Ruma 4:2 - Ya Baru nga Tulag

² Ket agten idi ngarud: No naibilang nga nalinteg to Abraham iya imatang ne̍ Apu Diyus gapu ngas kadito winangel na, mabalin nga uwed ngarud pagpasindayaw na. Ngem emmu tida nga madi met mabalin nito Abraham ya agpasindayaw iya imatang ne̍ Apu Diyus.

Ruma 4:2 Iomraidhean Croise

Ruma 15:17

Dikad pe̍ gapu iya pannakaibulun ku e̍ Kristu Je̍sus, uwed mettin maipasindayaw ku maipanggep iya wangel ku para e̍ Apu Diyus.

1 Kurintu 1:29

Agten iyan ngarud ya winangel ne̍ Apu Diyus tasun awan toley nga makapagpasindayaw iya imatang na.

1 Kurintu 1:31

Ket iya agten iyan, tutu ngarud met to naisurat iya Bibliya nga kunen na, “No uwed mayat nga agpasindayaw, ket diya ar-ariman nas niya Apu kuma ya ipasindayaw na,” kunen na.

1 Kurintu 4:7

Tutu met yan, itu nga agten idi ya ibagac no uwed mangipasindayaw nga mangiduma ka toley: Madi ka ngarud nga pagarupen nga nangatngatu ka ngem kadiya duduma. Awan ngarud saad mu nga bekken nga ne̍cde̍ ne̍ Apu Diyus ikew. Ket gapu ta uwed nange̍cde̍ kadiyan ikew, dake̍c ngarud met no pagpasindayaw mu latta diyan, nga arig lugud nga ibilang mu nga bekken da nga sagutin.

1 Kurintu 9:16

Ngem no maipanggep iya panangikasabac iya Makaparagsac nga Damag, awan lugud pagpasindayaw ku. Ta panangtungpal ku ngas yani iya rebbeng niya pannakaibon ku, ket itu ya mangpilit iyaken. Ngarud, kackaasi met ya kasasaad ku no di yac tungpalen ya rebbeng ku nga mangikasaba iya Makaparagsac nga Damag.

2 Kurintu 11:12

Ket idi nga ugalic, ituluy ku latta, tasun maipac kuma ya gundaway dito sinan-apustule̍s nga agpaspasindayaw. Ta kayat da nga kagiyen nga agpada kanu ya ugali da se̍ ya ugali mi.

2 Kurintu 11:30

No masapul nga agpasindayaw wac, ipasindayaw ku ngas kuma diya naibilang nga pagkapsutac.

2 Kurintu 5:12

Bekken met nga panangipasindayaw mi manin yani nga kunen mi dakayu. Ngem isurat mi lugud didi tasun madi kayu kuma nga malyew kadiya toley gapu dakami, no di lugud emmu nu kuma ya nabaru nga maisungbat nu nga sitatalged maipanggep dakami kadiya agpaspasindayaw. Igida diyan diya mangipasindayaw gapu ngas kadiya masingen nga banbanag nga maar-ariman da, nga bekken nga gapu kadiya napudnu nga panggep nga madi masingen.

Galasiya 3:22

Ngem bekken met nga agten iyan. Ta kunen na iya Bibliya nga amin nga toley, ya basul ya mangituray igida. Ket agten iyan ngarud ya kinunen na tasun maemmuwan tida kuma nga to nikari ne̍ Apu Diyus, mae̍cde̍ gapu ngas iya panamati diya toley e̍ Je̍su Kristu, tasun mae̍cdan ngarudin diya amin nga mamati igina.

E̍pe̍su 2:9

Ta no mabalin tida nga maisalakan kuma gapu was iya winangel tida, mabalin nga uwed pagtangsit tida. Ngem bekken met nga agten iyan.

Pilipus 3:9

Ket gapu iya pannakaitipun ku igina, maibilang ngac nga nalinteg gin. Ngem bekken nga gapu iya panangtungpal ku ito Linteg ya nakapalinteggac, no di gapu mettas iya panamatic e̍ Kristu. Ket itu yan ya kinalinteg nga gayat e̍ Apu Diyus, nga gapu was ka panamati.