2 ቴሴሎንቄ 2:13 - ጋዶ ቴያ

¹³ ዳሚሲክ ሹንቶ አይኒ ሜያነ! እንኖ ዎንና ዎንና ንቶ ቦርአ ሀኦሶን ጋላቶኒክ ሾልስፋዋ፤ ሀኦስ አያናባሲክ ኮርቶ ዛግና ቦርአናዋ ፉቶሲክ አማነራ ፋሩሶትክ ዜምማ ንቶትን ኮርና ቦርአዋ።

Gaddo Teyya

¹³ Daamiisik shunto ayni meyane! Inno wonna wonna nitto boor'a Ha'ooson galattonik sholsifawa; Ha'oos Ayyanabaasik korto zagina boor'anawa futoosik amanera farusotik zeemma nittotin korina boor'awa.

2 ቴሴሎንቄ 2:13 Iomraidhean Croise

Luqas 1:75

ኤሲስማቶ ደይ ኔኒሶን ዙታምባሴ፤ ሀኦሲ ስና ኮርቶክናዋ ኦኮክና ፎኒክዋ።

Yohannis 1:1

ዜምማኔን ካም ፌር። ባር ደይ ሀኦሲክቱ ፌ፤ ካሚስ ደይ ሀኦ፤

Yohannis 14:6

የሱስ ደይ ቶማስኒክ፦ «አባስኪ ዞንሱኒ ኡጉነዋ ፉቶነ ደይ ካነ ታዋ። ታኪ ካሞ ስና ሻካናነ አባስኪ ሀሚኒር ኦኑ ኣፌዋ።

ዎስኒ ሜያ 13:48

አዛብኒ ሜያ ኤስ ባሮን ኦደሴቴይሴ ግርሴሬ ዳሚሳ ካማክ ኡልፍና እሜሴቴ። ኮእባ ፎንቶ ካክ ሆሬ ባሶ ዙቴሬ አማነሴቴ።

ዎስኒ ሜያ 15:9

ንቤሲሶን አማንቶክ ካይንና ቦርአ ባሶትናዋ እኖትና አሲ ጋነያሲ ኣነ ድሎዋ።

Roome 6:17

ንቶ ዜሞ ስናክ ቦርኣሲ ቦዝ ስንናቱ ፋሴትዋ። ስኑንታኖ ሀሽ ኤጳ ታት አሩሶን ንብንትሲ ካሞ አጃጃሞንትሲክ ሀኦሲክ ጋላታ ስንፋውጝዋ።

Roome 8:33

ሀኦሲ ኮርና ባሶትን ኦ ማላቶክ ችምንሪንሶ? ኦኮ ዛጉኒስ ሀኦስዋ።

Roome 9:11

ሀኦሲ ኮሩ ዎስቶክ ስኖይናሮን ቴጎክ ስንባሶን አምማኖን ቤሱናክ ሄፕ ናንጎቲስ ኮንቶባስኔን ዜምማ ወደይ ማአሮንናዋ ማጙኖንና ዛግሶቤሲስኔን ስናክ ሀኦስ ርብቃክ፦ «አሪክስ ሀቴሲክ ሀኢር ስናናዌ» ይ።

1 ቆሮንጦስ 1:21

ሀን ዳስታኪ አሱኒ ሜያ ባሶ ቴትኒ ቴችማሲክ ሀኦሶን አሩ ችሞኖይቴማቶ ሀኦስ ቴቹምባሲክ ኩልፍዋ። ስኑንታኖ ጎዋንማቶ ፋድቴፌ እንኖ ማኬፌኒ ምስራቹኒ ካማሲክ አማነፌ ባሶትን ፋቱናክ ሀኦሲ ፍቃድ ስኒዋ።

Galatiya 3:1

ንቶ ጎዋ ጋላትያኪ አሱኒ ሜያነ! ኦንሶ ንቶስታ ቶልፋታ ዎስቴሪ? ዜሞ ስናክ የሱስ ክርስቶስ ሜስቀሊስታ ሱቴሬ ስኒትስታ አምማኖን ቤስቴት ፌርዋ።

Efeson 2:8

ንቶ ፋሪሴቲስ አማንቶሲኪ ካሞ ሀኦሲ ኦትማክዋ፥ ኤስ ባር ደይ ሀኦኒ እማታኖ ንቶ ዎስቶሲክ ቤስቴርታዋ።

Qolasiyas 1:5

ፉቶኒ ካማ ስና ምስራቹኒ ካማስ ዜምማ ንቶኪ ካርፋና ካባሲክ ኤስ ባርስሲ ፋ አብዲሶን ኦደትዋ፥ ኤስ ባሪ ቦርኣ አማንቶኒትሴዋ ኬሽታንኒቲሴ ካፑቴራ የሬናስ ደን ሳማኪ ሆሬራ ንቶትን ኦድኒ አብዲስታዋ።

