Ruma 1:2 - Ya Baru nga Tulag

² Ket idi nga Makaparagsac nga Damag, itun pekkem nga nikari ne̍ Apu Diyus yani, nga nipaisurat na iya nadiyusan nga Bibliya kadito mammadtu na itun.

Ruma 1:2 Iomraidhean Croise

Matyu 1:22

Ket agten iyan ngarud ya napasamac itun, tasun matungpal to nipakagi niya Apu ito isa nga mammadtu nga kinunen na,

Lukas 1:70

Itu to nipaipadtu ne̍ Apu Diyus itun pekkem kadito mammadtu nga pinili na,

Aramid 10:43

E̍ Je̍sus met to nipakaemmu dito amin nga mammadtu nga Hudyu itun, ta nipakaemmu da nga gapu iya kinaturay na, mapakawan diya basbasul diya amin nga mamati igina,” kunen ne̍ Pe̍dru kade̍ Kurne̍lyu.

Aramid 13:32

Ket itu pe̍ ya kauwed mi idi nga mangikasaba dakayu iya Makaparagsac nga Damag maipanggep ito nikari ne̍ Apu Diyus kadito am-ama tida.

Aramid 26:6

“Ket ita, uwed dac idi nga sangu nu, ta nidarum dac gapu ta patiyec to ninamnama pe̍ dito am-ama mi, nga nikari ne̍ Apu Diyus igida itun.

Ruma 16:26

Ngem ita, naipakaemmu mettin ya banag niyan nga ranta na. Ket naemmuwan ngarud gapu mettas kadito nipaisurat ne̍ Apu Diyus kadito mammadtu itun. Naipakaemmu ngarudin yan nga ranta na kadiya amin nga pagiliyan iya lubung, gapu ta itu met ya nibilin niya agnanayun nga Diyus, tasun maawis diya toltoley nga mamati se̍ sumurut igina.

Ruma 3:2

Ngem adu met. Ta ya kangrunaan, diya Hudyu met diya nangitalkan ne̍ Apu Diyus iya nipakaemmu na nga kagi na.

Ruma 3:21

Ngem ita, naipakaemmu win ya panangibilang ne̍ Apu Diyus nga nalinteg ya toley iya imatang na, ket awan met pakaibibiyangan niya linteg iya panangibilang na. Orey to Linteg ne̍ Muyse̍s se̍ to kinunen dito mammadtu itun, panecnekkan da pe̍ yan.

Titu 1:2

Ket ya pungut niya panamati tida, itu ya panagnamnama tida iya biyag nga agnanayun nga awan patingga na. Ket e̍ Apu Diyus, nikari na dactidan yan nga biyag. Itu to nikari na ito di pekkem nga naparsuwa ya lubung ngi, ket emmu tida nga madi met agbusid nge̍ Apu Diyus.