Pilipus 3:8 - Ya Baru nga Tulag

⁸ Ngarud ita, ibilang ku nga awan sirsirbi yin niya orey nagan na, ta napatpateg met ya pannakaem-emmuc e̍ Kristu Je̍sus nga Apuc kun ngem iya orey nagan na. Ket gapu idi nga pannakaemmuc igina, naipac iyaken nin amin dito pagtalged ku itun. Ket ibilang ku da ngasin nga arig nga basura, tasun maalac ku ya gun-gunac nga pannakibulun ku e̍ Kristu.

Pilipus 3:8 Iomraidhean Croise

Lukas 1:43

Madi yac met maikari nga umbe̍t mu sacwaran, ikew nga ina niya Apuc!

Lukas 11:20

Ket no gapu iya turay ne̍ Apu Diyus ya panangpatalew ku ka sairu, itu mettin ya mangipanecnec dakayun nga nadatngan dakayu nga tutu win ya panangituray ne̍ Apu Diyus.

Juan 14:20

Ket nad no madatngan yanin, mapanecnekkan nu nga uwed dac nga tutu iya Amac, ket dakayu, uwed kayu met iyaken, se̍ uwed dac pe̍ dakayu.

Juan 14:7

No em-emmu dac kun, em-emmu nu met pe̍ yin ya Amac. Ket itan, em-emmu nu ngarudin ya Amac, ket arig nga nasingen nun,” kunen na.

Juan 16:3

Agten kadiyan ngarud ya wanglen da nad dakayu, ta madi da met em-emmu ya Ama winno iyaken.

Juan 17:3

Ket ya banag nidi nga biyag nga agnanayun, ket itu ya pannakaem-emmu da ikew nga is-isa se̍ pudnu nga Diyus, se̍ ya pannakaem-emmu da pe̍ e̍ Je̍su Kristu, nga itu ya nibon mu.

Juan 17:8

Ta nipakaemmuc igida diya amin nga nipaibagam iyaken igida, ket inawat dan. Ket emmu dan nga tutu nga gayat tac ikew, se̍ patiyen da pe̍ yin nga ikew ya nangibon iyaken.

Juan 20:13

Ket kinunen met dito anghe̍le̍s e̍ Marya, “Ape̍ agberberrit ka, kabsat?” Ket kinunen ne̍ Marya igida, “Nimet da ngamin ya Apuc, ket madic met emmu ya nangipennan da iginan,” kunen na.

Juan 20:28

Ket e̍ Tumas, kinunen na mettin, “Ikew ngarud ya Apuc se̍ Diyus ku!” kunen na.

Aramid 20:24

Ngem orey a, ta ya biyag ku, bekken ku nga kake̍ngan. Ta ibilang ku nga awan sirsirbi niya biyag ku, tasun matungpal ku ya nakaibonac se̍ ya wangel nga gabay ne̍ Apu Je̍sus nga ipawangel iyaken, nga itu ya panangipakaemmuc iya Makaparagsac nga Damag maipanggep iya siaayat nga asi ne̍ Apu Diyus.

Ruma 8:18

Ket no utubec ya kinadayaw nga dumateng dactida no ipakaemmu nad ne̍ Apu Diyus, ket pulus nga madic ikinkiney yin diya rigrigat ku idi nga lubung.

Ruma 8:39

Ket orey nagan na nga uwed iya ngatu winno iya segged, winno orey nagan na pekkem nga naparsuwa, ket awan pulus kadidi ya makaisina dactida iya ayat ne̍ Apu Diyus nga nipaay na dactida gapu e̍ Kristu Je̍sus nga Apu tida.

1 Kurintu 2:2

Ta bayat nito kauwed ku iyan nga edyan nu, nirantac nga awan sabali nga ikasabac dakayu malacsid iya maipanggep e̍ Je̍su Kristu, ket kangrunaan na ya maipanggep ito pannakatey na ito krus.

1 Kurintu 9:10

Ta toley ngarud met pe̍ ya kayat na nga kagiyen iyan nga pangngarig. Ngarud, niturung na yan nga pangngarig dakami, ta maiyarig kami pe̍ iya isa nga agar-aradu. Ta ya agar-aradu, sinanama kuma iya bingay na nad iya apiten na, agten pe̍ iya toley nga agrunas. Ta sinanama kuma pe̍ iya bingay na iya pagbanagan niya panagbannug na.

2 Kurintu 4:4

Ket diyan nga madi mamati, sinikapan niya diyus da nga agturay idi nga timpu. Ta arig nga kinulap na da tasun madi da makasingen iya wada. Itu ya gapu na nga madi da maawatan ya kinapateg niya Makaparagsac nga Damag maipanggep iya kinadayaw ne̍ Kristu, nga igina ya pakasingnan e̍ Apu Diyus.

2 Kurintu 4:6

E̍ Apu Diyus ya nagkunen itun nga, “Lumtuwad kuma ya wada iya gicbet,” kunen na. Ket igina mettas ya arig nga nangpawada kadiya panpanunut mi, tasun ipasingen mi nge̍ Kristu dakayu. Ket itu ya pakaemmuwan mi iya kinadayaw ne̍ Apu Diyus.

Galasiya 1:16

Ket itun, gapu ta gabay ne̍ Apu Diyus, nipaltiing na met iyaken ya maipanggep iya Anac na. Nipakaemmu na ngarud ya Makaparagsac nga Damag iyaken, tasun ikasabac kuma met pe̍ dakayu nga bekken nga Hudyu. Ket ito nipakaemmu na iyaken nin, madi yac nawe̍ nakiuman maipanggep idi ka orey nagan na nga toley.

