Titu 1:2 - Ya Baru nga Tulag

² Ket ya pungut niya panamati tida, itu ya panagnamnama tida iya biyag nga agnanayun nga awan patingga na. Ket e̍ Apu Diyus, nikari na dactidan yan nga biyag. Itu to nikari na ito di pekkem nga naparsuwa ya lubung ngi, ket emmu tida nga madi met agbusid nge̍ Apu Diyus.

Titu 1:2 Iomraidhean Croise

Matyu 25:34

“Ket kunen nad niya Ari kadiya uwed iya madiwanan na, ‘Umbe̍t kayun, dakayu nga pinagasatan niya Amac! Makipagtawid kayu ngarudin iya pannakairaman nu iya pagiturayan, nga itu ya tawid nu nga naisagana para dakayu manipud ito pannakaparsuwa niya lubung.

Matyu 25:46

Ket iya agten iyan, pumanaw nad diyan nga toley nga mawe̍ da iya agnanayun nga pakadusaan da. Ngem diya napalinteg nga toley, mawe̍ da nga gennung iya agnanayun nga pakabiyagan da,” kunen ne̍ Je̍sus.

Markus 10:17

Ket ito agrubwat nge̍ Je̍sus nga pumanaw antuni nin, uwed met isa nga lalaki nga nanagtag nga imadenni igina. Ket nawe̍ ngarud nagparintumeng iya sangu ne̍ Je̍sus, nga kinunen na igina, “Nalinteg nga Mistru, ibagam kay iyaken ya masapul nga wanglec tasun magun-ud ku ya biyag nga agnanayun,” kunen na.

Markus 10:30

basta maisupapac igina iya ita mettas nga timpu ya orey mame̍nsangagasut nga balbaley, se̍ kakabsat nga lalaki se̍ babey, se̍ in-ina, se̍ an-anac, se̍ laplapug. Ket ya agten iyan nga toley, aglak-am ngarud pe̍ ka pannakairurumen. Ket iya sumarunu nga timpu, uwed nad pe̍ ya supapac na, nga itu ya biyag nga agnanayun.

Juan 10:28

Ket e̍cdac da ngarud iya agnanayun nga biyag, ket madi da mapukaw nga pulus, se̍ awan makaagaw igida iya panangaywan ku.

Juan 17:2

Ta ne̍cdam ya Anac mu ka turay nga mangituray kadiya amin nga toltoley, tasun maipaay na ya biyag nga agnanayun kadiya amin nga nitalec mu igina.

Juan 17:24

“Ket Ama, no didi nga toley nga nitalec mu iyaken, gabay ku nga ya kapennac nga edyan, ket itu nad met pe̍ kuma ya edyan da. Gabay ku ngarud ya agten iyan, tasun masingen da kuma ya nadayaw nga kasasaad ku nga nipaay mu iyaken gapu iya panagayat mu iyaken nga sigud, orey ito di pekkem naparsuwa ya lubung.

Juan 5:39

“Dakayu, ad-adalen nu met diya naisurat iya Bibliya, gapu ta pagarupen nu nga itu ya pakaaskuran nu iya makae̍cde̍ ka biyag nga agnanayun. Ket ya kinapudnu na, diya naisurat iya Bibliya, itu mettas diya mangipanecnec maipanggep iyaken.

Juan 6:54

Ta ya mangan iya beggic se̍ uminum iya dagac, uwed iginan ya biyag nga agnanayun. Ket nad iya kaodiyan nga algew, pagungarec ngarud met.

Juan 6:68

Ket e̍ Simon Pe̍dru ya nangsungbat nga kinunen na, “Awan met sabali nga gabay mi nga pakitipunan Apu, no di yas ik-ikew. Ta ikew was ya makaibaga iya agnanayun nga pakabiyagan mi.

Aramid 15:18

Itu didi dito kinagi ne̍ Apu Diyus nga nipakaemmu na itun pekkem,’ kunen nito mammadtu itun.

Ruma 1:2

Ket idi nga Makaparagsac nga Damag, itun pekkem nga nikari ne̍ Apu Diyus yani, nga nipaisurat na iya nadiyusan nga Bibliya kadito mammadtu na itun.

Ruma 16:25

Madaydayaw kuma ngarud nge̍ Apu Diyus. Ket no igina, mabalin nakayu nga pabilgen iya panamati nu, maikanatad mettas iya panggep niya Makaparagsac nga Damag nga isursuruc, se̍ ya panggep met pe̍ niya pannakaikaskasaba niyan nga damag maipanggep e̍ Je̍su Kristu. Ket itu pe̍ ya pannakaipakaemmu niya ranta ne̍ Apu Diyus, nga nailimed ka nabayag itun.

