Biblia Todo Logo
Bìoball air-loidhne

- Sanasan -




Pilipus 3:14 - Ya Baru nga Tulag

14 Ket arig gac nga makilumba nga agtarus nga managtag iya pagtungpalan na. Ta namnamaec ya nailangitan nga gun-guna nga iyawis ne̍ Apu Diyus dactida, gapu iya pannakaitipun tida e̍ Kristu Je̍sus.

Faic an caibideil Dèan lethbhreac




Pilipus 3:14
20 Iomraidhean Croise  

“Ya naisurat iya Bibliya, nga Linteg nito Muyse̍s se̍ diya kagkagi dito mammadtu itun, ket agpaay agingga ngas ito timpu nito Juan nga Mammautisar. Ngem manipud iyan nga timpu, ya Makaparagsac nga Damag maipanggep iya panangituray ne̍ Apu Diyus ya maikaskasaba ngin. Ket makisinsinne̍let ngarudin diya toltoley tasun mairaman da kuma iya panangituray ne̍ Apu Diyus.


Ta pulus nga madi met babawiyen ne̍ Apu Diyus ya arimanen na nga panangaasi na winno panangpili na.


Kaspagarigan no diya makilumba ka tagtag, ket orey adu diya makilumba, is-isa ngas met ya mangabac, ket itu ya pakae̍cde̍yan niya gun-guna. Ket agten kuma pe̍ iyan ya kinapasnec nu, tasun magun-ud nu nad pe̍ ya pannakagun-guna nu.


Ta amin didi nga pakaparparigatan mi, bekken da nga nadagsen winno agnanayun. Ket itured mi ngasin, gapu iya panagnamnama mi iya kinadayaw nga mae̍cde̍ nad dakami gapu iya panangitured mi kadidi nga pakaparparigatan mi ita. Ket iyan nga kinadayaw, madi ngarud agpatingga se̍ awan kapada na.


Igida ngarud ya annadan nu, ta ya kinapudnu na, dactida met diya ibilang ne̍ Apu Diyus nga toley na nga arig nga nakugit. Ta dactida diya agdaydayaw e̍ Apu Diyus gapu iya Ispiritu na nga madi masingen. Ket e̍ Kristu Je̍sus met ya pagnamnamaan tida, nga awan lugud pagtalged tida iya mawangel toley.


Itu nga madi kayu lugud paiturayan kadiya mangallilaw dakayu, orey nagan na nga toley nga mangipapilit kuma dakayu iya ugali da. Ipapilit da ya ugali da nga mangiparit iya beggi kadiya kalinteggan toley. Se̍ ipapilit pe̍ diya agten iyan nga toley ya ugali da nga agdaydayaw kadiya anghe̍le̍s. Ta diya mangisursuru iya agten kadiyan, mayat da nga mangipaspasindayaw kadiya ipakaemmu kanu diya nailangitan igida. Ngem awan met banag nga tutu niya panangipaspasindayaw da, ta timaud das met kadiya nailubungan nga panpanunut da.


Ta binagbagbagaan dakayu, pinabpabileg dakayu, se̍ liniwliwa dakayu nga tunggal isa. Agten iyan ngarud ya winangwangel mi, tasun agbiyag kayu kuma nga pe̍yeng nga makaay-ayu e̍ Apu Diyus nga nangpili dakayu nga mairaman iya pangiturayan na se̍ pakadayawan na.


Igina met ya nangisalakan dactida, se̍ igina pe̍ ya nangpili dactida nga agbalin nga toley na. Bekken nga gapu iya nawangel tida diyan, no di lugud gapu iya kabucbukudan na nga panggep se̍ siaayat nga asi. Ket nipaay na yani nga siaayat nga asi na dactida itun pekkem, gapu mettas e̍ Kristu Je̍sus, orey ito madi pekkem naparsuwa ya lubung.


Itu nga dakayu nga kakabsat nga pinili ne̍ Apu Diyus nga toley na se̍ kabulun mi nga maipaayan ka nailangitan nga saad, ut-utuben nu kuma ya maipanggep e̍ Je̍sus. Ta igina met ya nibon ne̍ Apu Diyus nga arig nga apustul, se̍ igina pe̍ ya tutu nga Kangatuwan nga Agsirsirbi nga mangibegbeggi iya pammati tida.


Dikad pe̍ isardeng tida kuma lugudin ya panangdagdagollit tida kadito nona nga naadal tida nga panursuru win maipanggep e̍ Kristu. Ituluy tida kuma ngarud ya panagadal ka pangpabaked iya panamati tida, nga tarigagayan tidan ya panamati nga nabaked nga awan pagkurangan na. Itu nga awan sirbi na dactidan no pasoliyan tida manin nga adalen dito nona nga panursuru maipanggep iya panagbabawi tida kadito tungtungpalen nga awan mamaay da, se̍ maipanggep no kumaan kuma niya panamati tida e̍ Apu Diyus.


Itu nga pabilgen nu ngarud ya panpanunut nu, se̍ tanangen nu met pe̍ ya panagpanpanunut nu. Ket isnup nu kuma ngas ya panangnamnama nu iya siaayat nga pakaasiyan nu nad no madatngan ya panagparang ne̍ Je̍su Kristu.


Ket e̍ Apu Diyus mettas nga pagtaudan niya amin nga siaayat nga asi, se̍ ya nangpili dakayu nga mairaman iya agnanayun nga pannakaidayaw na gapu e̍ Kristu. Ket igina mettas ya mangan-anay nad dakayu, no malpas yan nga e̍teng nga panagrigat nu. Ket patalgedden nakayu se̍ pabilgen nakayu nad pe̍.


Gapu iya nadiyusan nga pannakabalin ne̍ Apu Diyus, ne̍cdan nactidan ka amin nga masapul tida iya panagbiyag tida se̍ iya panangtungpal tida kadiya makaay-ayu igina. Ket nae̍cde̍ yan dactida gapu iya pannakaemmu tida igina, nga igina ya nangpili dactida sigun iya mismu nga kinadayaw se̍ kinalaing na.


“Ket diya maibilang nga mangabac, e̍cdac da nad ka kalinteggan da nga makipagtugew iyaken iya trunuc, nga pagturayac. Ta iyaken pe̍ ya nangabac itun, ket ita, uwed dac kun nga makipagtugew nga makipagturay iya Amac iya trunu na.


Lean sinn:

Sanasan


Sanasan