E̍pe̍su 4:13

Ket agten iyan kuma ya maariman agingga nga agkaykaysa tidan iya panamati tida se̍ iya pannakaawat tida maipanggep iya Anac ne̍ Apu Diyus. Ta agbalin kuma nad nga naan-anay diya nakem tida maipanggep kadidi, nga agten mettas kuma iya nakem ne̍ Kristu nga awan pagkurangan na.

Pilipus 1:1

Iyaken nga Pablu se̍ e̍ Timutyu nga agsirsirbi e̍ Kristu Je̍sus, ket dakami ya akin-surat idi. Isurat mi yani dakayu iyan Pilipus. Isurat mi ngarud dakayu nga amin nga toley ne̍ Apu Diyus iyan gapu iya pannakaitipun nu e̍ Kristu Je̍sus, agraman dakayu nga agay-aywan iya bungguy, se̍ dakayu nga katulungan niya bungguy.

Pilipus 3:10

Ket ya ipatpateg ku ngarud ita, ket itu ya pannakaem-emmuc e̍ Kristu, se̍ ipatpateg ku pe̍ ya panaglak-am ku iya pannakabalin nga naipasingen ito panagungar na. Ket se̍ ipatpateg ku pe̍ ya panaglak-am ku ka panagrigrigat nga arig mettas kadito panagrigrigat ne̍ Kristu itun, tasun pumarparis sac kuma iginan ito pannakatey na.

Pilipus 3:12

Bekken ku met nga kunen nga nakadateng ngac kun iya pagtungpalan niya namnamaec, se̍ di yac pe̍ kayat nga kagiyen nga nagbalin nac kun nga awan pagkurangan na. Ngem ya kayat ku nga kagiyen, ket wanglec ngarud ya kabaellac, tasun magun-ud ku kuma ya namnamaec. Ta itu met ya tumutup ito panangtagikuwa ne̍ Kristu Je̍sus iyaken.

Pilipus 3:7

Ngem ya orey nagan na nga naalac ku nga nipagarup ku itun nga pakapalinteggac, ket nibilang ku ngasin nga awan mamaay dan, tasun e̍ Kristu kuma ngas ya pagtalkac kun.

2 Timutyu 4:6

Agten iyan ngarud ya ibilin ku ikew, ta iyaken, nadatnganin ya pannakaipanaw ku idi nga lubung, nga arig nga nadatnganin ya uras niya pannakaidatun niya beggic.

He̍briyu 3:14

Ta siguradu nga nagbalin tidan nga kabulun ne̍ Kristu no ituluy tida nga sipupudnu ya sigud nga panagtalec tida igina nga sipapasnec, agingga iya panungpalan.

1 Pe̍dru 2:7

Dikad pe̍ igina, napateg nga tutu win dakayu nga mamati igina. Ngem no diya bekken nga mamati igina, agten met ito naisurat iya Bibliya, nga kunen na, “Iyan mettas nga batu nga nitemsit ngas dito nangpatdec, nagbalin met nga itu ya kangrunaan nga panuli yin,” kunen na.

2 Pe̍dru 1:2

Sapay kuma ta nawadwad ya siaayat nga asi, se̍ talna, nga naipaay dakayu nga tumaud iya pannakaemmu nu e̍ Apu Diyus se̍ e̍ Je̍sus nga Apu tida.

2 Pe̍dru 1:3

Gapu iya nadiyusan nga pannakabalin ne̍ Apu Diyus, ne̍cdan nactidan ka amin nga masapul tida iya panagbiyag tida se̍ iya panangtungpal tida kadiya makaay-ayu igina. Ket nae̍cde̍ yan dactida gapu iya pannakaemmu tida igina, nga igina ya nangpili dactida sigun iya mismu nga kinadayaw se̍ kinalaing na.

2 Pe̍dru 1:8

Ket no uwed dakayu didi nin se̍ pe̍yeng nga itu diya ad-adda nga wangwanglen nun, siguradu nga uwed sirbi se̍ nabaru nga pagbanagan niya pannakaemmu nu iya Apu tida nga Je̍su Kristu.

2 Pe̍dru 3:18

Ngem sapay kuma ta bumilbileg pekkem ya panamati nu iya Apu tida se̍ Mangisalakan dactida nga Je̍su Kristu, gapu iya siaayat nga panangaasi na dakayu, se̍ gapu iya pannakaemmu nu maipanggep igina. Igina kuma ya madaydayaw, orey ita nga timpu, se̍ iya maadpangan pe̍ nga agnanayun!

1 Juan 1:3

Ngarud, nasingen mi se̍ nagicna mi, ket itu win ya ipakaemmu mi dakayun, tasun agpapada tida kuma ka panpanunut nga mibulubulun iya Ama se̍ iya Anac na nga Je̍su Kristu.

1 Juan 2:19

Didi nga kumunkuntra e̍ Kristu, ket bekken tida nga tutu nga kamkameng didi, itu nga simina da dactidan. Ta no tutu da kuma nga kamkameng tida, ituluy da kuma ya pannakitipun da dactida. Ngem simina da mettin, ket itu nga nabatadin nga bekken tida da nga tutu nga kamkameng.

1 Juan 5:20

Ket emmu tida pe̍ nga inumbe̍tin ya Anac ne̍ Apu Diyus, ket ne̍cdan nactida ka pannakaawat tasun maemmuwan tida ya pudnu nga Diyus. Ket naitipun tidan iya pudnu nga Diyus, ta naitipun tida mettin iya Anac na nga Je̍su Kristu. Igina met ya pudnu nga Diyus se̍ paggayatan niya agnanayun nga biyag.