2 ቆሮንጦስ 1:19 - ጋዶ ቴያ

¹⁹ ታናዋ ስላስንና ደይ ትሞትዮስ ሀኦሲ ና የሱስ ክርስቶስኒን ንቶክ ማኬኒስ ዎንና ዎንና፦ «ኤ!» ይፋ ካማክ ኮእባታኖ፦ «ኤ! ወደይ እንዳነ» ይፋ ኤክ ሀጝ ኡኒ ካማሲክ ኣፋ ስናናዉዛ።

Gaddo Teyya

¹⁹ Taanawa Sillaasna dey Ximotiyos Ha'oosi Naa Yesus Kiristoosnin nittok makeniis wonna wonna: «Ee!» yifa kaamak koi'batano: «Ee! wedey Indaane» yifa ek hang uni kaamaasik aafa sinanawuza.

2 ቆሮንጦስ 1:19 Iomraidhean Croise

Ibrawiyan 13:8

የሱስ ክርስቶስ ሀዞ ስኑን ሀውጙ ደይ ኮእባኔን ካርኤ ባርኑርዋ።

ዮሀኒስኒ ራእ 1:17

ቢናይሴ ክቱ አሱነ ፌር ስንና ዎቾባስሲ ጋንደን፤ ስኑንታኖ ባር ሆእታ ኩሹባሶን ታይስታ ታእሬ ኤካ ይ፦ «ድጎታታዋ፤ ቴሱኒስናዋ ኮእኒስና ታዋ።

2 ዮሀኒስ 1:9

ክርስቶስኒ አሱሲክ ችምሜ ፎኖይ ባርናዋ ባሳ አሱስታን ዎኬ ሀምፌ ባርና ሀኦባ ኣፋዌ። ስኑንታኖ ክርስቶስኒ አሱሲክ ችምሜ የሬፌ ባርኔን አነ አባስናዋ ናስና ባሪክ ፌሴቴርዌ።

ዮሀኒስኒ ራእ 2:18

«ትያትሮንኪ ቤቴክርስታኒን ሀኦሲ ዎሲያክ ኤካ ይራ ትቹዋ፦ «ሀን ዎሲያስ ጌኒ ዊኖነ ፋ ኣፍባ ፋና ባርኪንናዋ ካዎ ጌሲ ግርራ ኬሳ ናስኒ ብታነ ፋ ዎቾባ ፋና ሀኦሲ ናኒክንና ማክቴርዋ።

1 ዮሀኒስ 5:20

ሀኦኒ ና ዬናማቶናዋ ፉቶኒ ሀኦሶን አሩኒክ ያዳቶኒ ንባ እኖክ እምቴናማቶና አሪፌኒዋ። እንኖ ፉቶኒ ሀኦስኔንናዋ ናዉባ የሱስ ክርስቶስኔንና እሳርኒ ፋርዋ። የሱስ ክርስቶስ ፉቶኒ ሀኦ ደይ ኮእባ ፎንቶ ካዋ።

ዮሀኒስኒ ራእ 1:8

ፌይስ፥ ፌ ባር፥ ዮኒ ባርናዋ ዙታምባሴ አሲን ችምፌ ዳም ሀኦስ «አልፋነዋ ኦሜጋነ፤ ቴሱኒ ባርናዋ ኮእኒ ባርና ታዋ» ይፌ።

ዎስኒ ሜያ 18:5

ስላስናዋ ትሞትዮስና ሜቀዶኒያኒ ዬሴፌ ካባሲክ ጳዉሎስ፦ «የሱስ ባር ክርስቶስዋ» ይት አይሁድኒ ሜያክ ማእስሬ ዛላ ማኬት ዎናሲክቶኖን ኣትት ፌር።

ዮሀኒስኒ ራእ 1:11

«ቢታ ባሮን ማፃፋስታ ትችራ ናፉን ቤቴክርስታኒሲክቶክ ኤሲስ ደይ ኤፌሶኒክ፥ ሴሜርነሲክ፥ ፐርጋሞኒክ፥ ትያትሮኒክ፥ ሴርደሲክ፥ ፍላደልፍያክናዋ ሎዶቅያክና ዎሱዋ» ይፌን ኦደን።

1 ዮሀኒስ 1:3

እኖኔን አነ እሳርኒት ፎናክ ቢኒ ባሮንናዋ ኦደኒ ባሮንናቱ ንቶክ ማኬፌኒዋ። እሳር ስንኒስ ደይ አባስኔንናዋ ና የሱስ ክርስቶስኔንናዋ።

