1 ጴጥሮስ 3:22 - ጋዶ ቴያ

²² ባር ደይ ደን ሳማ ሀምሜ ሀኦሲ ኦእታ ቴሻስታቱ ፌዋ። ሀኦሲ ዎስያንክቶነዋ ሀእሱኒ ሁግናቤስ ፋና ባሶ ዙታምቤሲሴ ባሳ ሲካሎሲ ሀእሴሴቴዋ።

Gaddo Teyya

²² Bar dey den sama hamme Ha'oosi oi'ta teshaastatu fewa. Ha'oosi wosiyanikitonewa ha'suni hugnabesi faana baasso zuuttambesiise basa sikaloossi ha'isesetewa.

1 ጴጥሮስ 3:22 Iomraidhean Croise

Matewos 22:44

« ‹ሀኦስ፥ ዳምታስን፤ ጉማኔስን ዎቾኔሲ ስካሎሲ የርእአታክ ዛጉናኔን፤ ሆእታ ቴሽናስታ ዱዋ› ይዋ።

Matewos 28:18

የሱስ ባሶኪ ታእሴሬ፦ «ሳማክናዋ ሀን ዳስታክና ሀእሱኒ ሁግና ዙቴራ ታክ እምቴዋ፤

Marqos 12:36

ዳዊት ቴትባሲክ ኮርቶ አያናክ ዞኑስቴሬ ማኬፌና ካባሲክ፦ « ‹ዳሚስ ዳምታሲክ ጉማኔሳክቶኒን፤ ዎቾኔስ ስካሎስ የርአታክ ዛጉና ካባኔን፤ ኦእታ ቴሽናስታ ዱዋ› ይ።

Marqos 16:19

ዳም የሱስ ኤስ ባሮን ናዎኒ ሜያክ ማኬናኔን ኦርፎ ደን ሳማ ሀሚ። ሀኦሲ ሆእታ ቴሽታ ድ።

Luqas 20:42

ዳዊት ቴትባሲክ ጋምን ትቻስ ኤካ ይ፦ « ‹ዳሚስ ዳምታሲክ፤ ጉማኔስኒ ዎቾኔስ ስካሎስ፤ የርአታክ ዛጉናኔን፤ ታ ሆእታስታ ዱዋ› ይዋ።

Yohannis 13:32

[ሀኦስ ባርኪ ካሞ ኡልፍንቴና ቦርአ ሀኦስ ደይ ባሪን ኡልፍንሱናዋ። ጌሬጌሬ ደይ ኡልፍንሱናዋ።]

ዎስኒ ሜያ 1:11

«ንቶ ጋሊላክ አሱ! አዋጋን ደን ሳማ ኮትክራ ብየት የሬትሪንሶ? ሀን ደን ሳማ ሀሚፌን ብየት የሱስ ደን ሳማ ሀሚፌን ብየትሲማቶ ዎል ሌ ደይ ዮኒርዋ።»

ዎስኒ ሜያ 3:21

ኤስ የሱስ ደን ሳማኪ ፎናስ ሀኦሲ ዜምማ ኮርቶ ራጁኒ ሜያክ ካሞ ማኬናሲማቶ ሀን ዳስ ዙቴራ ሄፕሳ ዎላ ጋድዶ ስንና ዎሱስቶና ካባኔጝዋ።

Roome 8:34

ኦንሶ ባሶስታ ማጝሱ ካርንሪ? ክርስቶስ የሱስ ባሶስታ ማጝሱ ካርኒሮሶ? ባር እኖክዋ እያት ክት፤ ክቱን ካብሬ አባ ሀኦሲ ሆእታ ቴሽታ ድ፤ እኖክ ናትፌስ ደይ ባርዋ።

Roome 8:38

ኤስ ባሪ ቦርኣ ክቱስኑ ስኑን፥ ካስኑ ስኑን፥ ሀኦሲ ዎስያኑ ስኑን፥ ሀእሱኒ ሁግናቤስ ፋና ባሶኑ ስኖቶ፥ ሀሽቲ ፋ ባርኒ ስኑን፥ ሀንኔንቲ ዮኒ ባርኒ ስኑን፥ ሁግናባ ፋና ባርኒ ስኑን፥

