Pilipus 3:18 - Ya Baru nga Tulag

¹⁸ Ta adu met diya duduma nga bekken nga agten iyan ya ugali da, nga itu pe̍ to pe̍yeng nga nibagbagac dakayu itun. Ket ita, aglanab mettin diya luluwac, ta ipalagip ku manin dakayu nga adu nga tutu diya mangtungtungpal ngas iya ugali mettas dito gumurgura iya kaipapennan niya nipapatey ne̍ Kristu ito krus.

Pilipus 3:18 Iomraidhean Croise

Lukas 19:41

Ket ito umad-adenni nge̍ Je̍sus ka He̍rusale̍min, nasingen nan ya siyudad, ket binritan na met,

Aramid 20:19

Ta ya tarigagay niya Apu ngas to tinungtungpal ku. Nagpakumbaba ngac pe̍, ket adu ya luluwac se̍ rigrigat ku gapu kadito sicsikap diya Hudyu iyaken.

Ruma 9:2

Ket ya gabay ku nga ibaga, agten idi: Napalaus ya ladingit kun gapu kadiya kailiyac, se̍ madi maipac ya sakit niya ricnac gapu igida.

1 Kurintu 1:18

Ket bekken nga agpapada ya pannakaawat diya toltoley iya panursuru maipanggep ito inariman ne̍ Je̍su Kristu ito krus. Ta diya toley nga agbanag ngas nga maukum, ibilang da nga awan kaipapennan na. Ngem no dactida nga maisalakan nga toley, pakaemmuwan tida ya kaipapennan na iya pannakabalin ne̍ Apu Diyus.

1 Kurintu 6:9

Arig nga madi nu pekkem patiyen nga diya bekken nga nalinteg, madi da met makipagtawid iya panangiraman ne̍ Apu Diyus igida kadiya iturayan na. Masapul nga madi kayu ngarud maallilaw maipanggep idi. Ta ya kinapudnu na, diya toley nga makikamalala, se̍ diya agtungpal kadiya didiyusen, se̍ diya makitipun ka bekken da nga asawa, se̍ diya agtungpal kadiya ricricna niya kinalalaki winno kinababey da, agten pe̍ kadiya bacyen,

2 Kurintu 11:13

Maipac kuma ngarud ya gundaway diya agten iyan nga toley, ta busid da met nga apustule̍s. Ket mangal-allilaw da ngas maipanggep iya kinaapustul da, ta sisisikap da nga agkunen nga apustule̍s da kanu ne̍ Kristu.

2 Kurintu 11:29

Ta no uwed kadiya mamati ya isa nga toley nga nakapsut ya panamati na, madanagan nac pe̍ iya panagkapsut na. Ket no uwed igida ya nasulisug nga nakabasul, lumdaang ngac pe̍.

2 Kurintu 2:4

Ket ito panagsurat ku dakayu itun, napalaus ya pannakariribuc se̍ leddaang ku gapu dakayu. Nakaluwa ngac met pe̍ itun nga panagsurat ku dakayu. Ket ya nisurat ku nga iyan, bekken ku nga nisurat tasun paldaangen nakayu, no di lugud gabay ku nga maemmuwan nu kuma ya napalaus nga panagayat ku dakayu.

Galasiya 1:7

Ngem yan nga tungtungpalen nu, bekken met nga tutu nga Makaparagsac nga Damag. Kinapudnu na, uwed da met toley nga mangriribuc dakayun, ta gabay da nga pasabaliyen nin ya pudnu nga Makaparagsac nga Damag maipanggep e̍ Kristu.

Galasiya 2:14

Ngem ito nadlaw ku nga bekken nga kustu ya winangwangel da, gapu ta bekken nga maitutup iya banag niya panursuru maipanggep iya Makaparagsac nga Damag, nilbec ku ngarud nge̍ Pe̍dru iya imatang da mettas nga amin. Kinunec ngarud igina, “Isa ka nga Hudyu, ngem itun, tinultulad mu met diya ug-ugali diya bekken nga Hudyu, nga madi ka tinungpal diya ug-ugali diya Hudyu. Ape̍ ipapilit mu ita kadiya bekken nga Hudyu ya panangtungpal kadiya ug-ugali Hudyu?” kunec.