2 ጴጥሮስ 1:17

«ባሪክ ግሬፋና ደይ ሹንፋና ናታ ሀኒስዋ» ይፋ ካማስ አሪክቶ ኡልፍናስ ባሪክ ያፋና ካባሲክ አባ ሀኦስኪን ኡልፍንነዋ አዳነ ኤጴቴዋ።

Ibrawiyan 1:11

ኤስ ባርኪቶ ዙቴራ ትሹኒር፤ ስኑንታኖ ነ ፎታር፤ ዙታምባሴ ማምኒማቶ ኩርኡና።

ዎስኒ ሜያ 15:22

ኤሴን ኦርፎ ዎስኒ ሜናዋ ኩርኡኒ ሜና ቤቴክርስታንን ሜያኔን አነ ስንነሬ ጋነቤሲስኒ ጋሮ አሱኒን ኮርሴሬ ጳዉሎስናዋ ባርናባስና አነ አንሶኪያ ዎሱሶነክ ቡግሴቴ። አይን ሜኒ ጋነያስ ማአ ሀእሱባሲክ አርቶ ስና ቤርሳባስ ይስቴ ዩዳኒንናዋ ስላስኒንና ኮርሴቴ።

ዎስኒ ሜያ 9:20

ጌሬጌሬ ሳዉል ደማስኮክ፦ «የሱስ ሀኦኒ ናዋ» ይት አይሁድኒ ሺጶኒ ኬያሲክቶስ አሱ ኤጲ።

ዎስኒ ሜያ 8:36

ሀሜሬ እሳ አካኒ ቴሻ ካርኤቴን ጃንዳራባስ፦ «ኤሴ ሀንታ አካ ፋርዋ፥ ሀጱክቶናክ ካልኒ ዉዛ ኣምባንሶ?» ይ። [

Yohannis 20:31

ስኑንታኖ የሱስ ባር ክርስቶስ ሀኦሲ ና ስንባሶን አማኖትክናዋ አማነራ ደይ ባሳ ሱናሲክ ኮእባ ፎንቶ ካ ዳናትክናቱ ሀን ትቻስ ትቼዋ።

Yohannis 19:7

አይሁድኒ ሜያ ዎሉግሴሬ፦ «እንኖ ቱማኒ ፋርዋ፤ ሀን አሱስ ባር ባሪን ዎልግሬ፦ ‹ታ ሀኦኒ ና› ይና ቦርአ ኤስ ቱማስማቶ ክቱናክቱ ሾልስፋዋ» ይሴቴ።

Yohannis 8:58

የሱስ ደይ፦ «ፉቶ ንቶክ ማኬፋውጙዋ፤ አብራሀም ኮንቶኖይ ፌን ታ ፋዉጝዋ» ይ።

Yohannis 6:69

ነ ኮርቶ ሀኦሲ ና ስንታማቶ አማነኒ ደይ አሪንዋ» ይ።

Yohannis 3:16

ባሪክ አማነፌ ባር ዙታምባሴ ኮእባ ፎንቶ ካ ዳናናክታኖ ትሹኖይናማቶ ሀኦስ እሳ ናዉባ ባር ባሪን ኣትራ እማ ሀን ዳሶን ባክ ኬሽቴዋ።

Yohannis 1:49

ናትናኤል ዎልግሬ፦ «አስሲኛኖ! ነ ሀኦኒ ናዋ። ነ እስራኤልኒ ታቶዋ» ይ።

Yohannis 1:34

ታ ደይ ቢና ቦርአ ባር ሀኦኒ ና ስኒባሶን ዛላ ማኬንጝዋ።»

Luqas 1:35

ሀኦሲ ዎስያ ዎልግራ፦ «ኮርቶ አያና ነይስታ ዮና። ዙታምባሴ አሲስታን ደናሎ ስና ሀኦሲ ሁግና ደይ ነይስታ ኬሮና። ኤስ ባሪ ቦርኣ ኮንቶኒ ናስ ኮርቶ። ደይ ሀኦኒ ና ኡስቶና።

Marqos 1:1

ሀኒስ ሀኦኒ ና ስና የሱስ ክርስቶስኒ ቾዋሶን ማኬፋ ምስራቹኒ ካማሲ ቴሱዋ።

Matewos 27:54

ት ሜያ ታርኦኒ ሜኒ ጋኝኛስናዋ ባርኔን አነ የሱስኒን ኦደት ፌሴ ባሶትና ዳሲ ሾርኮኖናዋ ስና ቾዋሶንና ብየሴቴይሴ አካማኖን ድግሴሬ፦ «ሀን ባር ፉቶክ ሀኦኒ ናዋ» ይሴቴ።

