Pilipus 2:5 - Ya Baru nga Tulag

⁵ Tuladen nu kuma to gangey ne̍ Kristu Je̍sus,

Pilipus 2:5 Iomraidhean Croise

Matyu 11:29

Paituray kayu kuma ngarud iya paglinteggac, nga maiyarig ka sangul nu, ket agpaisuru kayu iyaken. Ta iyaken, natuluc se̍ napakumbaba ngac met. Dikad pe̍ no umbe̍t kayu iyaken, ket mapatalna kayu ngarud.

Lukas 22:27

Ket sigun iya kunen diya toley, nagan na kanu ya maibilang nga nangatngatu: Ya sumangu nga maidasaran, winno ya agidasar nga agsirsirbi? Di ngarud ya sumangu nga maidasaran ya maibilang nga nangatngatu? Ket tutu met! Ngem no iyaken nga gennung, uwed dac met dakayu nga arig nga agsirsirbi dakayu,” kunen na.

Aramid 10:38

Ket emmu nu met pe̍ nga pinili ne̍ Apu Diyus nge̍ Je̍sus nga iNasare̍t nga nae̍cdan iya Ispiritu Santu se̍ iya pannakabalin na. Ket nagpaspasyar nge̍ Je̍sus nanipud ka Galilya, nga timultulung kadiya toley, se̍ pinalaing na pe̍ diya nasairuwan nga toley, ta uwed met nge̍ Apu Diyus igina.

Aramid 20:35

Itu yan to pe̍yeng ku nga ipaspasingen dakayu, nga aggaget tida kuma, tasun makatulung tida kadiya makasapul ka tulung. Ta malagip tida kuma to kinunen ne̍ Apu Je̍sus, nga kinunen na, ‘Dacdackel ya anggem niya mange̍cde̍ ngem iya mae̍cdan,’ kunen ne̍ Apu Je̍sus itun.” Itu yan to gibus nga kinagi ne̍ Pablu.

Ruma 14:15

Itu nga no masakitan ya nakem niya isa nga kabsat mu ka pammati gapu iya mabalin mu nga kanen nga iparit na iya beggi na, bekken met nga tumaud iya panagayat, no kanem latta. Madi kayu kuma ngarud pirdiyen ya panamati niya isa nga toley gapu was iya makan nu, ta igina met ya isa nga pagpaayan nito pannakatey ne̍ Kristu.

Ruma 15:3

Ta malagip tida kuma nge̍ Kristu. Bekken met nga ya beggi na ngas to linaglagip na, no di lugud agten pe̍ iya naisurat iya Bibliya itun pekkem nga kinunen na e̍ Apu Diyus nga, “Iyaken nin ya uy-uyawen dito manguy-uyaw ikew,” kunen na.

Ruma 15:5

Ket e̍ Apu Diyus ngarud ya pagtaudan niya anus tida, se̍ igina pe̍ ya mangliwliwa dactida. Ket sapay kuma ta igina ya tumulung dakayu, tasun agkaykaysa ya panpanunut nu, nga agten mettas ito gangey ne̍ Kristu Je̍sus, nga nipasingen na dactida nga pagtuladan tida.

1 Kurintu 10:33

Ta no iyaken, panggep ku nga paanggemmen diya amin nga toley kadiya orey nagan na nga wangwanglec. Bekken nga ya beggic ki ya ipangpangrunac, no di lugud ya paglaingan niya kaaduwan nga toley, tasun uwed kuma pe̍ pakaisalakanan da.

E̍pe̍su 5:2

Ta to panangipateg ne̍ Kristu dactida itun, itu kuma ya ugali nga tultuladen nu ita iya panagbiyag nu. Ta e̍ Kristu, nipalubus na met ya pannakaidatun niya beggi na mettas para dactida. Ket inannamungan ne̍ Apu Diyus yan nga winangel na, nga arig nga nabangug nga sagut se̍ datun nga makaay-ayu mettas e̍ Apu Diyus.

Pilipus 1:1

Iyaken nga Pablu se̍ e̍ Timutyu nga agsirsirbi e̍ Kristu Je̍sus, ket dakami ya akin-surat idi. Isurat mi yani dakayu iyan Pilipus. Isurat mi ngarud dakayu nga amin nga toley ne̍ Apu Diyus iyan gapu iya pannakaitipun nu e̍ Kristu Je̍sus, agraman dakayu nga agay-aywan iya bungguy, se̍ dakayu nga katulungan niya bungguy.

1 Pe̍dru 2:21

Rebbeng nu ngarud ya agan-anus kadiya rigrigat nu. Ta orey e̍ Kristu, nipasingen na dakayu ya nabaru nga pagtuladan nu, ta nagrigat pe̍ gapu dakayu. Itu nga tuladen nu kuma ngarudin, nga arig nga gudlan nu diya sugsugut na mettas.

1 Pe̍dru 4:1

Ket iya agten iyan, gapu ta nagsagaba ya beggi ne̍ Kristu itun, sisasagana kayu kuma pe̍ nga agsagaba nga agten igina. Ta emmu tida nga ya toley nga nagsagaba ya beggi na, nagsardeng pe̍ yin iya panagbasul na.

1 Juan 2:6

Ya agkunen nga, “Laglagipec nge̍ Apu Diyus,” kunen na, ket masapul nga tuladen na met ya nalinteg nga ugali ne̍ Apu Je̍sus.