Pilipus 2:9 - Ya Baru nga Tulag

⁹ Itu nga pinagbalin ne̍ Apu Diyus nga kangatuwan ya dayaw na. Ket pinagbalin pe̍ ne̍ Apu Diyus nga katurayan ya turay niya nagan na,

Pilipus 2:9 Iomraidhean Croise

Matyu 11:27

Ket kinunen manin ne̍ Je̍sus, “Nitalec niya Amac iyaken diya amin. Ket awan met makaem-emmu iya Anac, no di ngas ya Ama. Se̍ awan met makaem-emmu iya Ama, no di ngas ya Anac se̍ diya gabay ngas niya Anac nga pangipakaemmuwan igina.

Matyu 28:18

Ket e̍ Je̍sus, imadenni igidan, ket kinunen na igida, “Naitalec iyaken amin nga turay nga uwed ka langit se̍ iya lubung ngi.

Lukas 10:22

Ket kinunen manin ne̍ Je̍sus, “Nitalec niya Amac iyaken diya amin. Ket awan met makaem-emmu iya Anac, no di ngas ya Ama. Se̍ awan met makaem-emmu iya Ama, no di ngas ya Anac, se̍ diya gabay ngas niya Anac nga pangipakaemmuwan igina,” kunen na.

Juan 13:3

Ngem e̍ Je̍sus, emmu na nga uwed igina mettas ya kadackellan nga pannakabalin nga nipaay niya Ama igina. Ket emmu na pe̍ nga e̍ Apu Diyus ya naggayatan se̍ ya kapennan na.

Juan 17:11

Ket ita, madic agedyan idi nga lubungin, ta sumoli yac ikew win. Ngem igida, mabati da pekkem iya lubung ngi. Ama nga Nailangitan, aywanam da kay gapu iya pannakabalin niya turay mu, nga itu mettas ya turay nga nitalec mu pe̍ iyaken. Aywanam da kuma ngarud, tasun agkaykaysa da kuma pe̍ nga agten iya panagkaykaysa ta.

Juan 17:12

Bayat niya kauwed ku igida, iyaken ya nangaywan igida gapu iya turay mu nga nitalec mu iyaken. Ngarud, nislaanac da, ket awan igida ya napukaw ku, malacsid to isa, nga igina ya agpaay ka pannakapukaw, ta itu ya pakatungpalan nito naisurat iya Bibliya itun pekkem.

Juan 17:5

Dikad pe̍ ita, Ama, ipadayaw nac iya imatang mu, ka dayaw nga agten mettas ito sigud nga kinadayaw ku ito uwed dac iya edyan mu ito sacbay nga naparsuwa yani nga lubung.

Aramid 5:31

Se̍ nipangatu pe̍ ne̍ Apu Diyus iya kadayawan nga saad. Ket iya agten iyan, uwed din nge̍ Je̍sus iya madiwanan na nga mangituray se̍ mangisalakan ka toley. Agten iyan ngarud ya winangel ne̍ Apu Diyus, tasun uwed dactida nga Israe̍lita ya gundaway nga agbabawi se̍ tasun uwed pakapakawanan tida pe̍.

E̍pe̍su 1:10

Ta ya panggep ne̍ Apu Diyus nga tungpalen na nad no madatngan ya kustu nga timpu, itu ya panangipasakup na kadiya amin nga parsuwa iya panangipangulu ne̍ Kristu, orey diya uwed ka langit se̍ diya uwed idi nga lubung.

Kulusas 1:18

Ket igina met ya arig nga ulu niya beggi, nga kayat na nga kagiyen, igina ya pangulu niya bungguy mamati. Igina met pe̍ ya pagtaudan niya amin, se̍ igina ya katurayan se̍ kaonaan nga napagungar kadiya natnatey. Agten iyan ngarud tasun igina kuma ya kangrunaan ka amin.

2 Te̍salunika 1:12

Ket agten iyan kuma ngarud, tasun maidaydayaw ya Apu tida nga Je̍sus gapu dakayu. Ket maidaydayaw kayu pe̍, ta itu ya pagbanagan niya siaayat nga asi niya Diyus tida se̍ e̍ Apu Je̍su Kristu dactidan.

He̍briyu 1:4

Ket iya agten iyan, namaymayat nga amang ya saad niya Anac ne̍ Apu Diyus ngem iya saad diya anghe̍le̍s. Agten met pe̍ ya kinaturay na, ta nangatngatu met ya kinaturay na nga tinawid na e̍ Apu Diyus ngem iya kinaturay diya anghe̍le̍s.

