Ruma 10:3 - Ya Baru nga Tulag

³ Ta madi da maawatan maipanggep iya panangpalinteg ne̍ Apu Diyus ka toley, ket pinadas da nga palinteggen diya beggi da gapu kadiya wanglen da. Itu nga di da pinaiturayan iya panangibilang kuma ne̍ Apu Diyus igida nga nalinteg iya imatang na.

Ruma 10:3 Iomraidhean Croise

Lukas 10:29

Ngem to masirib iya Linteg, gabay na nga ikalinteggan latta ya beggi na, itu nga nagsaludsud manin e̍ Je̍sus nga kinunen na, “Bo a, ngem nagan na kuma ya naibilang nga kapadac?” kunen na.

Lukas 16:15

Ket kinunen ne̍ Je̍sus igida, “Dakayu, ket agpammarang kayu met nga arig nga nalinteg iya imatang diya toley. Ngem emmu met ne̍ Apu Diyus ya tutu nga uwed iya lemlemmet nu. Ta ya ibilang diya toley nga napateg, ibilang met nga gennung ne̍ Apu Diyus nga nakar-aryec.

Ruma 1:17

Tutu met nga isalakan ne̍ Apu Diyus diya mamati, ta gapu iya Makaparagsac nga Damag, maipakaemmu ya panangpalinteg na iya toley. Ket idi nga pannakapalinteg, ket gapu ka panamati nga agbanag mettas pe̍ ka panamati manin. Agten mettas iyan ya naisurat iya Bibliya nga kunen na, “Diya naibilang nga nalinteg, agbiyag da nad nga situtured gapu iya panamati da.”

Ruma 10:2

Ta orey mapanecnekkac nga napasnec da nga tutu iya panagdaydayaw da e̍ Apu Diyus, madi da met latta maawatan ya kinapudnu niya ipakaemmu na.

Ruma 10:20

Ket to Isayas, nagtured pe̍ itun nga nangibaga iya kagi ne̍ Apu Diyus, nga kunen na, “Naaskuran dac kun diya bekken nga mangsapsapul iyaken. Nagpakaemmu wac kun kadiya bekken nga mangaw-awag iyaken,” kunen na.

Ruma 11:7

Dikad pe̍ emmu tida nga madi nasmac diya Israe̍lita to sapsapulen da, malacsid to bungguy nga pinili ne̍ Apu Diyus, ket igida ngas ya nakasmac. Ngem diya duduma, madi da nikaskasu nge̍ Apu Diyus, ta nagbalin da nga batingur.

Ruma 3:22

Ket agten idi: Gapu iya panamati diya toltoley nga mamati e̍ Je̍su Kristu, ibilang ne̍ Apu Diyus da nga amin nga nalinteg iya imatang na. Agten iyan ngarud, ta iya imatang ne̍ Apu Diyus, awan pulus pagdudumaan diya toley.

Ruma 3:26

Ngem iya agdama nga timpu wi, ipasingen ngarud ne̍ Apu Diyusin ya kinalinteg na. Ket iya agten iyan, naipanecnec itan nga nalinteg ngarud nge̍ Apu Diyus, se̍ naipanecnec met pe̍ nga ibilang na nga nalinteg diya mamati e̍ Je̍sus.

Ruma 5:19

Tutu met, ta gapu ito panagsukir nito isa nga toley e̍ Apu Diyus, naibilang tida nga amin nga managbasul. Ngem ya isa, gapu ito panangtungpal na kadiya gabay ne̍ Apu Diyus, mabalin tida pe̍ nga amin nga maibilang nga nalinteg.

2 Kurintu 5:21

Ta gapu dactida, pinagbalin ne̍ Apu Diyus nge̍ Kristu nga nadusa gapu ka basul, orey awan met pulus basul na. Agten iyan ya winangel na, tasun gapu iya pannakaitipun tida e̍ Kristu, agbalin tida nga napalinteg, nga agten mettas iya kinalinteg ne̍ Apu Diyus.

Pilipus 3:9

Ket gapu iya pannakaitipun ku igina, maibilang ngac nga nalinteg gin. Ngem bekken nga gapu iya panangtungpal ku ito Linteg ya nakapalinteggac, no di gapu mettas iya panamatic e̍ Kristu. Ket itu yan ya kinalinteg nga gayat e̍ Apu Diyus, nga gapu was ka panamati.

2 Pe̍dru 1:1

Iyaken nge̍ Simon Pe̍dru nga isa nga agsirsirbi e̍ Je̍su Kristu se̍ ya isa nga apustul nga agpaay igina. Agsurat tac dakayu nga nae̍cdan ka pammati nga kapada mettas niya napateg nga pammati mi, gapu iya nalinteg nga gangey niya Diyus tida se̍ Mangisalakan dactida, nga itu nge̍ Je̍su Kristu.