Ruma 7:2 - Ya Baru nga Tulag

² Kaspagarigan ya babey nga uwed asawa na: Ket sigun iya paglinteggan, maiparit igina ya makiasawa ka sabali, bayat niya panagbiyag niya asawa na nga lalaki. Ngem no natey yin ya asawa na, awan biyang iginan niya paglinteggan nga maipanggep iya pannakiasawa.

Ruma 7:2 Iomraidhean Croise

1 Kurintu 7:39

Ket ya babey nga uwed asawa na, bekken pekkem nga mawayawayaan iya katulagan da, bayat nga sibibiyag pekkem ya asawa na. Ngem no natey yin ya asawa na, siwayawaya manin nga makiasawa iya orey nagan na nga sabali, no isa nga pada na nga mamati iya Apu.

1 Kurintu 7:4

Ta bekken nin nga ya babey ya mangituray iya beggi nan, no di lugud ya asawa na. Ket agten pe̍ iyan ya lalaki, ta bekken nin nga igina ya mangituray iya beggi na, no di ya asawa na.

Ruma 7:3

Ket iya agten iyan, sigun iya linteg, maibilang nga makabasul ka pannakitipun ka bekken na nga asawa ya babey nga makitipun iya sabali nga lalaki, no sibibiyag pekkem ya sigud nga asawa na. Ngem no natey yin ya asawa na, awan turay niyan nga paglinteggan iginan. Dikad pe̍ bekken nin nga maibilang nga makabasul ka pannakitipun ka bekken na nga asawa no makiasawa manin ka sabali.

Ruma 7:6

Ngem ita, naibilang tida nga natey yin, no maipanggep iya turay nito Linteg dactida. Itu nga nawayawayaan tidan, ta awan turay na dactidan to Linteg nga mangtengtengngel dactida itun. Dikad pe̍ ya panagsirbi tida e̍ Apu Diyus itan, bekken nga sigun ito daan nga wagasin maipanggep kadiya naisurat ito Linteg, no di lugud sigun iya kabarbaru nga wagas maipanggep iya Ispiritu ne̍ Apu Diyus.