Pilipus 3:9 - Ya Baru nga Tulag

⁹ Ket gapu iya pannakaitipun ku igina, maibilang ngac nga nalinteg gin. Ngem bekken nga gapu iya panangtungpal ku ito Linteg ya nakapalinteggac, no di gapu mettas iya panamatic e̍ Kristu. Ket itu yan ya kinalinteg nga gayat e̍ Apu Diyus, nga gapu was ka panamati.

Pilipus 3:9 Iomraidhean Croise

Matyu 9:13

Ket no dakayu, masapul met nga maadal nu ya kaipapennan nidi nga naisurat iya Bibliya nga kunen na, ‘Bekken nga ya panangidatun ka animal ya paggugustuc, no di lugud ya panangaasi.’ Maawatan nu kuma ngarud ya kaipapennan niyan, ta agten met pe̍ iyaken, nga ya numbe̍tac, bekken met nga tasun awisec diya nalinteg nga toley, no di lugud diya managbasul,” kunen na.

Ruma 1:17

Tutu met nga isalakan ne̍ Apu Diyus diya mamati, ta gapu iya Makaparagsac nga Damag, maipakaemmu ya panangpalinteg na iya toley. Ket idi nga pannakapalinteg, ket gapu ka panamati nga agbanag mettas pe̍ ka panamati manin. Agten mettas iyan ya naisurat iya Bibliya nga kunen na, “Diya naibilang nga nalinteg, agbiyag da nad nga situtured gapu iya panamati da.”

Ruma 10:10

Ta gapu iya panamati tida nga tumaud iya lemlemmet tida, maibilang tida nga nalinteg iya imatang ne̍ Apu Diyus. Ket se̍ gapu pe̍ iya panangibalikas tida nga panangipakaemmu tida maipanggep iya panamati tida, ket maisalakan tida.

Ruma 16:7

Pakumustaac pe̍ de̍ Adruniku nge̍ Hunya nga padac nga Hudyu se̍ kabulun ku nga naibalud itun. Naibilang da met nga naraem kadiya apustule̍s, ket non-ona da pe̍ ngem iyaken nga namati e̍ Kristu.

Ruma 5:21

Agten iyan ngarud, tasun orey naggundaway ya basul, nga agbanag met iya pannakatey, ket aggundaway kuma lattan ya siaayat nga asi ne̍ Apu Diyus, nga itu ya agbanag iya pannakaibilang tida nga nalinteg. Ket iya agten iyan, mae̍cdan tidan ka biyag nga agnanayun gapu e̍ Je̍su Kristu nga Apu tida.

Ruma 8:1

Dikad pe̍ dactida nga nairaman iya kasasaad ne̍ Kristu Je̍sus, awan pakaukuman tidan.

Ruma 8:3

Winayawayaan nactida ngarud, ta no ya Linteg, madi na met kabaellan nga abaken ya pannakabalin niya basul, gapu ta kurang ya kabaellan diya toley nga mangtungpal. Itu nga e̍ Apu Diyus met ya nangabac kin iya pannakabalin niya basul. Inabac na ngarud ito nibon na ya Anac na nga nagpaitoley, tasun uwed beggi na nga kalanglanga niya managbasul nga beggi tida, se̍ tasun agpaay maigapu ka basul. Ket iya agten iyan, inabac ne̍ Apu Diyusin ya pannakabalin niya basul, gapu iya beggi niya Anac na.

1 Kurintu 1:30

Ta e̍ Apu Diyus mettas ya nangpaitipun dactida e̍ Kristu Je̍sus, nga igina ya pinagbalin ne̍ Apu Diyus nga pagtaudan niya sirib tida, se̍ ya pannakapalinteg tida iya imatang na, se̍ ya pannakaisaad tida nga toley na, se̍ ya pannakawayawaya tida kadiya basbasul tidan.

2 Kurintu 5:17

Ket agten iyan met pe̍ ya panangibilang niya orey nagan na nga toley nga maitipun e̍ Kristu. Ta ya toley nga maitipun e̍ Kristu, maiyarig nga kabarbaru nga parsuwa ngin. Ket nabaliwanin dito daan nga panpanunut na ka kabarbaru nga panpanunutin.

