Pilipus 2:7 - Ya Baru nga Tulag

⁷ no di na lugud nipalikud diya kalinteggan na, tasun nagpaitoley, ket nagbalin nas nga arig nga tagabu.

Pilipus 2:7 Iomraidhean Croise

Matyu 12:18

“Igina yani ya eb-ebbonec, nga pinilic. Igina ya patpatgec nga pakaay-ayuwac. Ibon ku nad ya Ispirituc nga mangbulun igina, ket ipakaemmu na kadiya bekken nga Hudyu ya nalinteg nga panagkeddeng ku.

Matyu 20:28

Ta agten met iyan ya Anac nga Naipatoley. Madi inumbe̍t tasun pasirbiyan kuma kadiya duduma, no di lugud tasun agsirbi, se̍ tasun ipaay na ya biyag na nga pangsubbut kadiya adu nga toltoley,” kunen na.

Markus 9:12

Ket kinunen ne̍ Je̍sus igida, “Tutu met nga umbe̍t nga mon-ona nge̍ E̍lyas, tasun pasoliyen na diya amin nga banbanag kadito sigud nga urnus da. Ngem orey agten iyan, naisurat met iya Bibliya nga ya Anac nga Naipatoley, aglak-am ka adu nga rigat, se̍ mauyaw pe̍.

Lukas 22:27

Ket sigun iya kunen diya toley, nagan na kanu ya maibilang nga nangatngatu: Ya sumangu nga maidasaran, winno ya agidasar nga agsirsirbi? Di ngarud ya sumangu nga maidasaran ya maibilang nga nangatngatu? Ket tutu met! Ngem no iyaken nga gennung, uwed dac met dakayu nga arig nga agsirsirbi dakayu,” kunen na.

Juan 1:14

Ngarud, to maawagan ka Kagi, ket nagbalin nga toley itun, ket nakipagedyan dactida idi nga lubung. Ket dakami, nasingen mi ya kinadayaw na nga tumaud e̍ Apu Diyus nga Ama na. Igina ngarud ya nadayaw nga kackaisu nga Anac ne̍ Apu Diyus, ket yan nas siaayat nga asi, se̍ kinapudnu ya uwed igina.

Ruma 1:3

Ket ya Makaparagsac nga Damag, itu ya damag maipanggep iya Anac ne̍ Apu Diyus. No maipanggep iya kinatoley na, ket isa met nga kapututan nito Ari Dabid.

Ruma 15:3

Ta malagip tida kuma nge̍ Kristu. Bekken met nga ya beggi na ngas to linaglagip na, no di lugud agten pe̍ iya naisurat iya Bibliya itun pekkem nga kinunen na e̍ Apu Diyus nga, “Iyaken nin ya uy-uyawen dito manguy-uyaw ikew,” kunen na.

Ruma 15:8

Ket ipalagip ku dakayu to numbe̍tan ne̍ Kristu itun: Inumbe̍t nga nagbalin nga agsirsirbi kadiya Hudyu, tasun ipasingen na nga mapagtalkan nge̍ Apu Diyus nga mangtungpal kadito karkari na kadito am-ama da.

Ruma 8:3

Winayawayaan nactida ngarud, ta no ya Linteg, madi na met kabaellan nga abaken ya pannakabalin niya basul, gapu ta kurang ya kabaellan diya toley nga mangtungpal. Itu nga e̍ Apu Diyus met ya nangabac kin iya pannakabalin niya basul. Inabac na ngarud ito nibon na ya Anac na nga nagpaitoley, tasun uwed beggi na nga kalanglanga niya managbasul nga beggi tida, se̍ tasun agpaay maigapu ka basul. Ket iya agten iyan, inabac ne̍ Apu Diyusin ya pannakabalin niya basul, gapu iya beggi niya Anac na.

2 Kurintu 13:4

Ta orey naipasingen nga tutu ya kinakapsut niya kinatoley ne̍ Kristu ito nailansa nga napatey ito krus, ket ita, sibibiyag met manin. Itu ya pakasingnan iya pannakabalin ne̍ Apu Diyus igina. Ket no dakami, uwed pe̍ dakami ya agten mettas nga kinakapsut nga uwed e̍ Kristu itun, gapu iya pannakaitipun mi igina. Ngem no maipanggep iya panagsirbi mi nad dakayu, naturay kami met pe̍. Ta gapu iya pannakairaman mi iya nakabiyagan ne̍ Kristu gapu iya pannakabalin ne̍ Apu Diyus, situturay kami nad met no umbe̍t kami iyan.

2 Kurintu 8:9

Ket malagip nu pe̍ no kumaan to siaayat nga panangaasi niya Apu tida nga Je̍su Kristu. Ta orey sigud nga nabacnang itun enna langit, nagbalin nga napanglaw tasun agpaay kuma dakayu. Ket iya agten iyan, gapu ito kasasaad na nga napanglaw, dakayu met ya nagbalin nga arig nga nabacnangin maigapu e̍ Apu Diyus.

Galasiya 4:4

Ngem ito nadatngan ya kustu nga timpu win, nibon ne̍ Apu Diyus ya Anac na idi nga lubung. Nibon na nga paiyanac iya isa nga babey. Ket nasakupan met pe̍ itun niya turay niya Linteg diya Hudyu,

Pilipus 2:6

Ta orey uwed igina ya kinaDiyus, madi na latta nipangpangruna nga siaagum ya pannakipada na e̍ Apu Diyus,

He̍briyu 12:2

Ket e̍ Je̍sus kuma ngas ya namnamaen tida, nga arig nga igina ya sisingen tida. Ta igina met ya nangariman iya pangnamnamaan niya panamati tida, se̍ igina met pe̍ ya mangtungpal. Ket e̍ Je̍sus, niturtured na met nga siaanus to pannakatey na ito krus, nga madi na linaglagip to nakaiyal-alyewwan na. Ta laglagipen na nga gennung ya pakaanggemman na nga naikari igina. Ket ita, uwed met nga tutu win nga agtugtugew iya kadayawan nga edyan, nga itu ya madiwanan niya trunu nga pagtugawan ne̍ Apu Diyus.

He̍briyu 13:3

Ket no diya pada nu nga mamati nga uwed iya pagbaludan, laglagipen nu da kuma nga makipagricna kayu igida, nga arig nga nisangaibalud kayu pe̍ igida. Se̍ diya agsagsagaba ka orey nagan na, laglagipen nu da kuma pe̍, nga arig nga makipagrigat kayu met pe̍ igida.

He̍briyu 4:15

Ket idi nga Kangatuwan nga Agsirsirbi nga mangibegbeggi dactida e̍ Apu Diyus, bekken met nga isa nga madi makaisakit iya kinakapsut tida. Maisakit nactida ngarud, ta napadas na met amin nga kita sulisug gapu iya kinatoley na nga agten dactida. Napadas na ngarud amin diyan, ngem madi pulus nagbasul.