Pilipus 2:30 - Ya Baru nga Tulag

³⁰ Ta igina, nistay natey gapu iya panangipusta na iya biyag na iya wangel na nga maipaay e̍ Kristu, ito nangitungpal na ito panangaasi nu iyaken.

Pilipus 2:30 Iomraidhean Croise

Aramid 20:24

Ngem orey a, ta ya biyag ku, bekken ku nga kake̍ngan. Ta ibilang ku nga awan sirsirbi niya biyag ku, tasun matungpal ku ya nakaibonac se̍ ya wangel nga gabay ne̍ Apu Je̍sus nga ipawangel iyaken, nga itu ya panangipakaemmuc iya Makaparagsac nga Damag maipanggep iya siaayat nga asi ne̍ Apu Diyus.

Ruma 16:4

Ket igida, nipusta da met ya biyag da para iyaken itun. Agyaman nac ngarud igida, ket bekken nas nga iyaken ya agyaman igida, no di pe̍ diya amin nga bungguy diya mamati nga bekken nga Hudyu.

1 Kurintu 15:53

Ta ya beggi tida nga uwed pannakaropsa na, masapul nga masukatan ka beggi nga madi maropsa ngin. Se̍ ya kinatoley tida nga uwed pannakatey na, masapul nga masukatan ka madi pulus nga mat-atey yin.

1 Kurintu 16:10

Ket no dumateng nge̍ Timutyu iya edyan nu, siririspitar kayu kuma igina, tasun madi kuma man-ansing nga mibulubulun dakayu, ta padac nga agsirsirbi nga agpaay iya Apu.

1 Kurintu 16:17

Ket naragsakan nac nga unay ito inumbe̍t idi dito kailiyan nu nga de̍ E̍ste̍panas, Purtunatu, se̍ e̍ Akayku, ta igida ya nangisaup dakayu.

2 Kurintu 12:15

Ket pagragsakac met ya panangipaay ku iya orey nagan na nga uwed iyaken para iya paglaingan nu, agraman pe̍ ya biyag ku. Ket iya agten iyan, lumallalu ngarud ya panangipateg ku dakayu. Ngem di ngarud nasipar no ume̍t-e̍teng nga gennung ya panangipateg nu iyaken?

2 Kurintu 4:12

Dikad pe̍ iya agten iyan, kabulun mi nga pe̍yeng ya patey gapu iya panagsirbi mi e̍ Je̍sus. Ngem orey agten iyan a, ya panagrigat mi, ta itu mettas ya paglaingan nu nga pakae̍cdanan nu ka biyag.

Pilipus 2:17

Ket ya panamati nu, maiyarig ka pagdatun niya panagsirsirbic nga ipaay ku e̍ Apu Diyus. Ket iyaken, mabalin nga maiyarig gac ngas ka pagdatun nga mainum nga maibucbuc mettas kadidi nga ipaay ku e̍ Apu Diyus. Ngem orey arig gac nga maibucbuc ngas a, ta pakaragsakac met, ket makipaganggem mac ngas dakayu nga amin.

Pilipus 2:27

Ket pudnu nga nakaru to sakit na itun, ta nistay na nipatey, ngem kinaasiyan ne̍ Apu Diyus. Ket bekken nas nga igina to kinaasiyan ne̍ Apu Diyus, no di pe̍ iyaken, ta no natey, nakarkaru met manin ya leddaang kun.

Pilipus 4:10

Ket gapu iya pannakaitipun ku iya Apu, agyaman nac nga unay, ta naipasingen nu manin ya panangisakit nu iyaken. Ta emmuc nga orey nabayagin nanipud ito panangtulung nu iyaken itun, ket tutu nga ginabgabay dac nga tulungan, ngem awan nas ngamin gundaway nu pekkem itun.

Pilipus 4:18

Ket kustu mettin to nae̍cde̍ iyaken, ket nagsursuruc pe̍ lugudin. Ta awan pulus masapul kun, gapu ito nipakagtu nu e̍ E̍papruditu nga para iyaken. Ket naibilang ngarud nga nabangug nga pagdatun nu ditun nga ne̍cde̍ nu, nga isa nga datun nga annamungan ne̍ Apu Diyus, nga pakaragsakan na.

Pilimun 1:13

Nabaru, kunec, no pagedyanec kuma pekkem iyaken idi, tasun igina kuma ya sunum nga mangtulung iyaken, bayat niya pannakaibalud ku pekkem gapu iya panangipakaemmuc iya Makaparagsac nga Damag.

Paltiing 12:11

Ket ita, inabac mettin dito kakabsat tida, gapu ito pannakaidaga niya Urbun Karne̍ru, se̍ gapu ito pannakaibaga niya banag niya pammati da. Ket madi da met nibilang nga napatpateg ya biyag da ngem iya pammati da, orey naemmuwan da nga mapatey da gapu mettas iya pammati da.