Pilipus 3:3 - Ya Baru nga Tulag

³ Igida ngarud ya annadan nu, ta ya kinapudnu na, dactida met diya ibilang ne̍ Apu Diyus nga toley na nga arig nga nakugit. Ta dactida diya agdaydayaw e̍ Apu Diyus gapu iya Ispiritu na nga madi masingen. Ket e̍ Kristu Je̍sus met ya pagnamnamaan tida, nga awan lugud pagtalged tida iya mawangel toley.

Pilipus 3:3 Iomraidhean Croise

Ruma 1:9

Malagip nakayu nga pe̍yeng kadiya kararag ku. Tutu met yan, ket mapanecnekkan pe̍ ne̍ Apu Diyus yan, ket igina met ya pagsirsirbiyac iya amin nga nakem ku iya panangipakaemmuc iya Makaparagsac nga Damag maipanggep iya Anac na.

Ruma 15:17

Dikad pe̍ gapu iya pannakaibulun ku e̍ Kristu Je̍sus, uwed mettin maipasindayaw ku maipanggep iya wangel ku para e̍ Apu Diyus.

Ruma 7:6

Ngem ita, naibilang tida nga natey yin, no maipanggep iya turay nito Linteg dactida. Itu nga nawayawayaan tidan, ta awan turay na dactidan to Linteg nga mangtengtengngel dactida itun. Dikad pe̍ ya panagsirbi tida e̍ Apu Diyus itan, bekken nga sigun ito daan nga wagasin maipanggep kadiya naisurat ito Linteg, no di lugud sigun iya kabarbaru nga wagas maipanggep iya Ispiritu ne̍ Apu Diyus.

Ruma 8:15

Ta ito naipaayan kayu iya Ispiritu ne̍ Apu Diyus, bekken nakayu nga pinagbalin nga tagabu manin. Ansing met ya pagbanagan nu no agten iyan. Ngem ito naipaayan kayu iya Ispiritu ne̍ Apu Diyus, pinagbalin nakayu lugud nga anac ne̍ Apu Diyusin. Itu nga makaawag tida e̍ Apu Diyus nga makunen tida nga, “Ama! Amac!”

Ruma 8:39

Ket orey nagan na nga uwed iya ngatu winno iya segged, winno orey nagan na pekkem nga naparsuwa, ket awan pulus kadidi ya makaisina dactida iya ayat ne̍ Apu Diyus nga nipaay na dactida gapu e̍ Kristu Je̍sus nga Apu tida.

Ruma 9:6

Ngem madic met kayat nga kagiyen nga nale̍panan ne̍ Apu Diyus to kagi na kadiya am-ama tida. Ta ya kinapudnu na, bekken nga amin diya kapututan nito ama tida nga Israe̍l ya ibilang ne̍ Apu Diyus nga tutu nga Israe̍lita nga toley na.

2 Kurintu 11:18

Ngem ibagac met latta, ata diya kaaduwan nga toley, nairuwam da iya panangipaspasindayaw kadiya mawangel da idi nga lubung.

Galasiya 5:25

Ket gapu ta ya Ispiritu ne̍ Apu Diyus ya pagtaudan niya biyag tida nga agnanayun, masapul tida ngarud met pe̍ nga paiturayan igina iya panagbiyag tidan.

Galasiya 6:16

Ket amin nga sumurut idi nga nibagbagac, uwed kuma igida ya talna se̍ asi nga ipaay ne̍ Apu Diyus kadiya ibilang na nga pudnu nga Israe̍lita nga toley na.

E̍pe̍su 6:18

Usaren nu ngarud amin didi nga alikamen nu, ket sikakararag kayu nga pe̍yeng. Paiturayan kayu iya Ispiritu Santu kadiya amin nga ikararag winno adngen nu e̍ Apu Diyus. Ket tasun agten iyan nga tutu, naridam kayu kuma nga sipapasnec nga pe̍yeng iya panangibabaet nu kadiya karkararag nu para kadiya amin nga toley ne̍ Apu Diyus.

Pilipus 1:1

Iyaken nga Pablu se̍ e̍ Timutyu nga agsirsirbi e̍ Kristu Je̍sus, ket dakami ya akin-surat idi. Isurat mi yani dakayu iyan Pilipus. Isurat mi ngarud dakayu nga amin nga toley ne̍ Apu Diyus iyan gapu iya pannakaitipun nu e̍ Kristu Je̍sus, agraman dakayu nga agay-aywan iya bungguy, se̍ dakayu nga katulungan niya bungguy.

Pilipus 3:12

Bekken ku met nga kunen nga nakadateng ngac kun iya pagtungpalan niya namnamaec, se̍ di yac pe̍ kayat nga kagiyen nga nagbalin nac kun nga awan pagkurangan na. Ngem ya kayat ku nga kagiyen, ket wanglec ngarud ya kabaellac, tasun magun-ud ku kuma ya namnamaec. Ta itu met ya tumutup ito panangtagikuwa ne̍ Kristu Je̍sus iyaken.

Pilipus 3:14

Ket arig gac nga makilumba nga agtarus nga managtag iya pagtungpalan na. Ta namnamaec ya nailangitan nga gun-guna nga iyawis ne̍ Apu Diyus dactida, gapu iya pannakaitipun tida e̍ Kristu Je̍sus.

Kulusas 2:11

Ket gapu mettas iya pannakaitipun nu e̍ Kristu win, nagbalin kayu met nga arig nga pudnu nga nakugit nga Hudyu win. Ta orey bekken kayu nga Hudyu, uwed met arig nga pannakakugit nun. Ket bekken nga inariman niya toley yani, ta itu ya pannakaipac diya tarigagay niya sibabasul nga kinatoley nu. Ta gapu iya pannakaitipun nu e̍ Kristu win, madi kayu nga paiturayanin iya panpanunut nga tumaud ngas iya kinatoley nun.

Hudas 1:20

Ngem dakayu nga patpatgec, pabilgen nu kuma ya panpanunut nu gapu iya nadiyusan mettas nga pammati nu, se̍ paiturayan kayu kuma iya Ispiritu Santu iya panagkararag nu.