He̍briyu 1:9

Ya kinalinteg ya ipateg mu. Ket ya kinadake̍c, guraem. Itu nga iyaken nga Diyus mu, pinili naka nga mae̍cdan iya makaparagsac nga kinadayaw nga nangatngatu ngem iya nae̍cde̍ kadiya kabulun mu.”

He̍briyu 12:2

Ket e̍ Je̍sus kuma ngas ya namnamaen tida, nga arig nga igina ya sisingen tida. Ta igina met ya nangariman iya pangnamnamaan niya panamati tida, se̍ igina met pe̍ ya mangtungpal. Ket e̍ Je̍sus, niturtured na met nga siaanus to pannakatey na ito krus, nga madi na linaglagip to nakaiyal-alyewwan na. Ta laglagipen na nga gennung ya pakaanggemman na nga naikari igina. Ket ita, uwed met nga tutu win nga agtugtugew iya kadayawan nga edyan, nga itu ya madiwanan niya trunu nga pagtugawan ne̍ Apu Diyus.

He̍briyu 2:9

Ngem emmu tida nga e̍ Je̍sus, nagbalin ngarud itun nga nanumnumu ngem kadiya anghe̍le̍s, ngem madi nagbayag yan nga timpu. Ket gapu iya siaayat nga asi ne̍ Apu Diyus dactida, nalak-aman ne̍ Je̍sus ya pannakatey nga maipaay iya tunggal isa nga toley. Ket ya emmu tida ngarud itan, ket arig nga nabalangatan met nge̍ Je̍sus nga sibaballaigi yin. Ta napadayawan nga tutu win nga nae̍cdan ka maraem nga saad nan, gapu ito linak-am na nga pannakatey.

1 Pe̍dru 3:22

Ket e̍ Je̍su Kristu, nawe̍ ka langitin, nga uwed itan iya kadayawan nga edyan, nga itu ya madiwanan ne̍ Apu Diyus. Ket naipaituray iginan diya anghe̍le̍s se̍ diya amin nga duduma nga nailangitan nga uwed turay winno pannakabalin da.

2 Pe̍dru 1:17

Ta uwed kami met ito panangipakaemmu ne̍ Apu Diyus nga Ama ito panange̍cde̍ na igina ka dayaw se̍ dayag na. Nae̍cdan ngarud itun, ito nagicna mi to timec mettas ne̍ Apu Diyus nga Katurayan nga Nadayag, nga kinunen na igina, “Itu yani ya Anac ku nga dungdungnguwec. Igina ya pakaay-ayuwac,” kunen na.

3 Juan 1:7

Tulungam da kuma ngarud, ta nigagara didi ya mangipakaemmu maipanggep iya kinaturay ne̍ Je̍sus, nga awan met pe̍ naawat da nga tulung nga gayat kadiya bekken nga mamati.

Paltiing 1:5

se̍ gayat pe̍ e̍ Je̍su Kristu. E̍ Je̍su Kristu ya mapagtalkan nga mangipakaemmu iya pudnu, se̍ igina met ya kaonaan nga Anac nga napagungar nga katurayan, se̍ igina met pe̍ ya agiturayin kadiya ar-ari iya lubung ngi. Daydayawen tida kuma ngarud nge̍ Je̍su Kristu win, ta igina met ya mangay-ayat dactida, se̍ ya nangwayawaya dactida iya pannakabalin diya basbasul tida, gapu iya pannakaidaga niya beggi na mettas.

Paltiing 11:15

Ket itun, pinauni nito maikapitu nga anghe̍l to tangguyub nan. Ket enna langit, uwed met nagicna ngin nga nabileg nga timtimec, nga kinunen da, “Ya lubung nga isa nga pagturayan, ket naitipun mettin iya pagturayan niya Apu tida, nga itu pe̍ ya pagturayan niya Kristu nga nibon na. Ket iya agten iyan, ya Apu tida met ya agturayin ka agnanayun nga awan patingga na!” kunen da.

Paltiing 19:16

Ket ito ke̍bal na se̍ iya ugpu na, uwed naisurat nga nagan nga agten idi: “Ari diya amin nga ar-ari se̍ Apu diya amin nga ap-apu.”

Paltiing 3:21

“Ket diya maibilang nga mangabac, e̍cdac da nad ka kalinteggan da nga makipagtugew iyaken iya trunuc, nga pagturayac. Ta iyaken pe̍ ya nangabac itun, ket ita, uwed dac kun nga makipagtugew nga makipagturay iya Amac iya trunu na.

Paltiing 5:12

Ket nagkagkagi da ka nabileg nga kinunen da, “Ya Urbun Karne̍ru nga napatey itun, igina met ya maikari nga pagipaayan ka amin nga turay, kinabacnang, sirib, pannakabalin, dayaw, kinaari, se̍ pateg!” kunen da.