1 ቆሮንጦስ 15:24

ቱስሬ ደይ ባር ሀእሱሶንናዋ ሀእሱኒ ሁግናሶንና ደይ ግዶሶን ዙትሬ ትሽካት ታቶሶን አባ ሀኦሲክ እምፌና ካባሲክ ሀን ዳስ ኮአ ስንናናዋ።

Qolasiyas 3:1

ኤሴ ክርስቶስኔን አነ ክቱን ካብሴትኔን ክርስቶስ ሀኦሲ ኦእታ ቴሽታ ዲና ድማስታ ደን ሳማኪ ፋ ዉዛሲክቶኖን ሾሎትዋ።

Ibrawiyan 1:13

ሀኦስ ባሪ ዎስያሲክቶኒ ጋነያስን፦ «ጉማኔሳክቶኒን ዎቾኔሲ፤ ስካሎሲ ዛጉና ካባኔን፤ ታ ሆእታ ቴሻስታ ዱዋ» ይናስ ኦንኒንሶ?

Ibrawiyan 1:3

ባር ሀኦሲ ኡልፍናኖን ፓልፓልግሬ ቤሲር። ባር ሃላባሲክ ሀኦስኔን አነ ማእስሬ እሳርዋ። ካምባሲ ሁግናክ ሀን ዳሶን ዙትሬ ቴቤ ኤጲዋ፥ አሱኒ ሜያኖን ደይ ቦርቤሲስን ካይምስንናኔን ኦርፎ ሳማኪ ሁግናባ ፋና ሀኦሲ ሆእታ ዲ።

Ibrawiyan 1:6

ሀኦስ ኡዛ ናዉባስን፤ ሀን ዳስታክ ዎሲፋና ካባሲክ፤ «ሀኦሲ ዎሲያ ዙቴራ፤ ባሪክ ሳጋዶና» ይፋዋ።

Ibrawiyan 10:12

ስኑንታኖ ክርስቶስ ቦርኣሲክ እሳ ማኣሶን ኮእባ ፎንቶኖን እሳርጋ እምናኔን ኦርፎ ሀኦሲ ሆእታ ቴሽታ ድ።

Ibrawiyan 12:2

ኤላኒስ ደይ እንኖ አማንቶሶን ካፑቴ ደይ ኮእባ ካቱኒር ስና የሱስኒን ቢራዋ። ባር ስንባስታኪ ፋ ግራሲክዋ እያት ሜስቀልስታኪ ክቱኒ ሳልጲናሶን እሳ ዉዛነ ዛግሬ ፋዱኖይ ሜስቀልስታኪ ሻናኒ ክቱሶን ፋኪ። ሀኦሲ ዝግሞኒ ሆእታስታ ደይ ድ።

Ibrawiyan 4:14

ኤሴ ሳማሲክቶኖን አቴ ደን ሳማ ኬሳ አካም ማግኒ ጋኝኜ ሜኒ ጋኛ እኖክ ፌር ስንና ቦርአ አማንቶኒሶን ዛግራ ኤጳኒዋ። ኤስ ማግኒ ጋኝኜ ሜኒ ጋኝኛስ ደይ ሀኦሲ ና የሱስዋ።

Ibrawiyan 6:20

የሱስ ሜልኬሴደቅኒ ማግ ስንነ ታቶሳማቶ ኮእባ ፎንቶኖን ማግኒ ጋኝኜ ሜኒ ጋኛ ስንነ እኖክዋ እያት ዜምሜ ስር ግሪዋ።

Ibrawiyan 8:1

ኤሴ ዎሎኒ ዉዛሲክቶስን አሪክስ ሀኒስዋ፦ ሳማክ ዙታምባሴ አሲስታን ደናሎ ስና ሀኦሲ ዝግሞኒ ሆእታ ቴሻስታ ድ ኤፌቴና ማግኒ ጋኝኜ ሜኒ ጋኛኒ እኖክ ፌርዋ።

Ibrawiyan 9:24

ክርስቶስ ፉቶኒ ቤቴሜቅደሲሲ ቤሶ ስና ባሪስንናዋ አሱኒ ኩሹክ ኬቴ ኮርቶሲ ኮርቶሲ ኣነ ግሩዌ። ባር ሀሽ እንኖ ቦርአ ሀኦሲ ስና ቢስቶናክ ሳማ ሀምሜ ግር።