Pilipus 4:6 - Ya Baru nga Tulag

⁶ Awan kuma idandanag nu iya orey nagan na, no di kayu ipakaemmu kuma ngas nga siiiyaman e̍ Apu Diyus diya amin nga gabay nu nga adngen igina kadiya karkararag nu.

Pilipus 4:6 Iomraidhean Croise

Matyu 10:19

Ket nad no ipasangu dakayu, madi kayu madanagan no kumaan kuma niya kagiyen nu, winno no nagan na kuma ya ikagi nu igida. Ta iyan nga kanitu, maipakaemmu nad dakayu no nagan ya kagiyen nu.

Matyu 13:22

Ket dito bukel nga naiwaris iya karuutan nga uwed rasi na, itu ya maiyarig iya toley nga makagicna iya kagi ne̍ Apu Diyus, ngem awan met pagbanagan niya kagi ne̍ Apu Diyus igina. Ta maabac ya pannakabalin na igida, gapu kadiya pakasikuran iya biyag nga idi se̍ iya panagtarigagay na ka kinabacnang.

Matyu 6:34

“Itu nga madi kayu agdanag maipanggep kadiya masapul nu iya sumarunu nga algew. Ta kada sumarunu nga algew, uwed manin tumaud nga pakadanagan nu. Awan kuma idga nu iya pakasikuran nu iya agdama nga algew!”

Matyu 6:8

Ngem madi nu lugud tuladen ya agten iyan nga ugali da, ta ya Ama nu, emmu na met ya kasapulan nu, orey madi kayu pekkem adngen igina.

Lukas 10:41

Ngem kinunen niya Apu igina, “Ay, Marta, adu was ya pakadanagam se̍ pakariribukan niya panpanunut mu.

Lukas 12:22

Ket kinunen ne̍ Je̍sus kadito adalan na, “Dikad pe̍ idi ngarud ya ibagac dakayu: Madi kayu kuma nga pakadanagan ya pagbiyag nu, nga agten no nagan ya kanen nu, se̍ madi kayu kuma pe̍ pakadanagan ya beggi nu, nga agten no nagan ya pagkawwes nu.

Lukas 12:29

“Madi kayu kuma ngarud madanagan nga mangpanpanunut no awac ya pamettan nu ka kanen se̍ inumen nu.

Lukas 18:1

Ket nagpangngarig manin nge̍ Je̍sus kadito adalan na, ta suruwan na da nga agkararag da kuma nga pe̍yeng, nga madi da kuma nga makumsa.

Lukas 18:7

Ket no e̍ Apu Diyus, di na ngarud pe̍ aya tulungan diya pinili na nga toley na, nga umaw-awag nga pe̍yeng igina orey algew se̍ gabi maipanggep iya pruble̍ma da? Ngarud, madi na met tactaken ya mangipakaemmu iya kinalinteg da.

1 Kurintu 7:21

Ket orey no tagabu kayu ito di kayu pekkem nga mamati, kustu kuma ngasin. Ngem no uwed gundaway nu nga mawayawayaan, kamuwen nu ngarudin.

1 Kurintu 7:32

Agten iyan ya ibagbagac dakayu, ta gabay ku no mawayawayaan kayu kuma kadiya pagdanagan idi nga lubung. Agten iyan met ya kasasaad niya awan asawa na, ta isnup na ngas diya agpaay iya Apu, ta ya Apu ngas met ya gabay na nga ay-ayuwen.

2 Kurintu 1:11

sigun mettas iya panangikarkararag nu dakami e̍ Apu Diyus. Ket iya agten iyan, adu nad diya toley nga agyaman e̍ Apu Diyus gapu kadiya ikaasi na dakami, sigun kadiya ikarkararag didi nga adu para dakami.

E̍pe̍su 5:20

ta siiiyaman kayu kuma nga pe̍yeng e̍ Apu Diyus nga Ama tida. Ngarud, agyaman kayu gapu kadiya orey nagan na, nga sitatalged kayu gapu iya Apu tida nga Je̍su Kristu.

E̍pe̍su 6:18

Usaren nu ngarud amin didi nga alikamen nu, ket sikakararag kayu nga pe̍yeng. Paiturayan kayu iya Ispiritu Santu kadiya amin nga ikararag winno adngen nu e̍ Apu Diyus. Ket tasun agten iyan nga tutu, naridam kayu kuma nga sipapasnec nga pe̍yeng iya panangibabaet nu kadiya karkararag nu para kadiya amin nga toley ne̍ Apu Diyus.

Kulusas 3:15

Ket ya talna nga tumaud e̍ Kristu, itu kuma ngarud ya ipateg nu nga pamaayen nu. Ta sangkabungguy kayu nga pinili ne̍ Apu Diyus nga pakaipaayan niyan nga talna. Ket siiiyaman kayu kuma ngarud nga pe̍yeng.

Kulusas 3:17

Ngarud, sipapati kayu kuma ngas e̍ Apu Je̍sus iya orey nagan na nga ar-arimanen nu, orey kadiya kagkagiyen winno wangwanglen nu. Ket sigun iya kinaturay ne̍ Apu Je̍sus, agyaman kayu kuma ngarud e̍ Apu Diyus nga Ama.

Kulusas 4:2

Ket no maipanggep iya panagkararag, puminget kayu kuma nga sipapasnec se̍ siiiyaman nga pe̍yeng.

1 Timutyu 2:1

Ya mona nga ibagbagac ket ikararagan tida kuma diya amin nga toley e̍ Apu Diyus, nga ikararag tida diya kasapulan da. Adngen tida ngarud e̍ Apu Diyus ya panangngaasi na igida, nga siiiyaman tida kuma maipanggep igida.

1 Timutyu 5:5

Ket ya tutu nga kackaasi nga balu nga awan nga pulus kabagiyan na nga makaistimar igina, e̍ Apu Diyus ngarud met ya pangnamnamaan na. Ket gabi-algew, sikakararag nga pe̍yeng, nga agpacpakaasi e̍ Apu Diyus.

1 Pe̍dru 4:7

Dandani met aggibus ya aminin, dikad pe̍ nanakem se̍ natanang kayu kuma nga managkararag.

1 Pe̍dru 5:7

Ket italec nu kuma ngasin igina diya amin nga dandanag nu, ta e̍ Apu Diyus met ya makaemmu dakayu.