Pilipus 3:13 - Ya Baru nga Tulag

¹³ Ket kakabsat, no iyaken, madic ngarud nga kunen nga nagun-ud kun ya amin niya namnamaec maipanggep e̍ Kristu Je̍sus. Ngem ya wangwanglec itan, isnup ku diya di pekkem natungpal, nga bekken nga dito nalpasin ya laglagipec kun.

Pilipus 3:13 Iomraidhean Croise

Lukas 10:42

Ngem bekken met nga adu diya masapul mu nga biyangan, no di yas is-isa. E̍ Marya, pinili na mettin ya mayat, ket pulus nga madi maipac igina yan,” kunen na.

Lukas 9:62

Ngem kinunen ne̍ Je̍sus igina, “Ya maiyarig iya agaradu nga law-ing nga law-ing iya likud na, bekken met nga maikari iya panangituray ne̍ Apu Diyus igina,” kunen na.

2 Kurintu 5:16

Dikad pe̍ manipud ita, madi kami ibilang nga ya kasasaad niya kinatoley niya orey nagan na nga toley ya napateg gin. Ket orey no ya kinatoley ne̍ Kristu ya nibilang mi nga napateg itun, sabali yin ya panpanunut mi maipanggep iginan.

Pilipus 2:12

Dikad pe̍ idi ya ibagac dakayu nga patpatgec: Ket itun, gangey nu ya pe̍yeng dac nga ipangpangag. Ket gabay ku no bekken kuma ngas nga iya kauwed ku ya agten iyan, no di lugud ad-adda kuma ya panangipangag nu iyaken ita nga kinaawan ku. Itu nga dakayu kuma mettasin ya makaemmu nga sidadayaw se̍ siaannad iya panangannung nu iya banag niya pannakaisalakan nu.

Pilipus 3:12

Bekken ku met nga kunen nga nakadateng ngac kun iya pagtungpalan niya namnamaec, se̍ di yac pe̍ kayat nga kagiyen nga nagbalin nac kun nga awan pagkurangan na. Ngem ya kayat ku nga kagiyen, ket wanglec ngarud ya kabaellac, tasun magun-ud ku kuma ya namnamaec. Ta itu met ya tumutup ito panangtagikuwa ne̍ Kristu Je̍sus iyaken.

Pilipus 3:8

Ngarud ita, ibilang ku nga awan sirsirbi yin niya orey nagan na, ta napatpateg met ya pannakaem-emmuc e̍ Kristu Je̍sus nga Apuc kun ngem iya orey nagan na. Ket gapu idi nga pannakaemmuc igina, naipac iyaken nin amin dito pagtalged ku itun. Ket ibilang ku da ngasin nga arig nga basura, tasun maalac ku ya gun-gunac nga pannakibulun ku e̍ Kristu.

He̍briyu 6:1

Dikad pe̍ isardeng tida kuma lugudin ya panangdagdagollit tida kadito nona nga naadal tida nga panursuru win maipanggep e̍ Kristu. Ituluy tida kuma ngarud ya panagadal ka pangpabaked iya panamati tida, nga tarigagayan tidan ya panamati nga nabaked nga awan pagkurangan na. Itu nga awan sirbi na dactidan no pasoliyan tida manin nga adalen dito nona nga panursuru maipanggep iya panagbabawi tida kadito tungtungpalen nga awan mamaay da, se̍ maipanggep no kumaan kuma niya panamati tida e̍ Apu Diyus.

2 Pe̍dru 3:8

Ket dakayu nga patpatgec, madi kayu kuma le̍ple̍panan yani: No iya panpanunut ne̍ Apu Diyus, agpada met ya kabayag niya isa nga algew se̍ iya isa nga ribu nga dagun. Ta no igina, ibilang na ngas nga agpadpada ya isa nga ribu nga dagun se̍ ya isa nga algew.