2 Kurintu 5:21

Ta gapu dactida, pinagbalin ne̍ Apu Diyus nge̍ Kristu nga nadusa gapu ka basul, orey awan met pulus basul na. Agten iyan ya winangel na, tasun gapu iya pannakaitipun tida e̍ Kristu, agbalin tida nga napalinteg, nga agten mettas iya kinalinteg ne̍ Apu Diyus.

Galasiya 2:16

Ngem orey dakami nga naiyanac nga Hudyu, emmu mi met nga awan toley nga maibilang nga nalinteg iya imatang ne̍ Apu Diyus gapu iya panagtungpal na iya Linteg nito Muyse̍s, no di lugud gapu was iya panamati na e̍ Je̍su Kristu ya pannakapalinteg na. Itu nga dakami nga Hudyu, namati kami met pe̍ e̍ Kristu Je̍sus, tasun gapu iya panamati mi e̍ Kristu, ibilang nakami nge̍ Apu Diyus nga nalinteg gin iya imatang na. Ket ya pannakapalinteg mi, bekken met nga gapu iya panagtungpal mi iya Linteg ne̍ Muyse̍s. Ta awan met toley nga maibilang nga nalinteg iya imatang ne̍ Apu Diyus gapu iya panagtungpal na iya Linteg.

Pilipus 3:6

Ket no maipanggep iya kinapasnec ku iya kaugaliyan mi nga Hudyu, nangnangruna ngac pekkem, ta nagaget tac met itun nga nangirurumen kadiya mamati e̍ Kristu. Ket no maipanggep pe̍ iya pannakaibilang nga nalinteg gapu iya panagtungpal ito Linteg nito Muyse̍s, ket awan met pakaumsiyac ito panangtungpal ku ito Linteg.

2 Timutyu 1:9

Igina met ya nangisalakan dactida, se̍ igina pe̍ ya nangpili dactida nga agbalin nga toley na. Bekken nga gapu iya nawangel tida diyan, no di lugud gapu iya kabucbukudan na nga panggep se̍ siaayat nga asi. Ket nipaay na yani nga siaayat nga asi na dactida itun pekkem, gapu mettas e̍ Kristu Je̍sus, orey ito madi pekkem naparsuwa ya lubung.

Titu 3:5

itu win to nangisalakan nan dactida. Ket to panangisalakan na dactida, bekken nga gapu kadiya nabaru nga tinungpal tida, no di lugud gapu was iya asi na. Nisalakan nactida gapu iya panangugas niya Ispiritu Santu dactida. Ta gapu iya Ispiritu Santu, nagbalin tida nga anac ne̍ Apu Diyusin, se̍ nae̍cdan tidan ka kabarbaru nga biyag.

He̍briyu 6:18

Dikad pe̍ uwed diyan nga duwa nga inariman ne̍ Apu Diyusin nga kari na se̍ sapata na, nga awan pulus pannakabaliw dan, ket emmu tida nga pulus nga madi mabalin nga agbusid nge̍ Apu Diyus maipanggep kadiyan. Itu nga dactida nga agtalec iginan, mangnamnama tida ngarudin ito naikari dactida.

Santiyagu 3:2

Ta ya kinapudnu na, mame̍n-adu tida met nga makabasul nga amin. Ngem no uwed kuma toley nga awan pakairraduwan na kadiya balbalikasen na, awan ngarud pagkurangan niyan nga toley yin, ta matimbeng na ngarud ya amin nga beggi na.

2 Pe̍dru 1:1

Iyaken nge̍ Simon Pe̍dru nga isa nga agsirsirbi e̍ Je̍su Kristu se̍ ya isa nga apustul nga agpaay igina. Agsurat tac dakayu nga nae̍cdan ka pammati nga kapada mettas niya napateg nga pammati mi, gapu iya nalinteg nga gangey niya Diyus tida se̍ Mangisalakan dactida, nga itu nge̍ Je̍su Kristu.

1 Juan 3:4

Ngem ya orey nagan na nga agariman ka basul, ket agariman met ka maikuntra iya paglinteggan ne̍ Apu Diyus, ta maikuntra iya linteg na ya basul.