Ruma 1:3 - Ya Baru nga Tulag

³ Ket ya Makaparagsac nga Damag, itu ya damag maipanggep iya Anac ne̍ Apu Diyus. No maipanggep iya kinatoley na, ket isa met nga kapututan nito Ari Dabid.

Ruma 1:3 Iomraidhean Croise

Matyu 1:1

Idi ya listaan diya nagnagan diya toley nga kapuunan ne̍ Je̍su Kristu. Ket e̍ Je̍su Kristu, nagtaud iya kapututan nito Ari Dabid. Ket to Dabid, nagtaud iya kapututan nito Abraham.

Matyu 1:16

To Hakub, igina ya ama nito Huse̍, ket e̍ Huse̍, itu to asawa ne̍ Marya, nga ina mettas ne̍ Je̍sus. Ket e̍ Je̍sus, igina ya maawagan ka Kristu.

Matyu 1:6

To He̍sse̍, igina ya ama nito Ari Dabid. To Ari Dabid, igina ya ama nito Sulumun, nga anac nito asawa nito Uriyas.

Matyu 12:23

Ket nasdaaw met amin dito toltoley, ket kinunen da iya panagtetebbar da, “Igina kid to naipadtu nga Kapututan nito Ari Dabid?” kunen da.

Matyu 15:22

Ket itun, uwed met isa nga babey nga iKanaan nga aged-edyan antuni, nga nawe̍ ito edyan ne̍ Je̍sus. Ket kinunkunen na ka nabileg, “Kaasiyan nac kay, Apu, nga kapututan nito Ari Dabid! Kackaasi met nga unay ya anac ku nga babey, ta naluganan ka sairu,” kunen na.

Matyu 26:63

Ngem madi neg-egkim nge̍ Je̍sus. Ket kinunen ngarud manin nito kangatuwan nga agsirsirbi iya Te̍mplu, “Ibagam nga sisasapata iya turay niya sibibiyag nga Diyus, no tutu nga ikew ya Kristu, nga naipadtu nga Anac ne̍ Apu Diyus,” kunen na.

Matyu 27:43

Agtalec kanu e̍ Apu Diyus. Ala, isalakan kuma ngarud ne̍ Apu Diyus ita ngi nin, no tutu nga magustuwan na yani. Ta kinunen kanu met nidi nga toley nga, ‘Anac nac nge̍ Apu Diyus,’ kunen na kanu met,” kunen da.

Matyu 3:17

Ket itun, uwed met timec nga nagicna antuni nga nagtaud ka langit, nga kinunen na, “Itu yani ya Anac ku nga dungdungnguwec. Igina ya pakaay-ayuwac,” kunen na.

Matyu 9:27

Ket ito manmanalan manin nge̍ Je̍sus nga pimanaw iyan, uwed met duwa nga lalaki nga kulap nga nipuyut igina. Ket nipkaw da nga kinunen, “Kapututan nito Ari Dabid! Kaasiyan nakami kay!” kunen da.

Lukas 1:35

Ket kinunen nito anghe̍l igina, “Umbe̍t met ikew ya Ispiritu Santu, ket uwed nad met ikew ya pannakabalin niya Kangatuwan. Itu nga ya iyanac mu nad nga awan basul na, ket maawagan ka Anac ne̍ Apu Diyus.

Lukas 1:69

Ne̍cdan nactida ka nabileg nga Mangisalakan dactida, nga nagtaud iya kapututan nito Ari Dabid nga eb-ebbonen ne̍ Apu Diyus itun.

Juan 1:14

Ngarud, to maawagan ka Kagi, ket nagbalin nga toley itun, ket nakipagedyan dactida idi nga lubung. Ket dakami, nasingen mi ya kinadayaw na nga tumaud e̍ Apu Diyus nga Ama na. Igina ngarud ya nadayaw nga kackaisu nga Anac ne̍ Apu Diyus, ket yan nas siaayat nga asi, se̍ kinapudnu ya uwed igina.

Juan 1:34

Ket tutu met, ata nasingec ngarud yanin, ket itu nga panecnekkac dakayu nga igina met ya Anac ne̍ Apu Diyus,” kunen na.

Juan 1:49

Ket to Natanye̍l, kinunen nan, “Mistru, Anac naka ngarud nge̍ Apu Diyus! Ikew ya Ari mi nga Israe̍lita!” kunen na.

Juan 10:30

Ngarud, ya Ama se̍ iyaken, ket is-isa,” kunen na.

Juan 10:36

Itu nga no maipanggep iyaken, ape̍ kunen nu nga maikuntra e̍ Apu Diyus ya kagic no kunec nga iyaken ya Anac ne̍ Apu Diyus? Ta iyaken, pinili nac met ya Ama nga agpaay iya panggep na, ket nibon nac ngarud iya lubung ngi.