Ruma 2:7

Agten idi ya pananggun-guna na kadiya toley: Uwed da toley nga siaanus nga agwangwangel ka nabaru, gapu ta ipateg da ya panangpadayaw se̍ panangparaem ne̍ Apu Diyus igida, se̍ ya awan patingga na nga biyag nga ipaay na. Ket didi nga toley met diya pangipaayan nad ne̍ Apu Diyus iya biyag nga agnanayun.

Ruma 5:2

Ket gapu pe̍ e̍ Je̍su Kristu, uwed mettin gundaway tida nga aglak-am iya siaayat nga asi ne̍ Apu Diyus, nga malak-aman tida ngarudin gapu ka panamati. Ket ipatpateg tida mettin yani nga kasasaad tida. Ket agragsac tida ngarudin gapu idi nga namnamaen tida, nga itu ya pakairamanan tida nad mettas e̍ Apu Diyus iya kinadayaw na.

Ruma 5:21

Agten iyan ngarud, tasun orey naggundaway ya basul, nga agbanag met iya pannakatey, ket aggundaway kuma lattan ya siaayat nga asi ne̍ Apu Diyus, nga itu ya agbanag iya pannakaibilang tida nga nalinteg. Ket iya agten iyan, mae̍cdan tidan ka biyag nga agnanayun gapu e̍ Je̍su Kristu nga Apu tida.

Ruma 5:4

Ket ya panaganus, agbanag ka nabaru nga kananakem. Ket ya nabaru nga kananakem, agbanag ngarud ka panagnamnama.

Ruma 6:23

Ta ya supapac niya basul, ket patey. Ngem biyag nga agnanayun met nga gennung ya isagut ne̍ Apu Diyus dactida gapu iya pannakaibulun tida e̍ Kristu Je̍sus nga Apu tida.

Kulusas 1:27

Ket dactida nga toley ne̍ Apu Diyus, dactida mettin ya pinili na nga pangipakaemmuwan nan iya kinakaskasdaaw niyan nga napateg se̍ nadayaw nga panggep na maipanggep kadiya bekken nga Hudyu. Ket ya banag nito panggep na, ket agten idi: Uwed met dakayu nge̍ Kristu win, nga itu ya namnamaen nu nga mairaman kayu kadiya nadayaw nga iturayan na.

1 Te̍salunika 2:15

Ket dito Hudyu ka Hudya, igida met dito nangipapatey e̍ Apu Je̍sus se̍ orey dito mammadtu itun. Ket pinagtalew dakami met pe̍, se̍ pacpaungten da pe̍ nge̍ Apu Diyus, se̍ kakuntra da met amin nga toley.

1 Te̍salunika 5:8

Ngem dactida, paiturayan tidan iya wada. Itu nga agtanang tida kuma ngarud. Ya panamati tida se̍ ya panagayat tida, itu diyan diya iyusar tida nga arig nga kalasag tida. Ket ya namnama tida iya pannakaisalakan tida, itu ya pannakahe̍lme̍t tida.

1 Timutyu 6:12

Madi ka kuma ngarud paabac kadito mangkuntra iya panangtungpal mu iya pammati tida. Ket laglagipem ngarud nga pe̍yeng ya biyag nga agnanayun nga maisagut ikew. Itu met ya nakapiliyam nga nipakaemmu ne̍ Apu Diyus ito nipakaemmum ya kinapasnec mu iya sangu diya adu nga toley.

1 Timutyu 6:19

Ket no agten iyan ya wangwanglen diya babacnang, ket arig nga uwed ka langitin ya pagpunduwan da ka kinabacnang da nga erwaten da nad iya maadpangan. Ta madi pulus nga mapukaw antuni. Ket bekken nas nga iyan, ta itu pe̍ ya napaw-is nga panagbiyag nga maitutup iya biyag nga awan pagkurangan na.

2 Timutyu 1:1

Iyaken nge̍ Pablu nga pinagbalin ne̍ Apu Diyus nga isa nga apustul nga agpaay e̍ Kristu Je̍sus. Maikanatad yani ito kari na maipanggep iya biyag nga mae̍cde̍ dactida nga maitipun e̍ Kristu Je̍sus.

