Pilipus 4:19 - Ya Baru nga Tulag

¹⁹ Ket e̍ Apu Diyus nga pagsirbiyac, igina met ya makaemmu kadiya amin nga masapul nu, maikanatad iya nawadwad nga kinabacnang na, nga uwed igina gapu iya nadayaw nga kasasaad na, nga masingen e̍ Kristu Je̍sus.

Pilipus 4:19 Iomraidhean Croise

Matyu 6:32

Bay-an nu ngarud ya agten iyan nga panpanunut, ta amin didi, itu met diya panpanunuten nga pe̍yeng diya di makaemmu e̍ Apu Diyus. Ngem no dakayu, emmu met niya nailangitan nga Ama nu nga masapul nu amin diyan.

Juan 20:17

Ket kinunen ne̍ Je̍sus igina, “Madi nac icman nga igapus a, ta madic pekkem simoli iya Ama. Mawe̍ ka ngas ipadamag kadiya kakabsat ku, nga sumoli yac kun iya Amac, nga itu pe̍ ya Ama nu, se̍ ya Diyus ku nga Diyus nu met pe̍,” kunen na.

Juan 20:27

Ket se̍ na kinunen ngarud e̍ Tumas, “Singem ngarud diya imac, ket karasawem mun. Ket se̍ ipalbut mu ya ima mun iya le̍pyong ku. Ipac mu ngarud ya panagduwaduwa mun, ket mamati kan!” kunen na.

Ruma 1:8

Ket ya mona nga kunec, gapu e̍ Je̍su Kristu, agyaman nac iya Diyus ku nga Apu Diyus, gapu dakayu nga amin. Ta ya panamati nu igina, agdindinamag ngamin iya amin na lubung.

Ruma 11:33

Ay, napalaus met nga unay ya panagkaasi ne̍ Apu Diyus! Se̍ nauneg nga unay ya sirib na se̍ diya emmu na! Awan ngarud makailawlawag kadiya pangngeddeng ne̍ Apu Diyus, se̍ awan makaawat kadiya pangpanggep na.

Ruma 2:4

Kaynun no pagarup nu nga mabalin nu nga namnamaen ya dackel nga kinaasi, kinaanus, se̍ panagibtur ne̍ Apu Diyus. Di kayu kad emmu nga ya asi ne̍ Apu Diyus, ipaay na met dakayu tasun agbabawi kayu kuma?

Ruma 8:18

Ket no utubec ya kinadayaw nga dumateng dactida no ipakaemmu nad ne̍ Apu Diyus, ket pulus nga madic ikinkiney yin diya rigrigat ku idi nga lubung.

Ruma 9:23

Ket inanusan na ngarud nga siaasi dito toley, tasun maipakaemmu na ya nakaskasdaaw nga kinadayaw na. Ket diya kaasiyan na, itu pe̍ diya iraman na nad iya pannakapadayaw na, ta sigud nga panggep ne̍ Apu Diyus itun pekkem nga didi diya mapadayawan.

2 Kurintu 12:21

Madanagan nac ngarud maipanggep idi nga isasacwar ku manin dakayu. Ta kaynun no paalyewwen nac ya Diyus ku maigapu dakayu, no mapaladingit tac nad gapu kadiya adu nga nakabasul iyan. Ta kaynun no madi da pekkem babawiyen dito dake̍c nga ugali da, nga agten iya pannakikamalala, se̍ ya panagtungtungpal da kadiya naalas nga ricricna niya beggi da.

2 Kurintu 4:17

Ta amin didi nga pakaparparigatan mi, bekken da nga nadagsen winno agnanayun. Ket itured mi ngasin, gapu iya panagnamnama mi iya kinadayaw nga mae̍cde̍ nad dakami gapu iya panangitured mi kadidi nga pakaparparigatan mi ita. Ket iyan nga kinadayaw, madi ngarud agpatingga se̍ awan kapada na.

E̍pe̍su 1:18

Ngarud, ikarkararag ku nga ipakaawat kuma ne̍ Apu Diyus kadiya panpanunut nu, tasun maawatan nu kuma ya banag niya namnama nga uwed dakayu sigun ito panangpili na dakayu. Ket itu ya nipatawid ne̍ Apu Diyus kadiya toley na, ket idi nga tawid, nakaskasdaaw ya pammadayaw na.

E̍pe̍su 1:7

Gapu iya pannakaitipun tida e̍ Kristu, nawayawayaan tidan iya pakaukuman tida, gapu ito pannakaidaga na. Ta itu ya pakapakawanan diya basbasul tida, sigun iya napalaus nga asi ne̍ Apu Diyus nga siaayat.