Juan 20:28

Ket e̍ Tumas, kinunen na mettin, “Ikew ngarud ya Apuc se̍ Diyus ku!” kunen na.

Juan 20:31

Ket diya naisurat idi nga libru, naisurat da tasun patiyen nu kuma nga e̍ Je̍sus, igina ya Kristu nga Anac ne̍ Apu Diyus. Ket no mamati kayu, maipaayan kayu ngarud ka biyag nga agnanayun, gapu iya kinaturay na.

Juan 5:25

“Tutu met nga uwed nad timpu nga diya toley nga naibilang nga natey iya imatang ne̍ Apu Diyus, ket magicna da ya bilin niya Anac ne̍ Apu Diyus igida. Ket diya mangipangag iya Anac, mae̍cdan da ngarud ka agnanayun nga biyag. Ket kinapudnu na, nadatngan ngarudin yan nga timpu.

Juan 7:42

Ta kunen na ngarud iya Bibliya nga agtaud ya Kristu iya kapututan nito Ari Dabid. Ket Be̍tle̍he̍m kanu met ya pakaiyanakan niya Kristu, nga itu ya ili nito Ari Dabid,” kunen da.

Aramid 2:30

Isa nga mammadtu to Ari Dabid kadito nipaikagi ne̍ Apu Diyus igina. Ket naemmuwan na ya kari ne̍ Apu Diyus igina, ta nikari ne̍ Apu Diyus ka napasnec ito Dabid nga pagbalinen na nad nga ari ya isa kadiya kapututan nito Dabid, nga agten mettas iya panagari nito Ari Dabid.

Aramid 3:13

E̍ Apu Diyus nga Diyus dito am-ama tida nga Abraham, Isaac, se̍ Hakub, nipadayaw na met nge̍ Je̍sus nga eb-ebbonen na. Ngem dakayu, niyawat nu nge̍ Je̍sus kadiya agtuturay, se̍ nidarum nu pe̍ e̍ Pilatu, orey gabay ne̍ Pilatu nga wayawayaan kuma.

Aramid 8:36

Ket ito agluglugan da pekkem, uwed danum nga mataliban da. Ket kinunen nito upisyal, “Kad ya danum! Di ngarud nabaru no agpabautisar rac kun?” kunen na.

Aramid 9:20

Ket manipud itun, nawe̍ nangaskasaba kadiya gigimungan diya Hudyu iya maipanggep e̍ Je̍sus, nga nikaskasaba na ngarud nga Anac ne̍ Apu Diyus nge̍ Je̍sus.

Ruma 1:9

Malagip nakayu nga pe̍yeng kadiya kararag ku. Tutu met yan, ket mapanecnekkan pe̍ ne̍ Apu Diyus yan, ket igina met ya pagsirsirbiyac iya amin nga nakem ku iya panangipakaemmuc iya Makaparagsac nga Damag maipanggep iya Anac na.

Ruma 4:1

Ket no maipanggep ito Abraham nga am-ama tida nga nagtaudan tida nga Hudyu, kumaan nito pannakaibilang na nga nalinteg?

Ruma 9:3

Ta katoltoley ku da met, se̍ kailiyac da pe̍ se̍ kapadac da nga Hudyu. Ket ya kunec, no mabalin ngas kuma, orey iyaken nin ya maisukat igida nga mailunud se̍ maisina e̍ Kristu, tasun igida kuma nga gennung ya maisalakan.

Ruma 9:5

Ket diya kailiyac met pe̍ diya kapututan dito nona nga am-ama tida nga pinili ne̍ Apu Diyus itun, nga nagbalin nga toley na. Se̍ no maipanggep iya kinatoley ne̍ Kristu, ket pada da met pe̍ nga Hudyu, nga igina met ya mangituray ka amin, ket igina met ya Diyus nga madaydayaw ka agnanayun. Agten iyan met nga tutu.

1 Kurintu 1:9

Tutu met nga mapagtalkan nge̍ Apu Diyus nga mangtungpal kadiyan, ket igina met ya nangpili dakayu nga maibulun iya Anac na, nga itu nge̍ Je̍su Kristu nga Apu tida.

1 Kurintu 10:18

Lagipen nu kuma ya ugali diya Israe̍lita. Ta amin diya mangan kadiya idatun da e̍ Apu Diyus, ket makipagdayaw da met e̍ Apu Diyus nga pagdatunan da.

