Pilipus 3:5 - Ya Baru nga Tulag

⁵ Ta ito kake̍bit ku, ket kinugit dac pe̍ ito uwed walu nga algew kun, sigun iya Linteg mi nga Hudyu. Ket iIsrae̍l lac met pe̍, nga nagtaud kadito kapututan nito Be̍nhamin. Ket pudnu met nga He̍briyu wac pe̍, ata He̍briyu met dito manakem ku. Ket no maipanggep pe̍ iya kinapasnec ku iya Linteg Hudyu, ket kameng dac met itun diya Parisiyu.

Pilipus 3:5 Iomraidhean Croise

Lukas 1:59

Ket ito walu nga algew win nito ke̍bit, inumbe̍t diyan tasun makibulun da ito pannakakugit nito ebbing, sigun iya ugali da nga Hudyu. Ket gabay da nga panaganan kuma ka Sakaryas, ta itu met ya nagan niya ama na.

Lukas 2:21

Ket kalpasan walu nga algew, ito algew niya panangpakugit da iya ke̍bit sigun iya ugali diya Hudyu, pinanaganan da ka Je̍sus, nga itu yan to nipanagan nito anghe̍l ito sacbay nito pannakainaw na.

Lukas 5:38

Dikad pe̍ no ya banal nga basi, ket ya kabarbaru kuma ngarud nga kadus nga lalat ya pakaipayan na.

Aramid 22:3

“Iyaken, Hudyu wac met nga naiyanac ka Tarsu ka prubinsiya nga Silisiya. Ngem dimackel lac idi mettas nga ili nga He̍rusale̍m. Ket e̍ Mistru Gamalye̍l to mistruc itun. Nisuru nac nga nalaing kadito amin nga bilbilin niya Linteg dito am-ama tida nga Hudyu. Dikad pe̍ napasnekkac pe̍ iya panamatic e̍ Apu Diyus nga agten mettas dakayu nga amin idi ita.

Aramid 23:6

Ket itunin, nalagip ne̍ Pablu win nga makikamkameng dito duduma nga kunse̍hale̍s iya bungguy diya Sadusiyu, se̍ dito duduma, iya bungguy diya Parisiyu. Itu nga ginewweng ne̍ Pablu da, ta nibileg na ya timec na nga kinagi na, “Wawagi, iyaken, Parisiyu wac met pe̍, se̍ Parisiyu met pe̍ dito nagputputut iyaken. Ket emmuc met ya kagura nu iyaken nin, ta namnamaec nga uwed nad panagungar diya natey,” kunen na.

Aramid 6:1

Ket itun, imad-adu ya bilang dito pasurut niya Apu. Ket ya napasamac itun, nagumsi diya Hudyu nga Griye̍gu iya maipanggep kadiya Hudyu nga He̍briyu, gapu ta e̍teng kanu ya mae̍c-e̍cde̍ kadiya balbalu nga Griye̍gu iya pannakaiwaras niya kasapulan da iya inalgew.

Ruma 11:1

Ket kumaan na ngarudin? Binaybay-an aya ne̍ Apu Diyus diya Israe̍lita nga toley na? Bekken met! Ta orey iyaken, Israe̍lita ngac pe̍ nga isa nga kapututan nito Be̍nhamin nga nagtaud ito am-ama tida nga Abraham.

2 Kurintu 11:22

No makunen diyan nga toley nga He̍briyu da, ket He̍briyu wac met pe̍. Ket no makunen da nga Israe̍lita da, ket agten nac met pe̍. Ket no makunen da nga kapututan nito Abraham da, ket agten nac met pe̍.