E̍pe̍su 2:7

Ket inariman ne̍ Apu Diyus yan, tasun kadiya amin nga maadpangan nga timpu, ipasingen na ya napalaus nga asi na nga siaayat. Ipasingen na ngarud ya ayat na dactida, gapu iya pannakaitipun tida e̍ Kristu Je̍sus.

E̍pe̍su 3:16

Tutu ngarud met nga dackel nga unay ya kinadayaw ne̍ Apu Diyus, ket itu nga adngec igina nga gapu iya pannakabalin niya Ispiritu na, mapabileg kuma diya nakem nu.

E̍pe̍su 3:8

Ket orey iyaken ya kanumuwan kadiya amin nga toley ne̍ Apu Diyus, pinili nac latta nga mangipakaemmu dakayu nga bekken nga Hudyu kadiya nakaskasdaaw nga unay nga banbanag nga ipaay ne̍ Kristu dactida.

Pilipus 4:7

Ket no agten iyan ya pamaay nu, e̍cdan nakayu nge̍ Apu Diyus ka talna na nga nakaskasdaaw nga nalablabes pe̍ ngem iya pannakaawat toley. Ket idi nga talna, itu mettas ya mangaywan iya nakem se̍ panpanunut nu, gapu iya pannakaitipun nu e̍ Kristu Je̍sus.

Kulusas 1:27

Ket dactida nga toley ne̍ Apu Diyus, dactida mettin ya pinili na nga pangipakaemmuwan nan iya kinakaskasdaaw niyan nga napateg se̍ nadayaw nga panggep na maipanggep kadiya bekken nga Hudyu. Ket ya banag nito panggep na, ket agten idi: Uwed met dakayu nge̍ Kristu win, nga itu ya namnamaen nu nga mairaman kayu kadiya nadayaw nga iturayan na.

Kulusas 3:16

Ket diya sursuru nga nagtaud e̍ Kristu, itu kuma ya pe̍yeng nu nga laglagipen iya panagsisinnuru se̍ panagbibinnalakad nu maikanatad iya sirib nga e̍cde̍ ne̍ Apu Diyus. Ket iya agten iyan pe̍, agkankanta kayu kuma, nga agiiyaman kayu kuma nga siaayat e̍ Apu Diyus. Ta agkankanta kayu ngarud kadiya dandaniw nga uwed ayug da, se̍ kadiya kankanta nga pagdayaw e̍ Apu Diyus, se̍ iyayug nu kuma pe̍ diya duduma nga panagdayaw nu.

1 Te̍salunika 2:12

Ta binagbagbagaan dakayu, pinabpabileg dakayu, se̍ liniwliwa dakayu nga tunggal isa. Agten iyan ngarud ya winangwangel mi, tasun agbiyag kayu kuma nga pe̍yeng nga makaay-ayu e̍ Apu Diyus nga nangpili dakayu nga mairaman iya pangiturayan na se̍ pakadayawan na.

1 Timutyu 6:17

Ket no maipanggep kadiya babacnang, ibagam igida nga di da kuma tumangsit gapu iya kinabacnang da. Ta napateg ngas idi nga lubung yan nga kinabacnang da, ket nalaka pe̍ nga mapukaw nad mettas. Bekken kuma nga itu ya namnamaen da, no di lugud e̍ Apu Diyus. Igina ya paggayatan diya amin nga pakaragsakan tida, nga igina met ya manage̍cde̍ kadiya amin nga kasapulan tida.

Pilimun 1:4

Pe̍yeng nga agyaman nac iya Diyus ku maipanggep ikew, Pilimun, ket no agkararag gac, laglagipen naka.

1 Pe̍dru 5:1

Dikad pe̍, gapu kadiyan nga banbanag, uwed ibagbagac dakayu nga panglakayen diya bungguy diya mamati. Ta iyaken ya isa nga pada nu nga panglakayen, se̍ isa ngac pe̍ nga nakasingen kadito pannakaparparigat ne̍ Kristu. Se̍ iyaken pe̍ ya isa nga maibulun nad igina iya pakaidayawan na nga dandani maipasingen nin.

1 Pe̍dru 5:10

Ket e̍ Apu Diyus mettas nga pagtaudan niya amin nga siaayat nga asi, se̍ ya nangpili dakayu nga mairaman iya agnanayun nga pannakaidayaw na gapu e̍ Kristu. Ket igina mettas ya mangan-anay nad dakayu, no malpas yan nga e̍teng nga panagrigat nu. Ket patalgedden nakayu se̍ pabilgen nakayu nad pe̍.