባሲክ ክርስቶስኔን አነ ካባርቴሴትዋ። ባርኔን አነ ደይ ክቱኒ ካብሴትዋ፤ ክቱን ካብሴትስ ደይ ክርስቶስኒን ክቱኒ ካብግ ሀኦሲ ሁግናክ አማነሴት ቦርአዋ።

1 ቴሴሎንቄ 1:5

እንኖ ምስራቹኒ ካማሶን ንቶክ ማኬኒስ ዎል ላ ዎል ላክ ስኖይናሮን ሁግናክናዋ ኮርቶ አያናክና ደይ ምስራቹኒ ካማሲ ቾዋ ፉቶ ስንባሶን ማእስሬ አሩክዋ። ንቶኔን አነ ፋኒ ካባሲክ ንቶክዋ እያት ኣካክ ፋኒማቶ ንቶ አርሴድፌትዋ።

2 ቴሴሎንቄ 1:11

ኤስ ባሮን ሳፋሮክ ንቶ ቾዋሲክ ዎንና ዎንና ዬቱኖይ ሺጴት ፋኒስ ሀኦኒስ ንቶትን ቴጌና ቴጎሲክ ሆሬር ስንናትክናዋ ማአሮን ዛጉክ ፋ ፍቃድንትሴዋ አማንቶኒ ዎስቶኒትሶንና ዙትሬ ሁግናባሲክ ኮእሱናክዋ።

Yaqob 1:18

ሀኦስ ቴስቶ ዙታምባሴ አሲ ኡዛ ስናኒክ ባሪ ፍቃዲሲማቶ ፉቶኒ ካምባሲክ እኖትን ታነዋ።

1 ጴጥሮስ 4:11

ንቶስን አስፌ ባር ሀኦሲ ካማኖን አሱዎ፤ ሀኦሲክ ዎስቴፌ ባር ሀኦስ ባሪክ እምና ሁግናሲክ ዎስቶዎ። ኤሲሲክ ሀኦስ የሱስ ክርስቶስኒኪ ካሞ ቾዋ ዙታምባሴ አሲክ ሀኦስ ኡልፍንቶና። ኡልፍናሴዋ ሁግናሴ ኮእባ ፎንቶኖን ባሪክ ስንፋውጝ፥ ኣሚን።