Ruma 1:1 - Ya Baru nga Tulag

¹ Iyaken nge̍ Pablu nga isa nga agsirsirbi e̍ Kristu Je̍sus. Pinili nac nge̍ Apu Diyus, se̍ pinagbalin nac nga apustul nga naipaay iya panangipakaemmu iya Makaparagsac nga Damag ne̍ Apu Diyus.

Ruma 1:1 Iomraidhean Croise

Markus 1:14

Ket ya napasamac itun, naibalud to Juan. Kalpasan nito pannakaibalud na, nawe̍ nge̍ Je̍sus iya prubinsiya nga Galilya ngin, nga nangikaskasaba iya Makaparagsac nga Damag nga gabay ne̍ Apu Diyus nga ipakaemmu.

Juan 12:26

Ket iya agten iyan, ya mayat nga agsirbi iyaken, masapul nga iyaken ya suruten na, tasun orey no awac ya kapennac, itu met pe̍ yin ya edyan niyan nga agsirsirbi iyaken. Ket diya amin nga agsirsirbi iyaken, idaydayaw nad ngarud niya Ama,” kunen na.

Juan 15:15

Dikad pe̍ manipud ita, bekken nga agsirsirbi yin ya pangawag ku dakayu. Ta ya agsirsirbi, madi na met emmu diya pangpanggeppen niya amu na. Ngem no dakayu, awagan nakayu ka gagayyem, ta amin nga nibaga niya Amac iyaken, nipakaemmuc met dakayun.

Juan 15:20

Laglagipen nu kuma to nibagac dakayu, nga bekken nga nangatngatu ya tagabu ngem iya amu na. Dikad pe̍ gapu ta nirurumen dac, ket uwed da met pe̍ igida diya mangirurumen nad dakayu. Ket se̍ gapu ta uwed da pe̍ duduma igida nga nagtungpal iya kagic, ket uwed met pe̍ diya agtungpal nad iya kagi nu.

Aramid 13:9

Ngem e̍ Saulu nga agnagan pe̍ ka Pablu, paiturayan iya Ispiritu Santu. Ket sinelngan na nge̍ E̍limasin,

Aramid 20:24

Ngem orey a, ta ya biyag ku, bekken ku nga kake̍ngan. Ta ibilang ku nga awan sirsirbi niya biyag ku, tasun matungpal ku ya nakaibonac se̍ ya wangel nga gabay ne̍ Apu Je̍sus nga ipawangel iyaken, nga itu ya panangipakaemmuc iya Makaparagsac nga Damag maipanggep iya siaayat nga asi ne̍ Apu Diyus.

Aramid 21:40

Ket pinalubusan ngarud nito kumande̍r nge̍ Pablu. Dikad pe̍ e̍ Pablu, nagsikad ito agdan nito kampu, se̍ na sininyasan dito napagas nga toltoley nga agulimec da. Ket ito nagtalna nga nalaing dito toltoley yin, nagkagi nge̍ Pablu igida ka kagi da nga He̍briyu.

Aramid 22:21

“Ket kinunen na met iyaken, ‘Pumanaw ka lugudin, ta ibon naka kadiya bekken nga Hudyu enna deyyu,’ kinunen ne̍ Je̍sus iyaken,” kunen ne̍ Pablu.

Aramid 22:7

Natuwang ngac met iya ginet tin. Se̍ uwed pe̍ nagicnac nga timec, nga kinunen na iyaken, ‘Saulu, Saulu, ape̍ parparigaten nac?’ kunen na met.

Aramid 26:1

Ket e̍ Ari Agripa, kinunen na ngarud e̍ Pablu, “Mabalin mu ya sumungbat ka kabucbukudam mun maipanggep iya ipabasul da ikew,” kunen na. Ket e̍ Pablu, nitayag na ya ima na, ta irugi na ya panagikalinteggan nan,

Aramid 26:14

Natuwang kami nga amin iya ginet, ket uwed met timec nga nagicnac, nga nagkagi iyaken ka kagi He̍briyu, nga kagi mi nga Hudyu, ket kinunen na, ‘Saulu, Saulu, ape̍ parparigaten nac? Maparigatan ka ngas, ta ikew met ya masakitan,’ kunen na.

Aramid 27:23

Emmuc nga mapasamac ya agten iyan ta uwed anghe̍l ne̍ Apu Diyus nga inumbe̍t nangibaga iyaken ito gabi. Ket no iyaken, e̍ Apu Diyus met ya daydayawec, se̍ igina ya makin-kuwa iyaken.

Aramid 9:15

Ngem kinunen niya Apu igina, “Mawe̍ ka lugudin, ta igina ya pinilic nga mangipakaemmu nad maipanggep iya kinaturay ku kadiya bekken nga Hudyu se̍ kadiya ar-ari da se̍ dakayu pe̍ nga Israe̍lita.

Ruma 1:16

Maganatan nac ngarud nga umbe̍t iyan, ta madic ngarud iyalyew ya mangipakaemmu iya Makaparagsac nga Damag. Ta idi nga damag, itu ya pakasingnan iya pannakabalin ne̍ Apu Diyus nga mangisalakan kadiya amin nga mamati. Naipakaemmu kadiya Hudyu se̍ kadiya bekken nga Hudyu, ngem nangnangruna nga naipakaemmu kadiya Hudyu.

Ruma 1:5

Ket gapu igina, se̍ tasun madayaw ya kinaturay na, nipaay ne̍ Apu Diyus nga siaayat ya saad nga kinaapustul. Nipaay na ngarud iyaken, tasun mangipadamag gac iya maipanggep iya panamati igina kadiya bekken nga Hudyu kadiya amin nga il-ili, tasun sumurut da kuma igina.

Ruma 1:9

Malagip nakayu nga pe̍yeng kadiya kararag ku. Tutu met yan, ket mapanecnekkan pe̍ ne̍ Apu Diyus yan, ket igina met ya pagsirsirbiyac iya amin nga nakem ku iya panangipakaemmuc iya Makaparagsac nga Damag maipanggep iya Anac na.

Ruma 11:13

Ket itan, uwed ibagac dakayu nga bekken nga Hudyu: Gapu ta apustul lac nga naibon dakayu nga bekken nga Hudyu, ipasnec ku ya kinaapustul ku.

Ruma 15:16

Ta nisaad nac ngarud nga agsirsirbi e̍ Kristu Je̍sus para kadiya bekken nga Hudyu. Agsirsirbi yac kunec, ta gapu iya panangikaskasabac iya Makaparagsac nga Damag, iyarig ku met yani nga wangel ku kadiya wangel diya agsirsirbi iya Te̍mplu. Ta ipaay ku e̍ Apu Diyus diya bekken nga Hudyu nga mamati yin, nga arig nga igida ya idatun ku e̍ Apu Diyusin. Ket igida, maiyarig da nga pagdatun nga makaay-ayu ngarud e̍ Apu Diyus, ket nagbalin dan nga agpaay igina gapu iya Ispiritu Santu.

Ruma 15:29

Ket siguradu wac nga no uwed dac nad iya edyan nu, aglak-am tida ngarud iya kustu nga panangparagsac ne̍ Kristu dactida.

Ruma 16:18

Ta diya agariman ka agten iyan, bekken nga e̍ Kristu nga Apu tida ya pagsirsirbiyan da, no di lugud diya ricricna ngas niya beggi da ya ipangpangruna da. Allilawen da ngarud ya panpanunut diya oosogen nga toley, gapu kadiya napaw-is nga kagi da nga makaawis.

Ruma 16:25

Madaydayaw kuma ngarud nge̍ Apu Diyus. Ket no igina, mabalin nakayu nga pabilgen iya panamati nu, maikanatad mettas iya panggep niya Makaparagsac nga Damag nga isursuruc, se̍ ya panggep met pe̍ niya pannakaikaskasaba niyan nga damag maipanggep e̍ Je̍su Kristu. Ket itu pe̍ ya pannakaipakaemmu niya ranta ne̍ Apu Diyus, nga nailimed ka nabayag itun.

1 Kurintu 1:1

Iyaken nge̍ Pablu nga pinili ne̍ Apu Diyus gapu iya tarigagay na, nga pinagbalin nac nga apustul nga agpaay e̍ Kristu Je̍sus. Dakami nge̍ kabsat tida nga Suste̍ne̍s ya makin-surat idi.

1 Kurintu 9:1

Ket no iyaken, siwayawaya ngac ngarud nga mangwangel kadiya gabay ku nga wanglen. Isa ngac met nga apustul. Ngarud, iyaken met pe̍ ya isa kadito nakasingen e̍ Je̍sus nga Apu tida. Ket dakayu mettas ya pagbanagan niya panagbannug ku nga maigapu iya Apu.

2 Kurintu 1:1

Iyaken nge̍ Pablu nga pinagbalin ne̍ Apu Diyus nga isa nga apustul nga agpaay e̍ Kristu Je̍sus. Dakami nge̍ Timutyu nga kabsat tida ya agisurat idi dakayu nga bungguy nga agpaay e̍ Apu Diyus iyan Kurintu, agraman diya amin nga duduma nga toley ne̍ Apu Diyus iyan nga prubinsiya nga Akaya.

2 Kurintu 11:5

Ngem madic met maabac kadiyan nga nakaturturay kanu nga apustule̍s.

2 Kurintu 11:7

Ape̍? Basul aya to winangel ku ito madic nakitangdan dakayu ito panangisuruc dakayu iya Makaparagsac nga Damag nga paikagi ne̍ Apu Diyus? Bekken ngarud nga basul, ta nagpakumbaba ngac iya saad ku, tasun maipangatu kuma ya kasasaad nu iya imatang ne̍ Apu Diyus.

2 Kurintu 12:11

Ay! Arig gac ngarud nga isa nga agkurang ya panpanunut na, gapu kadiyan nga kinunec. Ngem napilit tac met gapu dakayu. Ta dakayu kuma ya mangipadayaw nga gennung iyaken. Ngem madi kayu met, itu nga napilit tac nga nangibaga. Ta orey no awan kuma sirsirbic, bekken nac met nga nababbaba ngem kadito nakaturturay kanu nga apustule̍s, iya orey nagan na.

2 Kurintu 2:12

Ket ito nawe̍ yac ka Truwas tasun mangikasaba ngac iya Makaparagsac nga Damag maipanggep e̍ Kristu, nadateng ku ya gundaway ku antuni nga nangariman iya nangibonan niya Apu iyaken.

2 Kurintu 4:5

Ket ya ikaskasaba mi, bekken met nga maipanggep iya kinadayaw mi, no di lugud maipanggep iya kinaApu ne̍ Je̍su Kristu. Ket dakami, agsirsirbi kami dakayu gapu e̍ Je̍sus.

Galasiya 1:1

Iyaken nge̍ Pablu nga isa nga apustul. Ket bekken met nga toley ya nangibon iyaken winno ya nangisaad iyaken, no di lugud e̍ Je̍su Kristu mettas, se̍ e̍ Apu Diyus nga Ama, nga itu ya nangpaungar igina.

E̍pe̍su 1:1

Iyaken nge̍ Pablu nga pinagbalin ne̍ Apu Diyus nga isa nga apustul nga agpaay e̍ Kristu Je̍sus. Isurat ku yani dakayu nga toley ne̍ Apu Diyus enna E̍pe̍su, dakayu nga pe̍yeng nga nabileg ya panamati na e̍ Kristu Je̍sus.

E̍pe̍su 1:13

Ket iya agten iyan, namati kayu e̍ Kristu ito nagicna nu ya kasaba maipanggep iya kinapudnu, nga itu ya Makaparagsac nga Damag nga pakaisalakanan nu. Ket gapu iya pannakaitipun nu e̍ Kristu, arig nga minarkaan nakayu nge̍ Apu Diyus iya Ispiritu Santu. Itu ya Ispiritu nga nikari ne̍ Apu Diyus, ket itu ya pakaemmuwan iya panangtagikuwa na dakayu.

E̍pe̍su 4:11

Ket e̍ Kristu ngarud ya nange̍cde̍ ka nadumaduma nga pannakabalin kadiya toley na. Ket uwed da dinutukan na nga agbalin nga apustule̍s, se̍ diya agbalin nga mangikaskasaba iya kagi ne̍ Apu Diyus. Ket uwed duduma nga dinutukan na nga agbalin nga mangipakaemmu iya Makaparagsac nga Damag, se̍ diya agbalin nga agay-aywan se̍ manursuru kadiya mamati.

Pilipus 1:1

Iyaken nga Pablu se̍ e̍ Timutyu nga agsirsirbi e̍ Kristu Je̍sus, ket dakami ya akin-surat idi. Isurat mi yani dakayu iyan Pilipus. Isurat mi ngarud dakayu nga amin nga toley ne̍ Apu Diyus iyan gapu iya pannakaitipun nu e̍ Kristu Je̍sus, agraman dakayu nga agay-aywan iya bungguy, se̍ dakayu nga katulungan niya bungguy.

Pilipus 2:11

Ket se̍ tasun pulus nga awan madi agibalikas nga e̍ Je̍su Kristu, ket igina ya Apu. Ket iya agten iyan, maidaydayaw ngarudin nge̍ Apu Diyus nga Ama.

Kulusas 1:1

Iyaken nge̍ Pablu nga pinagbalin ne̍ Apu Diyus nga isa nga apustul nga agpaay e̍ Kristu Je̍sus. Ket iyaken ya akin-surat idi nga surat, se̍ gayat pe̍ e̍ Timutyu nga kabsat tida.

Kulusas 1:25

Ket iyaken, pinagbalin nac nge̍ Apu Diyus nga agsirsirbi iya bungguy mamati, ta itu yan ya nitalec na nga wangel ku, tasun matulungan nakayu iya paglaingan nu. Ta ya wangel ku, itu ya panangipakaemmuc iya amin nga gabay ne̍ Apu Diyus nga ipakaemmu maipanggep iya kagi na.

1 Te̍salunika 2:2

Ta emmu nu met to pannakaparparigat se̍ pannakaiyal-alyew mi enna Pilipus sacbay nito inumbe̍t mi iyan Te̍salunika. Ngem orey agten iyan, pinatured nakami ya Diyus tida nga nangipakaemmu latta dakayu iya Makaparagsac nga Damag nga gayat igina, orey adu pe̍ diya makatiped dakami itun.

1 Te̍salunika 2:8

Ket gapu iya dackel nga ayat mi dakayu, naragsakan kami nga mangisuru dakayu iya Makaparagsac nga Damag nga gayat e̍ Apu Diyus. Ket bekken nas nga iyan nga kagi mi ya nagpatinggaan na, no di lugud sidadaan kami pe̍ itun nga mangipaay iya biyag mi mettas para dakayu, gapu ta nagbalin kayu nga napateg nga unay dakami.

1 Te̍salunika 2:9

Tutu met kakabsat, ta malagip nu ngarud to panagwangel se̍ panagrigat mi itun. Ta algew-gabi nga nagwangel kami itun, tasun awan kuma pakarigatan nu gapu ka kasapulan mi ito uwed kami iyan nga mangikaskasaba dakayu iya Makaparagsac nga Damag nga gayat e̍ Apu Diyus.

1 Timutyu 1:1

Iyaken nge̍ Pablu nga isa nga apustul nga agpaay e̍ Kristu Je̍sus. Agten iyan ngarud ya saad ku, gapu mettas iya bilin ne̍ Apu Diyus nga Mangisalakan dactida se̍ e̍ Kristu Je̍sus nga pagnamnamaan tida.

1 Timutyu 2:7

Ket itu pe̍ ya nakaibonac nga agapustul se̍ mangasaba nga mangisursuru kadiya bekken nga Hudyu iya pudnu maipanggep e̍ Kristu Je̍sus se̍ ya panamati igina. Tutu met yan nga kunec, ket bekken ku nga busbusid diyan!

2 Timutyu 1:11

Ket iyaken met ya pinili ne̍ Apu Diyus nga apustul nga mangikasaba se̍ mangisuru iyan nga Makaparagsac nga Damag.

Titu 1:1

Iyaken nge̍ Pablu nga isa nga agsirsirbi e̍ Apu Diyus se̍ isa nga apustul nga agpaay e̍ Je̍su Kristu. Naibon nac nga mangpabileg iya panamati diya pinili ne̍ Apu Diyus nga an-anac na, se̍ tasun mangiturung ngac pe̍ igida iya kustu nga sursuru niya pammati tida, nga itu ya sursuru nga agiturung iya panagtungpal iya tarigagay ne̍ Apu Diyus.

He̍briyu 5:4

Ket ya toley nga naisaad nga kangatuwan nga agsirsirbi, bekken nga igina ya nangisaad iya beggi na iyan nga nadayaw nga pagsaadan na, no di lugud pinili ne̍ Apu Diyus, nga agten mettas ito panangpili ne̍ Apu Diyus ito Arun itun.

He̍briyu 7:26

Dikad pe̍ igina, maitutup met nga Kangatuwan nga Mangibegbeggi dactida e̍ Apu Diyus, ta awan basul na winno kinadake̍c na, se̍ awan pe̍ mansa igina. Ket idi nga mangibegbeggi, naiduma met kadiya sibabasul nga toltoley, ket naisaad met pe̍ ka nangatngatu ngem kadiya nailangitan.

Santiyagu 1:1

Iyaken nge̍ Santiyagu nga isa nga agsirsirbi e̍ Apu Diyus se̍ e̍ Apu Je̍su Kristu. Itu yani ya surat ku dakayu nga kapututan dito sangapulu ket duwa nga anac nito Israe̍l, nga naiwaraswaras ka nadumaduma nga lugar iya lubung. Kablaawan nakayu.

1 Pe̍dru 4:17

Ta timpu mettin niya panangukum ita, ket maariman nga mon-ona kadiya toltoley iya pamilya ne̍ Apu Diyus. Ket no dactida met ya mon-ona, di lugud nakarkaru nad pekkem ya pagbanagan diya madi mamati iya Makaparagsac nga Damag ne̍ Apu Diyus?

2 Pe̍dru 1:1

Iyaken nge̍ Simon Pe̍dru nga isa nga agsirsirbi e̍ Je̍su Kristu se̍ ya isa nga apustul nga agpaay igina. Agsurat tac dakayu nga nae̍cdan ka pammati nga kapada mettas niya napateg nga pammati mi, gapu iya nalinteg nga gangey niya Diyus tida se̍ Mangisalakan dactida, nga itu nge̍ Je̍su Kristu.

Hudas 1:1

Iyaken nge̍ Hudas nga agsirsirbi e̍ Je̍su Kristu, se̍ kabsat ne̍ Santiyagu. Isurat ku yani nga surat dakayu nga napateg iya imatang ne̍ Apu Diyus nga Ama, dakayu nga pinili na nga toley na, se̍ maaywanan gapu e̍ Je̍su Kristu.

Paltiing 1:1

Idi nga surat, ket nakailaunan dito nipaltiing ne̍ Je̍su Kristu. Ket nipakaemmu ne̍ Apu Diyus igina didi, tasun ipakaemmu na kadiya agsirsirbi igina diya mapasamac iya di mabayag. Ket e̍ Kristu, nibon na ya anghe̍l na nga mangipakaemmu kadidi iyaken nga Juan, nga isa nga agsirsirbi igina.

Paltiing 22:6

Ket kinunen manin nito anghe̍l iyaken, “Pudnu se̍ siguradu nga matungpal didi nga kagi. Ket ya Apu, nga Diyus nga mange̍cde̍ iya panpanunut diya mammadtu gapu iya Ispiritu na, igina mettas ya nangibon iya anghe̍l na ngi nin. Nibon nac ngarud tasun ipakaemmuc kadiya agsirsirbi igina diya masapul nga mapasamac iya di mabayag,” kunen na.

Paltiing 22:9

Ngem kinunen na iyaken, “Bay-am yan! Ta isa ngac ngas met nga agsirsirbi e̍ Apu Diyus, nga agten mettas ikew se̍ dito kakabsat mu nga mammadtu se̍ diya amin nga agtungpal kadiya nisurat mu iyan nga libru. E̍ Apu Diyus ngas met ya pagdayawam!” kunen na.