Pilipus 2:3 - Ya Baru nga Tulag

³ Bekken nu kuma nga panggeppen ya mangipangatu nga gennung iya mismu nga kaipapennan nu, winno ya agpasindayaw, no di lugud agpakumbaba kayu was kuma, nga ibilang nu kuma nga napatpateg diya duduma nga toley ngem iya beggi nu.

Pilipus 2:3 Iomraidhean Croise

Lukas 18:14

“Ito nakakararag dan, nagawir dan. Ket to agsingsingir ka buis met ya naibilang nga nalinteg iya imatang ne̍ Apu Diyus. Ngem to Parisiyu nga gennung, madi met naibilang nga nalinteg. Ta ya kinapudnu na, diya amin nga mangipadayaw kadiya beggi da, maipasegged nad met. Ngem ya agpakumbaba, maipadayaw nad met nga gennung,” kunen ne̍ Je̍sus.

Ruma 12:10

Agiinnayat kayu ngarud nga agten iya panagiinnayat diya agkakabsat. Ket sidadayaw kayu kuma nga mangipasingen iya panangipateg nu iya tunggal isa dakayu, nga ibilang nu da nga napatpateg ngem iya beggi nu.

Ruma 13:13

Ket ya gangey tida ita, natacneng ngas kuma, nga maitutup iya gangey diya maipaay iya algew. Itu nga bay-an tida ngarud ya panaglucluku se̍ panage̍ng-e̍nglew. Awan kuma ngarud dactida ya pannakikamalala winno duduma pe̍ nga naalas nga wangwangel. Awan kuma ngarud pe̍ yin diya panagsusupyat winno panagiman.

Ruma 2:8

Ngem uwed da pe̍ toley nga mayat nga maipangatu ya kaipapennan da, se̍ mangdellaw iya pudnu tasun suruten da ya dake̍c. Ket didi nga toley met diya pangipaayan nad ne̍ Apu Diyus iya gura se̍ unget na.

1 Kurintu 15:9

Ta iyaken ya kanunumuwanin kadiya amin nga apustule̍s. Bekken kuma pe̍ nga rumbeng nga maawagan nac nga apustul, ta nirurumen ku itun diya toley ne̍ Apu Diyus.

1 Kurintu 3:3

Kunec yani ta tungtungpalen nu pekkem ya tarigagay ngas niya kinatoley nu. Ta ya panagiinnapal nu se̍ ya panagsusupyat nu, ket itu yan ya mangipanecnec nga tungtungpalen nu pekkem ya tarigagay niya kinatoley nu. Ket ya panagbiyag nu, agten mettas iya ugali diya madi mamati.

2 Kurintu 12:20

Ta madanagan nac, nga no makadateng ngac nad iya edyan nun, kaynun no ya nakem nun, sabali iya namnamaec dakayu. Ket no agten iyan, ya nakem ku, sabali ngarud nad pe̍ yin iya namnamaen nu iyaken. Ta kaynun no uwed nad madatngac nga panagsusuway nu se̍ panagiinnimun nu, se̍ siuuyung nga panagiinnunget nu, se̍ panagsisinnupyat nu, winno kaynun no uwed nad panagpipinnadake̍c nu se̍ panagiinnamis nu, winno panagpaspasindayaw nu, se̍ panagkusu nu.

Galasiya 5:15

Ngem no pe̍yeng kayu nga agsisinnuway se̍ agpipinnasakit, nga arig kayu nga animal nga agkikinnagat, annadan nu, ta kaynun no agpipinnirdi kayun.

Galasiya 5:26

Awan kuma ngarud dactidan diya agtitinnangsit, winno agsisinnuting, winno agiinnapal.

E̍pe̍su 4:2

Napakumbaba se̍ nanacman kayu kuma, se̍ naanus kayu kuma nga pe̍yeng, ket agpipinnase̍nsiya kayu kuma ngarud gapu iya panagiinnayat nu.

E̍pe̍su 5:21

Agpaituray kuma ngas ya tunggal isa dakayu iya kapada na, gapu iya panangipateg nu nga sidadayaw e̍ Kristu.

Pilipus 2:14

Ket kadiya amin nga wanglen nu, awan kuma panagriri winno pannakisupyat nu,

Kulusas 3:12

Ket dakayu diya pinili ne̍ Apu Diyus, ket ibilang nakayu nga awan basbasul nun, se̍ patpatgen nakayu pe̍. Itu nga isaad nu kuma ngarudin iya beggi nu ya gangey nga naasi, naalumamay, napakumbaba, nasingpet se̍ naanus.

Kulusas 3:8

Ngem itan, ipac nu kuma ngarud diya amin nga dake̍c, nga agten kadiya gura, se̍ unget, se̍ ya panangpasakit ka nakem niya pada nu nga toley, se̍ ya panangibaga ka dake̍c maipanggep iya kapada nu, se̍ ya panangibalikas ka naalas.

1 Timutyu 6:4

Ta ya kinapudnu na, natangsit ngas ya agten iyan nga mangisuru, ket awan met emmu na iya kinapudnu. Dake̍c ngas ya tarigagay na, ta pannakidiskutir ngas ya gabay na, se̍ pannakisupyat. Ket diyan met diya pagtaudan niya panagimun, panagupir, panagumsi, se̍ panagsadap.

1 Pe̍dru 3:8

Ket ita, idi ya mod-odi nga ibagac: Dakayu nga amin, ket agkaykaysa kayu kuma kadiya panpanunut nu. Agsisinnakit kayu kuma, se̍ agiinnayat kayu nga arig nga diya agkakabsat. Ket mangaasi kayu kuma, se̍ agpakumbaba kayu pe̍.

1 Pe̍dru 5:5

Ket dakayu nga naeb-ebbing nga lalaki, paiturayan kayu kuma kadiya lallakay. Se̍ dakayu nga amin, masapul nga napakumbaba kayu iya imatang niya tunggal isa dakayu. Ta laglagipen nu kuma ya kunen na iya Bibliya nga, “Kagura ne̍ Apu Diyus diya natangsit, ngem kaasiyan na diya napakumbaba,” kunen na.