Galasiya 2:21

Ket no agten iyan ya panpanunut ku, madic ngarud iwacsi ya siaayat nga asi ne̍ Apu Diyus. Madic ngarud iwacsi, ta no mapalinteg kuma ya toley iya imatang ne̍ Apu Diyus gapu iya panangtungpal na iya Linteg ne̍ Muyse̍s, awan ngarud sirsirbi nito pannakatey ne̍ Kristu win.

Galasiya 5:21

Tumaud das pe̍ iya kinatoley diya panagapal, panage̍ng-e̍nglew, panaglucluku, se̍ diya duduma pe̍ nga agten kadidi nin. Ket baliwac ngarudin to pamagbagac dakayu itun, nga diya toley nga agten kadiyan ya wangwanglen da, madi da ngarud makipagtawid iya panangiraman ne̍ Apu Diyus kadiya iturayan na.

Galasiya 6:12

Dito mayat nga mangipapilit dakayu iya ugali Hudyu nga agpakugit, igida met diya mangipasindayaw kadiya wangwangel nga masingen niya toley. Ket agten iyan ya ipapilit da dakayu, tasun maliclikan da ngas ya pannakairurumen maigapu iya panamati e̍ Kristu nga natey ito krus.

Galasiya 6:14

Ngem no iyaken, pulus met nga madic agpasindayaw kadiya wangwanglen toley. Ta no iyaken, itun nas pannakatey niya Apu tida nga Je̍su Kristu ito krus na ya ipatpateg kun. Ta gapu iya pannakairaman ku ito pannakailansa na ito krus, arig nga nailansa pe̍ nga napirdi yin ito krus na ya pannakaawis ku kadiya wangwangel nga masingen toley. Se̍ arig met nga nisangailansa ngac pe̍ ito krus na, ta naipac iyaken nin to panangipateg ku kadiyan.

E̍pe̍su 4:17

Ket itan, uwed ibilin ku dakayu gapu iya turay ku nga ne̍cde̍ niya Apu iyaken: Madi kayu kuma ngarud nga ituluy ya panagbiyag nu sigun iya gangey diya bekken nga Hudyu, nga itu diya agtungtungpal ngas kadiya uwed iya panpanunut da nga awan sirsirbi na.

Pilipus 1:4

Ket siaanggem mac pe̍ nga pe̍yeng kadiya amin nga panangikarkararag ku para dakayu nga amin.

1 Te̍salunika 4:6

Ta awan dakayu kuma ngarud ya mangliput winno manggundaway iya kabsat na ka pammati. Nipakaemmu mi nga nalaing dakayu itun, nga e̍ Apu Diyus, arimanen na ngarud ya kustu nga pakadusaan diya agariman kadiya agten iyan nga kinadake̍c.

2 Te̍salunika 3:11

Ipalagip mi ngarud yani dakayu, ata nadamag mi met nga uwed kanu duduma dakayu nga nasadut. Awan kanu sabali nga wangwanglen da no di ngas makibibiyang iya biyang diya duduma nga toley.

2 Pe̍dru 2:10

Ket nangnangruna ngarud nga madusa diya toley nga mangtungtungpal kadiya dake̍c nga tarigagay niya kinatoley da nga mangaw-awis igida. Ket itu pe̍ diya toley nga madi mangikaskasu iya kinaturay ne̍ Apu Diyus. Ket dito mangisursuru ka busid, natured se̍ natangsit pe̍, nga madi da met mansing nga agkagi ka dake̍c maipanggep kadiya nailangitan.

Hudas 1:13

Ket nalaka nga malasin ya kinadake̍c niya ugali da, ta nakal-alyew diya wanglen da. Itu met ya arig nga nalaka nga pakasingnan ka rokac nga tumaud ka dackel nga palung iya baybay. Ket maiyarig da met pe̍ ka bituwen nga or-orey ya pananalan na. Ngarud, naisagana ngin para kaditun nga toley ya pakadusaan da, nga itu ya agnanayun nga gicbet ito nauneg nga lugar.