1 ዮሀኒስ 5:6 - ጋዶ ቴያ

⁶ ሀጱክቶባሶን ቤሲፋ አካሲክናዋ ክቱባሶን ቤስፋ ሀንናሲክና የይስ የሱስ ክርስቶስዋ። ባር ዬናስ አካክ ኮእባ ስንኖይናሮን አካክናዋ ሀንናክናዋ። ኤስ ባር ፉቶ ስንና ቦርአ ፉቶ ስንባሶንቱ ኮርቶ አያናስ ዛላ ማኬፋዋ።

Gaddo Teyya

⁶ Haphuktobaason besifa akaknawa kitubaason besifa hannaasikna yeyiis Yesus Kiristooswa. Bar yeenaas akak koi'ba sinnoynaron akaknawa hannaknawa. Es bar futo sinna boor'a futo sinbaason Korto Ayyanaas zaala makefa.

1 ዮሀኒስ 5:6 Iomraidhean Croise

Matewos 26:28

ሀኒስ ሾዎ አሱኒ ሜኒ ቦርኣስ ፌሹን ኡስቶናክ ዉክቶኒ ጋድዶ ቴያሲ ሀሪንናስዋ።

Matewos 3:16

የሱስ ሀጱክቴናኔን ኦርፎ ጌሬጌሬ አካስን ኬስ። ኤስታን ሳማስ ጋቼን ሀኦኒ አያና ናካሎነ ፋር ስንና ባሳስታ ኬሬፌን ቢ።

Marqos 14:24

ኤካ ደይ ይ፦ «ሀን ባር ሾዎኒ ሜያክ ዉክቶኒ ቴያኒ ሀሪንናስዋ።

Luqas 22:20

ሜታኡኔን ኦርፎ ደይ ኡሻሶን ቶፎባሴ ኤጴ፦ «ሀን ኡሻት ባር ታ ንቶክ ዉኩና አሪናስንነ ፋርዋ። ባር ደይ ንቶትን ሀኦኔን አነ ጋንሱኒ ጋድዶ ቴያዋ።

Yohannis 14:17

ኤስ ባር ደይ ፉቶኒ አያናስዋ። ሀን ዳስ ብያክናዋ አሩናክና ኣፋ ችማናዉዛ ስንና ቦርአ ኤጴቶክ ኣፋ ችማናዉዛ። ስኑንታኖ ባር ንቶኔን አነ ፋር ደይ ንቶሲ ፎኒር ስንና ቦርአ ንቶ አሩትዋ።

Yohannis 14:6

የሱስ ደይ ቶማስኒክ፦ «አባስኪ ዞንሱኒ ኡጉነዋ ፉቶነ ደይ ካነ ታዋ። ታኪ ካሞ ስና ሻካናነ አባስኪ ሀሚኒር ኦኑ ኣፌዋ።

Yohannis 15:26

«ስኑንታኖ አባስኪን ዮኒ ባሬዋ ታ ደይ ንቶክ ዎሱና ችኑኒ ፉቶኒ ኮርቶ አያናሴ ያራ ታ ቾዋሲክ ዛላ ማኮናዋ።

Yohannis 16:13

ፉቶ ስና ሀኦሲ ቾዋኖን አምማኖን ክስራ ቤሱኒ አያናስ ያፋና ካባሲክ ፉቶ ዙታምባሴ አስሲ ንቶትን ዞሱናዋ። ባር ኦደፋና ባሮንቱ ንቶክ ማኮናታኖ ባሪ ቴታስን ክስራ ኣፋ ማኮና ዉዛ። ደይ ዮኒ ዉዛሲክቶኖን ንቶክ ማኮናዋ።

Yohannis 3:5

የሱስ ዎልግሬ፦ «ፉቶ ኔክ ማኬፋጝዋ፦ አሱ አካክንናዋ ሀኦኒ አያናክንና ኮንቶ ሻካናነ ሀኦሲ ታቶሲ ግሩክ ኣፋዋ ችማናዉዛ።

Yohannis 4:10

የሱስ ዎልግሬ፦ «ሀኦሲ እማኖንናዋ ‹አካ ታክ እምን ኡሹጝዌ› ይስ ኦ ስንናማቶ አራታነ ሺጶኒስ ነዌ። ኤካን ባር ደይ ካኒ አካ ኔክ እማና ካባዌ» ይ።

