Pilipus 4:12 - Ya Baru nga Tulag

¹² Ta emmuc mettin ya agkurang ka kasapulan, se̍ emmuc pe̍ yin ya agsuruc ka kasapulan. Ket naemmuwac kun nga nabaru no agtalna ngac kuma ngas iya orey nagan na nga dumateng iyaken, se̍ iya amin nga kasasaad ku, agten no mabsug gac man, winno mabisin nac, se̍ orey no agkurang winno agsubra diya masapul ku.

Pilipus 4:12 Iomraidhean Croise

Matyu 11:29

Paituray kayu kuma ngarud iya paglinteggac, nga maiyarig ka sangul nu, ket agpaisuru kayu iyaken. Ta iyaken, natuluc se̍ napakumbaba ngac met. Dikad pe̍ no umbe̍t kayu iyaken, ket mapatalna kayu ngarud.

Matyu 13:52

Dikad pe̍ kinunen na manin igida, “Nabaru met no agten iyan, ta agten kayun kadiya manursuru iya Linteg Hudyu no nagbalin dan nga pasurut iya maipanggep iya panangituray niya Nailangitan. Ket iya tunggal manursuru nga agten iyan, maiyarig da met iya makin-kuwa iya isa nga baley nga uwed duwa nga kita diya nabaru nga banbanag nga mairuwar na, nga gayat iya pagitaltalipnan na. Ket didi nga nabaru nga banbanag, kabarbaru diya duduma, ket nadaan diya duduma,” kunen na.

2 Kurintu 10:1

Ket uwed da met agkunen nga kapdog gac kanu no uwed dac iya imatang nu, ngem no awan nac dakayun, agbalin nac kanu nga nauyung manin. Ket iyaken mettas nga Pablu, iyaken ya mangibilin nga sipapasnec dakayu itan, ket sigun met iya kinaalumamay se̍ kinapakumbaba ne̍ Kristu yani nga panangibilin ku dakayu.

2 Kurintu 10:10

Ta bekken kuma nga agten iya kunen diya duduma, nga siuuyaw da nga agkunen kanu nga, “Nainget se̍ naturay diya surat ne̍ Pablu, ngem no uwed iya imatang tida, kapdog ngas met, se̍ awan turaturay niya panagkagkagi na,” kunen da kanu.

2 Kurintu 11:27

Nagbannug gac se̍ nagrigrigat tac. Ket pe̍yeng nga nasulsulapan nac. Nabisbisin se̍ new-ewwew wac. Ket name̍n-adu wac nga nagkurang ka kanen, se̍ nal-alminan nac se̍ nagkurang diya pagluput ku.

2 Kurintu 11:7

Ape̍? Basul aya to winangel ku ito madic nakitangdan dakayu ito panangisuruc dakayu iya Makaparagsac nga Damag nga paikagi ne̍ Apu Diyus? Bekken ngarud nga basul, ta nagpakumbaba ngac iya saad ku, tasun maipangatu kuma ya kasasaad nu iya imatang ne̍ Apu Diyus.

2 Kurintu 11:9

Ket orey nagkurangac kadito masapsapul ku ito kauwed ku iya edyan nu, awan pinarigat ku nga nagpatulungan dakayu, ta tinulungan dac itun dito kakabsat nga gayat ennid Mase̍dunya. Itu nga awan pinarparigat ku dakayu ka orey nagan na. Ket orey nungey, panggep ku nga madi nakayu nad nga parigaten.