Titu 1:3 - Ya Baru nga Tulag

³ Ket ito nadatngan to kustu nga timpu nan, nipakaemmu ne̍ Apu Diyus dactida yan nga panggep na nga maipaay dactida. Ket e̍ Apu Diyus nga Mangisalakan dactida, nitalec na iyaken to panggep na, itu nga ipakaemmuc kun, ta binilin nac.

Titu 1:3 Iomraidhean Croise

Markus 1:15

Ket kinunen ngarud ne̍ Je̍sus, “Nadatnganin ya kustu nga timpu, ket dandani mettin ya panangituray ne̍ Apu Diyus. Agbabawi kayu ngarudin, ket mamati kayun iya Makaparagsac nga Damag!” kunen na.

Markus 13:10

Ta pudnu met nga masapul nga maikasaba nga mona ya Makaparagsac nga Damag kadiya amin nga pagpagiliyan.

Markus 16:15

Ket kinunen pe̍ ne̍ Je̍sus igida, “Mawe̍ kayu kadiya amin nga parte̍ niya lubung, tasun ikasaba nu ya Makaparagsac nga Damag kadiya amin nga toltoley.

Lukas 1:47

Se̍ orey ya kararuwac, patauden na met ya panagragsac ku iya Diyus ku nga Mangisalakan iyaken.

Aramid 10:36

“Emmu nun ya Makaparagsac nga Damag nga nipakaemmu ne̍ Apu Diyus dakami nga iIsrae̍l maipanggep e̍ Je̍su Kristu nga Apu diya amin nga toley. Ta e̍ Je̍sus, igina ya mangitunus dactida e̍ Apu Diyus.

Aramid 17:26

Ket ya nagtaudan diya amin nga toltoley ka amin nga pagpagiliyan, itu ya is-isa ngas nga toley nga pinarsuwa ne̍ Apu Diyus. Ket e̍ Apu Diyus met ya nangpaadu kadiya toley tasun naiwaraswaras da iya amin nga parte̍ niya lubung. Igina met pe̍ ya nangibaga no nungey ya pannakaibangun diya pagpagiliyan, se̍ no awac ya patingga niya masakupan da.

Ruma 15:19

Se̍ nangawis ku pe̍ diya pagilasinan se̍ nakaskasdaaw nga naariman ku gapu iya pannakabalin niya Ispiritu ne̍ Apu Diyus. Ket itan, natungpal kun ya panagpaspasyar ku nga nangipakaemmu iya Makaparagsac nga Damag maipanggep e̍ Kristu, manipud ka He̍rusale̍m agingga ka Iliriku.

Ruma 16:25

Madaydayaw kuma ngarud nge̍ Apu Diyus. Ket no igina, mabalin nakayu nga pabilgen iya panamati nu, maikanatad mettas iya panggep niya Makaparagsac nga Damag nga isursuruc, se̍ ya panggep met pe̍ niya pannakaikaskasaba niyan nga damag maipanggep e̍ Je̍su Kristu. Ket itu pe̍ ya pannakaipakaemmu niya ranta ne̍ Apu Diyus, nga nailimed ka nabayag itun.

Ruma 16:26

Ngem ita, naipakaemmu mettin ya banag niyan nga ranta na. Ket naemmuwan ngarud gapu mettas kadito nipaisurat ne̍ Apu Diyus kadito mammadtu itun. Naipakaemmu ngarudin yan nga ranta na kadiya amin nga pagiliyan iya lubung, gapu ta itu met ya nibilin niya agnanayun nga Diyus, tasun maawis diya toltoley nga mamati se̍ sumurut igina.

Ruma 5:6

Ket itun, awan pekkem mas kabaellan tida nga mangay-ayu e̍ Apu Diyus, ket itu mettin to kustu nga timpu niya pannakaibon ne̍ Kristu, tasun matey para dactida nga toley nga madi nagdayaw e̍ Apu Diyus.

1 Kurintu 9:17

Ket tutu met nga no agtungpal lac iya panangasabac gapu ngas iya kabucbukudac nga nakem, matangdanan nac ngarud. Ngem bekken nga agten iyan ya gapu niya panagtungpal ku, no di lugud gapu ta pagrebngac met yani nga wangel nga naitalec iyaken.

Galasiya 4:4

Ngem ito nadatngan ya kustu nga timpu win, nibon ne̍ Apu Diyus ya Anac na idi nga lubung. Nibon na nga paiyanac iya isa nga babey. Ket nasakupan met pe̍ itun niya turay niya Linteg diya Hudyu,

E̍pe̍su 1:10

Ta ya panggep ne̍ Apu Diyus nga tungpalen na nad no madatngan ya kustu nga timpu, itu ya panangipasakup na kadiya amin nga parsuwa iya panangipangulu ne̍ Kristu, orey diya uwed ka langit se̍ diya uwed idi nga lubung.