Yohannis 4:14

ታ እማና አካሶን ኡሽኒ ባሶ ዙቴሬ ኮእባ ፎንቶ ነያ እሳንነ ኣፋዌ እክቶሶነ ዉዛ። ታ እማና አካሶን ኡሽኒ ባሪክ [ሀኦኒ አያና] ባሳሲ ኮእባ ፎንቶ ካኒ ኮርአቱ ስናና» ይ።

Yohannis 6:55

አሽናስ ፉቶኒ ሙ፥ ሀርናስ ደይ ፉቶኒ ኡሻዋ።

ዎስኒ ሜያ 8:36

ሀሜሬ እሳ አካኒ ቴሻ ካርኤቴን ጃንዳራባስ፦ «ኤሴ ሀንታ አካ ፋርዋ፥ ሀጱክቶናክ ካልኒ ዉዛ ኣምባንሶ?» ይ። [

Roome 3:25

ሀኦስ የሱስ ክርስቶስኒን ማእአ ዛግራ እምናስ ባርክ አማነፌ ባሶ ዙቴሬ ሀርንባሲክ ቦርእቤሲስ ፋክያኖን ዳኖነክዋ። ሀኦስ ኤስ ባሮን ዛግናስ ፋኪባሲክ ዜሞቲ ዛግቴ ቦርኣሶን ኬኡኖይ ቤይናስ ባሪ ፉቶኒ ማጝሱኒ ካርኣሶን አምማኖን ኪሲራ ቤሱናክዋ። ሀን ነያሲክ ደይ ሀኦ ቴትባሲክ ኦኮ ስንባሶን ቤስናስ የሱስ ክርስቶስኒክ አማነፌ ባሶትን ዙትራ ኦኮ ዛጉባሲክዋ።

Efeson 1:7

ኤስ ባሮን ደይ ዛግናስ ሀኦሲ ኦቱምኒ አርኩታን ካብ ቾዋ እኖትን ሹና ናዉባሳ ሀንናክ ፉርቴራ ሚርአኒሲ ፋክያኖን ዳንኒዋ።

Qolasiyas 1:4

የሱስ ክርስቶስኒስታ ፋ አማንቶኒትሴዋ አማኝኒ ሜያ ዙታምቤሲሴ አሲክ ቤሴስቲ ኬሽታናሴ አሲን ኦደኒዋ።

1 ጢሞትዮስ 3:16

ፉቶኒ ሀይማኖቲሲ ኣቾ ቾዋ ኤክ ሀጝ ኡባ ፎንቶኖን አካማዋ። ኤስ ባር ደይ ሀኦስ፦ «አሱ ስንነ አምማኖን ቤስቴ፤ ፉቶ ስንባስ አያናክ አርቴ፤ ሀኦኒ ዎሲያክ ቤስቴ፤ ዳራ ዙታምባሴ አሲክ ማክቴ፤ ሀን ዳስታኪ ፌ አሱኒ ሜያ አማነሴቴ፤ ኡልፍናክ ደን ሳማ ሀሚ» ይፋርዋ።

Tito 3:5

እንኖ ዎስቴኒ ኦኮ ዎስቶኒሲክ ስኖይናሮን ባር ፋኪባሲክ እኖትን ፉኤዋ። እኖትን ፉኤናስ ደይ ሄፕሳ ኮንቴሬ ማሶክናዋ ኮርቶ አያናሲኪ ካሞ ቤስቴ ጋድዶ ስናሲክዋ።

Ibrawiyan 10:29

ኤኪን ሀኦሲ ናኒን ካሺ ባር፤ አኮርቶ ስና ቴያኒ ካማሲ ሀንናኖን ኪንሲ ባር፤ ባክ እምቴ አያናሶን ሜአ ባር ኣካነ ፋ አካማ ኬኦ ባሪክ ሾልሱ ስንና ንቶክ ቤስቴፋሶ?