Qolasiyas 3:12

ኤሴ ሀኦስ ኮሪና ንቶትናዋ ኮርቶኒ ሜና፥ ሀኦሲክ ሹንቶ ስነትስማቶ ኬናሽቶሶን፥ ጋራማሶን፥ ቴትኒ ዳ ኤጳሶን፥ ማኣሶን ፋክያሶን ማይትዋ።

1 ቴሴሎንቄ 1:4

ሀኦሲክ ሹንቶ አይኒ ሜያነ! ሀኦስ ንቶትን ኮሪናማቶ እንኖ አርፌኒዋ።

1 ቴሴሎንቄ 2:12

ዎንና ዎንና ንቶትን ኪትትናዋ ችኒትና፤ ሀኦሲ ታቶኖንናዋ ኡልፍንባሶንና ሃኦሶትክ ንቶትን ቴጌ ሀኦስ ግሮና ፎ ፎሶትክ አዳራ ይኒማቶ አሪሴድፌትዋ።

1 ቴሴሎንቄ 4:7

ሀኦስ እኖትን ቴጌናስ ኮርቶ ፎ ፎኒክታኖ ኪና ፎ ፎኒክታዋ።

1 ቴሴሎንቄ 5:9

ሀኦስ እኖትን ቴጌናስ ባሪ ግኣሲክ ትሹኒክ ስንኖይናሮን ዳምኒ የሱስ ክርስቶስኒኪ ካሞ እንኖ ፋሩ ዳናኒክዋ።

2 ቴሴሎንቄ 1:3

አይኒ ሜያነ! አማንቶኒትስ ዎንና ዎንና ድቼት ሀሚባሲክናዋ ንቶትና ንቶትና አሲ ኬሽታናስ ደይ ዳይሲት ሀሚድፋር ስንና ቦርአ ሀኦሶን ማእስራ ጋላቶኒክ ሾልሱዋ።

2 ቴሴሎንቄ 2:10

ኤሲስማቶ ኤስ ትሹኒ አሱኒ ሜያኖን ኤሻናስ ሾዎ ቴሳ ማጙ ዉዛሲክቶኖን ዛግትዋ። ኤስ አሱኒ ሜያ ትሾኔስ ደይ ፋርሶነክ ዛጉኒ ፉቶሶን ሹንነ ኤጴቶ ቤየቴ ቦርአዋ።

2 ቴሴሎንቄ 2:12

ኤስ ባር ደይ ስናናስ ፉቶሶን ኣፋ አማኖኒዉዛ ይሴፋት ቦርቤሲሲክ ግርሴፌ ባሶ ዙታምቤሲሴ አሲስታ ማጝሱ ካቶናክዋ።

2 ቴሴሎንቄ 2:16

ዳምኒ የሱስ ክርስቶስናዋ እኖትን ሹንና፤ ኦቱምባሲክ ኮእባ ፎንቶ ችማሶን፤ ማአ አብዲሶን እኖክ እማ አባ ሀኦኒሴ፤

2 ጢሞትዮስ 1:9

ባር እንኖ ዛግኒ ማአ ዎስቶክ ስንኖይናማቶ ቴትባሲ ሹናክናዋ ኦቱምባሲክና እኖትን ፋቲዋ። ኮርቶ ስንና ፎኒክ እኖትን ቴጌ። ኤስ ኦትማሶን ነያኔን ስናክ የሱስ ክርስቶስኒኪ ካሞ እኖክ እሚዋ።

2 ጢሞትዮስ 2:15

ፉቶኒ ሀኦሲ ካማኖን ልኪክ ካትፌ አሱኒማቶናዋ ዎስቶባሲክ ኢቾኖይ ዎስትኛ ስንና ቴትኔሶን ሀኦሲ ስና ታእሱክና ደይ ግርሲ አሱ ስናታክ ዱዶዋ።

2 ጢሞትዮስ 3:15

ዳግኔስታኔን ካብራ የሱስ ክርስቶስኒክ አማኖክ ፋሩ ቤስቴፋናማቶ ቴችማ እምፋ ኮርቶ ማፃፋሲክቶኖን አሪትዋ።

Ibrawiyan 1:10

ኤሲስማቶ ደይ፦ «ዳሚሶ! ነ ዜምማ ዳሶን ቴሲትዋ፤ ሳማሲክቶ ደይ ኩሹኔሲ ዎስቶዋ።

Yaqob 1:18

ሀኦስ ቴስቶ ዙታምባሴ አሲ ኡዛ ስናኒክ ባሪ ፍቃዲሲማቶ ፉቶኒ ካምባሲክ እኖትን ታነዋ።

1 ዮሀኒስ 4:10

እንኖ ሀኦሶን ሹንኒ ቦርአ ስንኖይናሮን ባር እንኖትን ሹንና ቦርኒሶን ትሽኩናክ ናባስን ማአ ዛግራ እንኖክ ዎሲዋ። ኬሽታና ኡስ ደይ ኤሲስዋ።

1 ዮሀኒስ 4:19

ሀኦስ ዜምማ እንኖትን ኬሽቴና ቦርአቱ እንኖ ደይ ኬሽቴፌኒዋ።