Galasiya 4:4

Ngem ito nadatngan ya kustu nga timpu win, nibon ne̍ Apu Diyus ya Anac na idi nga lubung. Nibon na nga paiyanac iya isa nga babey. Ket nasakupan met pe̍ itun niya turay niya Linteg diya Hudyu,

1 Te̍salunika 1:10

Ket padpadaanan nu kanu nga sinanama ya umbe̍t niya Anac na nga gayat ka langit. Itu yani nge̍ Je̍sus nga pinagungar ne̍ Apu Diyus se̍ mangisalakan nad dactida iya unget ne̍ Apu Diyus.

1 Timutyu 2:5

Ta uwed das is-isa nga Diyus, ket is-isa met pe̍ ya mangiyadenni e̍ Apu Diyus se̍ iya toley, nga itu nge̍ Kristu Je̍sus nga nagpaitoley.

1 Timutyu 3:16

Ket napateg ngarud nga unay ya banag niya pammati tida nga nipakaemmu win ne̍ Apu Diyus. Agten idi ya banag na: Igina, nagparang nga naipatoley. Ket gapu iya Ispiritu ne̍ Apu Diyus, napanecnekkan ya kinalinteg na, se̍ nasingen pe̍ diya anghe̍le̍s. Ket naipadpadamag ya maipanggep igina kadiya pagpagiliyan, ket adu da nga namati iginan idi nga lubung. Ket naiyune̍c kin nga madaydayaw enna langit.

2 Timutyu 2:8

Ket ya laglagipem kuma ngarud nga pe̍yeng, itu nge̍ Je̍su Kristu nga napagungar iya pannakatey na, nga igina ya isa nga kapututan nito Ari Dabid. Itu yan ya banag niya Makaparagsac nga Damag nga ikasabac.

1 Juan 1:3

Ngarud, nasingen mi se̍ nagicna mi, ket itu win ya ipakaemmu mi dakayun, tasun agpapada tida kuma ka panpanunut nga mibulubulun iya Ama se̍ iya Anac na nga Je̍su Kristu.

1 Juan 3:23

Ket didi nga bilin ne̍ Apu Diyus nga tungpalen tida, ket agten idi: Mamati tida iya kinaturay niya Anac na nga Je̍su Kristu, se̍ agiinnayat tida pe̍, maikanatad ito nibilin na dactida.

1 Juan 3:8

Ngem ya diyablu nga gennung, sibabasul met manipud ito panangrugi niya amin. Itu nga kameng na pe̍ ya agar-ariman ka basul. Ngem itu met ya gapu nito panagparang niya Anac ne̍ Apu Diyus itun, ta inumbe̍t tasun pirdiyen na diya wangwanglen niya diyablu.

1 Juan 4:15

Ket diya orey nagan na nga umannamung iya panursuru nga Anac ne̍ Apu Diyus nge̍ Je̍sus, laglagipen ne̍ Apu Diyus da, se̍ laglagipen da met pe̍ nge̍ Apu Diyus.

1 Juan 5:1

Amin diya mamati nga e̍ Je̍sus ya Kristu nga nibon ne̍ Apu Diyus, ket anac ne̍ Apu Diyus da. Ket emmu tida met nga amin diya agayat iya isa nga ama, ayaten da met pe̍ ya anac na.

1 Juan 5:20

Ket emmu tida pe̍ nga inumbe̍tin ya Anac ne̍ Apu Diyus, ket ne̍cdan nactida ka pannakaawat tasun maemmuwan tida ya pudnu nga Diyus. Ket naitipun tidan iya pudnu nga Diyus, ta naitipun tida mettin iya Anac na nga Je̍su Kristu. Igina met ya pudnu nga Diyus se̍ paggayatan niya agnanayun nga biyag.

1 Juan 5:5

Dikad pe̍ ya makaabac iya kinadake̍c iya lubung, awan sabali no di yas ya mamati nga e̍ Je̍sus ya Anac ne̍ Apu Diyus.

2 Juan 1:7

Ipalagip ku dakayu diyan, ta adu diya mangallilaw nga agpaspasyar kadiya nadumaduma nga il-ili iya lubung. Madi da umannamung iya panursuru nga e̍ Je̍su Kristu ya naipatoley nga nibon ne̍ Apu Diyus. Diya agten iyan nga toley, igida diya mangallilaw kadiya toltoley, se̍ igida pe̍ diya kumuntra e̍ Kristu.

Paltiing 2:18

“Ket idi ya isurat mu iya anghe̍l nga agay-aywan iya bungguy mamati ka Tiyatira: “Itu yan ya kunen niya Anac ne̍ Apu Diyus, nga igina ya arig nga apuy nga gumilgilab diya mata na, ket diya saka na, arig nga napasileng nga burinsi: