Pilipus 4:9 - Ya Baru nga Tulag

⁹ Tultuladen nu kuma amin dito naadal se̍ naawatan nu iyaken, se̍ amin dito nagicna se̍ nasingen nu iyaken. Ket no agten iyanin ya wangwanglen nu, ket uwed dakayun nge̍ Apu Diyus nga mangpatalna.

Pilipus 4:9 Iomraidhean Croise

Matyu 1:23

“Agten idi: Aginaw nad ya balasang, ket mangiyanac ka lalaki, nga mapanaganan nad ka E̍mmanuwe̍l,” nga kayat na nga kagiyen, “E̍ Apu Diyus, uwed dactida.”

Matyu 28:20

Ket isuru nu da nga tungpalen da diya amin nga nibilin ku dakayu. Ket laglagipen nu kuma nga kabulun dac nga pe̍yeng agingga iya panagpatingga nidi nga timpu,” kunen na.

Matyu 7:21

“Ket bekken nga amin nga mangawag iyaken ya makalak-am nad iya panangituray niya Nailangitan, orey diya agkunen iyaken nga, ‘Apuc, Apuc’. Ta diyan nas tutu nga agtungpal iya tarigagay niya Amac nga uwed ka langit diya makalak-am nad iya panangituray na.

Lukas 6:46

“Ape̍ aya nga awagan dac nga kunen nu nga, ‘Apuc, Apuc,’ kunen nu iyaken, ngem di nu met latta tungpalen diya ibagac dakayu?

Lukas 8:21

Ngem kinunen ne̍ Je̍sus kadito toley, “Ya maibilang nga inac se̍ diya kakabsat ku, ket itu diya dumngeg se̍ mangtungpal iya kagi ne̍ Apu Diyus,” kunen na.

Juan 13:17

Ket ita, gapu ta emmu nun yan nga nibagac dakayu, maragsakan kayu met no tungpalen nu.

Juan 15:14

Ket dakayu, gagayyem nakayu ngarud no tungpalen nu ya ibilin ku.

Juan 2:5

Ket to ina ne̍ Je̍sus, kinunen na kadiya agsirsirbi iyan, “Orey nagan ya ibaga na dakayu, tungpalen nu was, a,” kunen na.

Aramid 9:6

Ngem itan, gumnukat kan nga mawe̍ ka umuneg iya ili yin. Ket antuni ya pakaemmuwam no nagan ya masapul mu nga wanglen,” kunen na.

Ruma 15:33

Sapay kuma ta uwed dakayu nga amin nge̍ Apu Diyus nga mangpatalna. Agten iyan kuma.

Ruma 16:20

Ket e̍ Apu Diyus nga mangpatalna dactida, ket dagus nga abaken na nge̍ Satanas, nga arig nga ipagudel na dakayu. Uwed kuma dakayu ya siaayat nga asi niya Apu tida nga Je̍sus.

1 Kurintu 10:31

Ket agten idi ya isungbat ku iya agten iyan nga saludsud: Orey nagan na nga wanglen nu, agraman ya mangan winno uminum man, ket ipaay nu kuma ngas iya pakaidayawan ne̍ Apu Diyus.

1 Kurintu 14:33

Ta bekken nga panagkusu ya tumaud e̍ Apu Diyus, no di lugud urnus. Ket no maipanggep kadiya babey nga makigimung, tungpalen nu kuma ya agten mettas nga ugali diya amin nga duduma nga bungguy diya mamati,

1 Kurintu 4:16

Dikad pe̍ bilinen nakayu nga sipapasnec nga iyaken kuma ya pagtuladan nu.

2 Kurintu 13:11

Ket kakabsat, idi ya modi nga ibagbagac dakayu idi nga surat kun: Aganggem kayu ngas kuma. Ket palinteggen nu kuma ngarudin ya ugali nu, se̍ tungpalen nu kuma ngarud ya pamagbagac dakayu idi nga surat ku. Agkikinnaawatan kayu kuma, se̍ agtutunus kayu kuma pe̍. Ket no agten iyanin, uwed met dakayu nge̍ Apu Diyus, nga igina ya pagtaudan niya ayat se̍ talna.

Pilipus 3:17

Ket kakabsat, agpapada kayu kuma nga mangtulad iya ugali nga nipaspasingec dakayu. Ket diya mangtungtungpal idi nga ugali mi, ket pagtuladan nu da pe̍ yin.

Pilipus 4:7

Ket no agten iyan ya pamaay nu, e̍cdan nakayu nge̍ Apu Diyus ka talna na nga nakaskasdaaw nga nalablabes pe̍ ngem iya pannakaawat toley. Ket idi nga talna, itu mettas ya mangaywan iya nakem se̍ panpanunut nu, gapu iya pannakaitipun nu e̍ Kristu Je̍sus.

1 Te̍salunika 1:6

Ket itun, tinulad dakami se̍ ya Apu. Ta orey napalaus to rigrigat nu itun, namati kayu latta iya kagi ne̍ Apu Diyus. Ket naganggem kayu met pe̍ itun gapu iya anggem nga ipaay niya Ispiritu Santu.

1 Te̍salunika 2:14

Ta dakayu, kakabsat, agten kayun kadiya bungguy diya mamati nga taga-Hudya. Ta dito napaspasamac dakayu, agten met pe̍ ito napaspasamac kadiya toley ne̍ Apu Diyus nga mamati e̍ Je̍su Kristu enna Hudya. Ta pinarigat dakayu met pe̍ diya kailiyan nu agten met ito panangirurumen diya Hudyu kadiya mamati enna Hudya.

1 Te̍salunika 5:23

Sapay kuma ta palinteggen nakayu nge̍ Apu Diyus nga mange̍cde̍ ka talna na, tasun awan nga pulus maipabasul dakayu. Ket aywanan na kuma pe̍ diya nakem nu, diya biyag nu, se̍ diya beggi nu, tasun mailisi kuma didi iya amin nga pagbasulan. Agten iyan kuma agingga mettas iya umbe̍t niya Apu tida nga Je̍su Kristu.

2 Te̍salunika 3:4

Ket gapu mettas iya Apu, siguradu kami nga tungtungpalen nu ita diya isursuru mi dakayu, se̍ orey nad mettas pe̍ iya timpu nga maadpangan.

2 Timutyu 4:22

Ket ya Apu kuma ya mangiturung ikew iya lemlemmet mu. Uwed kuma dakayu ya siaayat nga asi ne̍ Apu Diyus.

Santiyagu 1:22

Dikad pe̍ tungpalen nu kuma ngarud ya kagi ne̍ Apu Diyus. Ta no pagarupen nu nga makaanay ya panagdengdengngeg ngasin, iyaw-awan nu ngarud ya bukud nu nga panpanunutin.

2 Pe̍dru 1:10

Itu nga kakabsat, sipapasnec kayu kuma ngarud nga mangpatalged iya pannakapili se̍ pannakaisaad nu. Ket no agten iyan ya wanglen nu, awan ngarud pakairraduwan nu iya imatang ne̍ Apu Diyusin.

1 Juan 3:22

Ket orey nagan na nga adngen tida igina, ipaay na dactida, ta tungpalen tida diya bilin na se̍ wanglen tida pe̍ diya makaay-ayu igina.