Ibrawiyan 12:24

ጋድዶ ቴያኒ ካምኒ ጋነያ ስና የሱስኒኪ፤ አቤልኒ ሀንናስታን ደናሎ ስና ባሮን ማኬፋ ባርኪናዋ ዊርቴ ሀንናስኪና ታእሴት።

Ibrawiyan 13:20

ፋንቱሲክቶኒ ኬሜር ስና አርኪ ዳምኒ የሱስኒን ኮእባ ፎንቶ ቴያኒ ካምኒ ሀንናክ ክቱን ካብግ ናጋኒ ሀኦሲ፤

Ibrawiyan 9:14

ኮእባ ፎንቶ አያናስኪ ካሞ ቴትባሶን ዝናባ ፎንቶ ማአ ዛግሬ ሀኦሲክ እምና ክርስቶስኒ ሀንናስ ሀየዋ ሀኦሲክ ዎስቶኒክ ካኑኒሶን ክቱ ዎስቶስን አዉነ ፋሮን አሪክስራ ካይምሱንጋሶ?

Ibrawiyan 9:7

ስኑንታኖ ሄፕሳኒ ባግቶሲ ፋ ስርኪ ባግቶሲ ግሩኒስ ማግኒ ጋኝኜ ሜኒ ጋኛ ስና ባር ባር ኮእባዋ። ስር ግሩናስ ደይ ዎጋስን እሳ ዎና ኮእባ። ባር ደይ ቴትባሲ ቦርአክናዋ ዳራስ ዳጋክ ዛግና ቦርኣሲክና እማና ሀንናሶን ኤጵኖይ ስር ኣነ ግሪፌ።

1 ጴጥሮስ 1:2

አባ ሀኦስ ዜምማ አሪራ የሱስ ክርስቶስኒክ አጃጃምቶክ ሀርንባሲክ ዊርቴራ ኮርቶ አያናስኪ ካሞ ኮርቶ ስና ንቶክ፤ ሀኦሲ ኦቱምነዋ ናጋነ ንቶክ አሪክፋዉጝዋ።

1 ጴጥሮስ 3:21

ኤስ አካስ ሀሽ ሀጵቁኒ ቤሶ ስንና ንቶትን ፉኦኒርዋ። ኤስ ባር ደይ አቱስታኪ ኪናሶን ካይኑክ ስኖይናሮን ካይማ ካኑኒ ዳናክ ሀኦሲ ስና ግሩኒ ቴያስዋ። ፋቱናስ ደይ የሱስ ክርስቶስን ክቱን ካቡስስኪ ካሞዋ።

1 ዮሀኒስ 1:7

ስኑንታኖ ባር ቻሬፋስሲ ፌናማቶ እንኖ ደይ ቻሬፋስሲ ፋፋኒነ እኖትና እኖትና ዎል እሳርኒ ፎናዋ። ደይ ናዉባ የሱስ ክርስቶስኒ ሀንናስ ቦርአ ዙታምባሴ አሲስን እኖትን ካይንኑናዋ።

1 ዮሀኒስ 4:10

እንኖ ሀኦሶን ሹንኒ ቦርአ ስንኖይናሮን ባር እንኖትን ሹንና ቦርኒሶን ትሽኩናክ ናባስን ማአ ዛግራ እንኖክ ዎሲዋ። ኬሽታና ኡስ ደይ ኤሲስዋ።

ዮሀኒስኒ ራእ 5:9

ኦራ ጋማክ ኤካ ይት ጋሜሴቴ፦ «ሀርንኔሲክ አሲቴሴሪሲክቶስን፤ ዎሉምቴፋ ኖኖሲክቶስን፤ ኬና ኬናስን፥ ዳራ ዳራሳስን፤ አሱኒ ሜያኖን ሀኦሲክ ፉሮታክ ነ ሹክቴታ ቦርአ፤ ብራናኒ ብርቶ ማፃፋሶን ኤጳታክናዋ፤ ማታማሲክቶኖን ጋቻታክና ሾልሲናር ስኒትዋ።

ዮሀኒስኒ ራእ 7:14

ታ ደይ፦ «ዳሚሶ ነቱ አሪፌርዋ» ይን፤ ባር ደይ፦ «ሀን ባሶ አካማ ሻናሶን አቴ ዬሴርዋ። ማምቤሲሶን ደይ ፋንቱሳ ሀንናክ ሜእሴሬ ፎሮ ዛግሴቴዋ።