Matewos 27:40

«ቤቴሜቅደሲሶን ቦጋት ኬዝስናሪ ዎኖ ኬርእኒ ነ ኤሴ ቴትኔሶን ፉኦዋ! ሀኦኒ ና ስንፋታነ ሜስቀልስታን ኬሮዋ» ይሴቴ።

Matewos 24:35

ሳማሴዋ ዳሴ ኣታና፤ ስኑንታኖ ካምናሲክቶሴን እሳንነ ኣፋ ኣታና ዉዛ።»

Matewos 17:5

ጴጥሮስ ኤስ ባሮን ማኬፌን ፓልፓልፋ ሻሩ ያራ ባሶትን ይኒ። ደይ ኤስ ሻሩስን፦ «ባሪክ ግሬፋና ናታስ ሀኒስዋ። ባሪን ኦዶትዋ» ይፋ ካማ ኦድቴ።

Matewos 3:17

ካማ ደይ ሳማኔ ያራ፦ «ሀኒስ ታ ሹንፋና ናስዋ፤ ባርኪቱ ግሬፋውጙዋ» ይ።

Yohannis 20:28

ቶማስ ደይ፦ «ዳምታሶ! ሀኦናሴ!» ይሬ ዎልጊ።

Matewos 4:3

ፋታኖኒ ባር ታእሴሬ፦ «ነ ሀኦኒ ና ስኒፋታነ ሀን ሹኣሲክቶ ቱሻ ስናናክ አጃጀባ» ይ።

ዎስኒ ሜያ 16:1

ጳዉሎስ ደርቤናዋ ልስትራነ ስኒፋ ዳስታክ ሀሚ። ኤስታክ ትሞትዮስ ይስቴ አማኝ አሱ ፌር። እንቶባስ አይሁድኒ ሜኒ ክርስታና። ስኑንታኖ አባባስ ግሪክኒ ዳኒ አሱ።

2 ቆሮንጦስ 1:1

ሀኦሲ ፍቃድክ የሱስ ክርስቶስኒ ዎሲ ስና ጳዉሎስኒክንናዋ አይኒ ስና ትሞትዮስኒክና፤ ቆሮንጦስሱክ ፋ ቤቴክርስታኒሲክናዋ ኤሲስማቶ አካያኒ ዳ ዙታምባሴ አሲስታ ፌሴ ክርስታናን ሜያ ዙታምቤሲሴ አሲክና፤

1 ቴሴሎንቄ 1:1

አባ ሀኦሶንናዋ ዳም የሱስ ክርስቶስኒንና አማነሬ ቴሴሎንቄኪ ቤቴክርስታኒስ ፌሴ አማኝኒ ሜያክ ጳዉሎስኒኪን፥ ስላስኒክንናዋ ጢሞትዮስኒክንና ዎስቴ ዎስያ። ሀኦሲ ኦቱምነዋ ናጋነ ንቶክ ስንፋውጝዋ።

2 ቴሴሎንቄ 1:1

አባ ሀኦሲር ስና ባሶትናዋ ዳምኒ የሱስ ክርስቶስኒር ስና ቴሴሎንቄኒ ቤቴክርስታኒሲ ፌሴ አማኝኒ ሜያክ ጳዉሎስኒኪን፤ ስላስኒኪንናዋ ጢሞትዮስኒኪንና ዎስቴ ዎሲያ፤

1 ጢሞትዮስ 3:16

ፉቶኒ ሀይማኖቲሲ ኣቾ ቾዋ ኤክ ሀጝ ኡባ ፎንቶኖን አካማዋ። ኤስ ባር ደይ ሀኦስ፦ «አሱ ስንነ አምማኖን ቤስቴ፤ ፉቶ ስንባስ አያናክ አርቴ፤ ሀኦኒ ዎሲያክ ቤስቴ፤ ዳራ ዙታምባሴ አሲክ ማክቴ፤ ሀን ዳስታኪ ፌ አሱኒ ሜያ አማነሴቴ፤ ኡልፍናክ ደን ሳማ ሀሚ» ይፋርዋ።

1 ጴጥሮስ 5:12

አማናምቶ አይዋ ይራ ሳፋሬፋና ስልዋኖስኒኪ ካሞ ሀን ዎሲያሶን ካዉንሲራ ንቶክ ትችጝዋ። ትችናስ ደይ ንቶትን ኪቱናክናዋ ሀን ባርር ፉቶኒ ሀኦሲ ኦትማ ስንባሶን ንቶክ ኮትታ ማኮናዋ እያትዋ፤ ኤስ ባሪ ቦርኣ ሀን ሀኦሲ ኦትማክ ችንማ የሮትዋ።