2 Timutyu 1:9

Igina met ya nangisalakan dactida, se̍ igina pe̍ ya nangpili dactida nga agbalin nga toley na. Bekken nga gapu iya nawangel tida diyan, no di lugud gapu iya kabucbukudan na nga panggep se̍ siaayat nga asi. Ket nipaay na yani nga siaayat nga asi na dactida itun pekkem, gapu mettas e̍ Kristu Je̍sus, orey ito madi pekkem naparsuwa ya lubung.

2 Timutyu 2:10

Itu nga anusac ngas ya orey nagan na, para kadiya pinili ne̍ Apu Diyus nga toley na. Agten ngarud iyan ya wanglec, tasun maisalakan da pe̍ gapu e̍ Kristu Je̍sus nga mangiraman igida iya pannakapadayaw na nga madi agpatingga.

2 Timutyu 2:13

Ket orey no nakapsut ya panamati tida, tungpalen na pekkem ya kagi na, ta madi mabalin nga baybay-an na ya bukud na nga panggep.”

2 Timutyu 2:15

Ngem ikew, wanglem ya amin nga kabaellam iya imatang ne̍ Apu Diyus, tasun maibilang ka nga isa nga agsirsirbi nga maannamungan. Agannad ka kuma ngarud tasun awan iyalyew mu gapu iya wangwanglem, se̍ tasun kustu ya panangisurum iya kinapudnu nga nipakaemmu ne̍ Apu Diyus.

Titu 2:13

Agten iyan kuma ya panagbiyag tida bayat niya panagpadpadaan tida iya makaparagsac nga pagnamnamaan tida, nga itu ya pakasingnan nad iya dayaw ne̍ Je̍su Kristu nga Mangisalakan dactida se̍ Diyus tida nga naturay nga unay.

Titu 2:7

Ket ya panagbiyag mu, Titu, ket itu kuma ya kustu nga pagtuladan da iya panagwangel ka nabaru maipanggep iya orey nagan na nga banbanag. Itu nga ipasingem kuma nga napudnu se̍ napasnec ka iya panangisurum.

Titu 3:7

Winangel ngarud ne̍ Apu Diyus yan, tasun gapu iya siaayat nga asi na dactida, mabalin nga mapalinteg tida iya imatang nan. Ket iya agten iyan, dactida ya agbalin nga patawidan nan, nga namnamaen tida ya biyag nga agnanayun.

1 Juan 2:25

Ket laglagipen nu pe̍ ya nikari ne̍ Kristu dactida, nga itu ya agnanayun nga biyag.

1 Juan 5:20

Ket emmu tida pe̍ nga inumbe̍tin ya Anac ne̍ Apu Diyus, ket ne̍cdan nactida ka pannakaawat tasun maemmuwan tida ya pudnu nga Diyus. Ket naitipun tidan iya pudnu nga Diyus, ta naitipun tida mettin iya Anac na nga Je̍su Kristu. Igina met ya pudnu nga Diyus se̍ paggayatan niya agnanayun nga biyag.

Hudas 1:21

Laglagipen nu kuma nga pe̍yeng ya panagayat ne̍ Apu Diyus dakayu. Se̍ namnamaen nu kuma nga pe̍yeng ya agnanayun nga biyag nga ipaay niya Apu tida nga Je̍su Kristu nad dactida gapu iya panangaasi na.

Paltiing 13:8

Ket agdaydayaw met igina diya kaaduwan nga toley iya lubung, nga itu diya amin nga bekken nga naisurat ya nagan da iya libru niya Urbun Karne̍ru nga napatey. Ket idi nga libru, itu ya nakaisuratan diya nagnagan nga naisurat ito di pekkem naparsuwa ya lubung, nga igida diya nae̍cdan ka biyag nga agnanayun.

Paltiing 17:8

Ket to animal nga nasingem, itu to nagturturay itun, ngem awan mettin ita. Agparang nad mettas manin, ta rumwar nad met ito nakaun-uneg nga ebbut iya ginet. Ngem agbanag lugud das nad ka pakatayan na. Ket nad no aggundaway manin to animal iya lubung, masdaaw ngarud diya bekken nga naisurat ya nagan da iya libru nga nakaisuratan dito nagnagan diya mae̍cdan ka agnanayun nga biyag, manipud ito di pekkem nga naparsuwa ya lubung. Masdaaw da nad ngarud no masingen da to nadgang nga animal nga agparang manin, ta igina met to nagturturay itun, ngem napukaw met itan, ket agparang nad met manin.