E̍pe̍su 2:17

Ket e̍ Kristu, inumbe̍t ngarud nga nangipakaemmu idi nga panangpatunus na kadiya amin nga toley. Nipakaemmu na yan dakayu nga bekken nga Hudyu nga naisina e̍ Apu Diyus itun, se̍ dakami pe̍ nga sigud nga denni e̍ Apu Diyus.

Pilipus 1:13

Ket iya agten iyan, diya amin nga guwardiya niya ari se̍ diya amin nga duduma pe̍ ennidi, naemmuwan dan nga ya panamatic e̍ Kristu, ket itu met ya nakaibaludac.

Kulusas 1:23

Ngem basta masapul nga sipapati kayu nga kanayun iya Anac. Ta nabaked se̍ napaut kuma ya panamati nu, tasun madi kayu lugud maiyaw-awan nga maisina iya namnama nga e̍cde̍ niya Makaparagsac nga Damag nga naikasaba dakayu itun. Ta itu mettas yan ya Makaparagsac nga Damag nga naipakaemmu ka amin nga toley iya lubungin. Ket iyaken nga Pablu, nagbalin nac met nga isa nga natalec nga mangikaskasaba iyan nga damag.

Kulusas 1:6

Ket idi mettas nga Makaparagsac nga Damag nga naipakaemmu win dakayu, pe̍yeng nga agbanag ka nabaru kadiya amin nga edyan iya lubung. Ket umad-adu met pekkem pe̍ ya paglaingan na kadiya mamati, agten pe̍ dakayu, nanipud ito damu nga nagicna nu se̍ naawatan nu ya kinapudnu maipanggep iya siaayat nga asi ne̍ Apu Diyus.

1 Te̍salunika 2:4

Ket iyan nas maikanatad iya gabay ne̍ Apu Diyus ya balbalikasen mi, ta inannamungan nakami nga matalec iya Makaparagsac nga Damag. Bekken met nga toley ya gabay mi nga ay-ayuwen kadiya balbalikasen mi, no di lugud e̍ Apu Diyus. Ta igina met ya mangsuut iya ranta tida.

1 Timutyu 1:1

Iyaken nge̍ Pablu nga isa nga apustul nga agpaay e̍ Kristu Je̍sus. Agten iyan ngarud ya saad ku, gapu mettas iya bilin ne̍ Apu Diyus nga Mangisalakan dactida se̍ e̍ Kristu Je̍sus nga pagnamnamaan tida.

1 Timutyu 1:11

Ket ya kustu nga panursuru nga kunec, itu diya maiyannatup iya Makaparagsac nga Damag nga naitalec iyaken nga isuruc. Ket itu ya nadayaw nga sursuru nga maigapu iya madaydayaw nga Diyus.

1 Timutyu 2:3

Nabaru ngarud no agten iyan, ket makaay-ayu pe̍ yan e̍ Apu Diyus nga Mangisalakan dactida.

1 Timutyu 4:10

Ta e̍ Apu Diyus nga sibibiyag, igina ngarud ya pagnamnamaan tida, ket itu nga ikarigatan tida kuma ya agpasnec gapu igina. Ket igina met ya mangisalakan ka amin nga toley, nangnangruna dactida nga mamati.

2 Timutyu 4:17

Ket orey agten iyan itun, ya Apu mettas ya nangisangil iyaken, ket pinabileg nac. Itu nga nabalin ku nga nipakaemmu ya panursuru tida nga madi yac kinurkurangan, tasun maemmuwan pe̍ diya amin nga bekken nga Hudyu. Ket iya agten iyan, nisalakan nac kadito mayat nga mangranggas iyaken, nga arig nga nisalakan nac mettas iya musung niya isa nga liyun.

Titu 2:10

se̍ madi da agipuslit, no di lugud ipasingen da nga mapagtalkan da kadiya amin nga naitalec igida. Agten iyan kuma ngarud, tasun gapu iya orey nagan na nga wanglen da, maidaydayaw ya panursuru maipanggep e̍ Apu Diyus nga Mangisalakan dactida.

Titu 2:13

Agten iyan kuma ya panagbiyag tida bayat niya panagpadpadaan tida iya makaparagsac nga pagnamnamaan tida, nga itu ya pakasingnan nad iya dayaw ne̍ Je̍su Kristu nga Mangisalakan dactida se̍ Diyus tida nga naturay nga unay.

Paltiing 14:16

Dikad pe̍ nawe̍ ngarudin to nakatugew ito ulep, nga nagkumpay met iya sap-ew niya ginet. Ket iya agten iyan, nagani ngarudin diya maiyarig ka apit niya lubung.