Pilipus 4:21 - Ya Baru nga Tulag

²¹ Pakumustaac diya amin nga toley ne̍ Apu Diyus iyan, gapu e̍ Kristu Je̍sus. Makikumusta pe̍ diya kakabsat tida ka pammati nga kabulun ku idi nga pagedyanac.

Pilipus 4:21 Iomraidhean Croise

Matyu 5:47

Se̍ agten pe̍ no diyan nas kapada nu ya kablaawan nu, agten kayu was kadiya kaaduwan nga toltoley. Ta orey diya bekken nga toley ne̍ Apu Diyus, agten met pe̍ iyan ya wangwanglen da.

1 Kurintu 1:2

Isurat mi yani dakayu nga bungguy nga agpaay e̍ Apu Diyus iyan Kurintu. Nisibna nakayu nge̍ Apu Diyus nga maibilang nga toley na gapu e̍ Kristu Je̍sus. Ket nairaman kayun kadiya amin nga napili nga toley ne̍ Apu Diyus iya orey awac nga edyan da, nga itu diya umaw-awag nga sidadayaw iya nagan ne̍ Je̍su Kristu nga Apu da, nga Apu tida met pe̍.

Galasiya 1:2

Isurat ku yani dakayu nga kamkameng diya bungguy diya mamati ka prubinsiya nga Galasiya. Ket amin diya kakabsat tida nga kabulun ku ennidi, makipagpakumusta da kanu pe̍ dakayu.

Galasiya 2:3

Ket nagtutunus kami nga tutu, ta orey bekken nga Hudyu nge̍ Titu nga kabulun ku itun, madi da met pinilit nga mangtungpal ito ugali Hudyu nga agpakugit.

E̍pe̍su 1:1

Iyaken nge̍ Pablu nga pinagbalin ne̍ Apu Diyus nga isa nga apustul nga agpaay e̍ Kristu Je̍sus. Isurat ku yani dakayu nga toley ne̍ Apu Diyus enna E̍pe̍su, dakayu nga pe̍yeng nga nabileg ya panamati na e̍ Kristu Je̍sus.

Pilipus 1:1

Iyaken nga Pablu se̍ e̍ Timutyu nga agsirsirbi e̍ Kristu Je̍sus, ket dakami ya akin-surat idi. Isurat mi yani dakayu iyan Pilipus. Isurat mi ngarud dakayu nga amin nga toley ne̍ Apu Diyus iyan gapu iya pannakaitipun nu e̍ Kristu Je̍sus, agraman dakayu nga agay-aywan iya bungguy, se̍ dakayu nga katulungan niya bungguy.

Pilipus 4:7

Ket no agten iyan ya pamaay nu, e̍cdan nakayu nge̍ Apu Diyus ka talna na nga nakaskasdaaw nga nalablabes pe̍ ngem iya pannakaawat toley. Ket idi nga talna, itu mettas ya mangaywan iya nakem se̍ panpanunut nu, gapu iya pannakaitipun nu e̍ Kristu Je̍sus.