Pilipus 2:26 - Ya Baru nga Tulag

²⁶ Ket igina mettas ya ibon ku ita. Ta masut kanu dakayu nga amin iyanin, ket madanagan pe̍ nga unay, gapu ta nadamag nu kanu nga nagsakit.

Pilipus 2:26 Iomraidhean Croise

Matyu 11:28

“Ket dakayu nga agrigrigat se̍ madagdagsennan, umbe̍t kayu kuma ngas iyaken, ta iyaken ya mange̍cde̍ ka pagtalnaan nu.

Matyu 26:37

Ket nibulun na nge̍ Pe̍dru se̍ dito duwa nga anac ne̍ Se̍be̍dyu. Ket e̍ Je̍sus, linumdaang mettin, se̍ nariribuc pe̍ yin ya nakem na.

Aramid 21:13

Ngem kinunen ne̍ Pablu, “Ape̍ nga berberritan dac? Pasakitan nu was ya nakem ku iya agten iyan. Nakasagana ngac kun nga agrigat iya pannakapunguc, se̍ orey no patayen dac ka He̍rusale̍m gapu iya panamatic iya kinaturay ne̍ Apu Je̍sus,” kunen na.

Ruma 1:11

Ta tarigagayac nga unay nga masingen nakayu, tasun mapabileg kayu kuma gapu kadiya ipakaemmuc nad dakayu nga banbanag nga ipaay niya Ispiritu Santu.

Ruma 12:15

Makipaganggem kayu kuma kadiya naanggem, se̍ makipagricna kayu kuma kadiya agladladingit.

Ruma 9:2

Ket ya gabay ku nga ibaga, agten idi: Napalaus ya ladingit kun gapu kadiya kailiyac, se̍ madi maipac ya sakit niya ricnac gapu igida.

1 Kurintu 12:26

Ket no maparigatan ya isa nga parte̍, mairaman pe̍ diya duduma iya panagrigat na. Ket no maibilang nga nadayaw ya isa nga parte̍, mairaman pe̍ diya duduma iya pakaanggemman na.

2 Kurintu 9:14

Ket itu nga patpatgen dakayu nad diya toley, se̍ ikararagan dakayu nad pe̍ gapu iya pagbanagan niya nakaskasdaaw nga panangaasi ne̍ Apu Diyus nga siaayat dakayu.

Galasiya 6:2

Ngarud, agsisinnakit kayu kuma iya kasasaad diya kapada nu, ta iya agten iyan, matungpal nu ya paglinteggan ne̍ Kristu.

E̍pe̍su 3:13

Itu nga gabay ku ngarud no madi kayu kuma nga makumsa gapu idi nga pakarigatac para dakayu, ta itu ya pakasingnan iya dayaw nu gapu iyaken.

Pilipus 1:3

Ket iya tunggal pannakalagip ku dakayu, siiiyaman nac e̍ Apu Diyus nga pagsirbiyac.

Pilipus 1:8

Ket e̍ Apu Diyus met ya makapanecnec maipanggep iya napalaus nga ayat ku dakayu, ta patpatgen nakayu ka panangipateg nga tumaud e̍ Kristu Je̍sus mettas.

Pilipus 2:25

Ket kunec pe̍ nga masapul nga ibon ku iyanin nge̍ E̍papruditu nga kabsat ku ka pammati, se̍ kabulun ku iya panagsirbic iya Apu, se̍ padac pe̍ nga arig nga suldadu na. Ket igina mettas to nibon nu nga pannakabeggi nu nga nangistimar iyaken itun.

Pilipus 2:27

Ket pudnu nga nakaru to sakit na itun, ta nistay na nipatey, ngem kinaasiyan ne̍ Apu Diyus. Ket bekken nas nga igina to kinaasiyan ne̍ Apu Diyus, no di pe̍ iyaken, ta no natey, nakarkaru met manin ya leddaang kun.

Pilipus 4:1

Dikad pe̍ dakayu nga patpatgec se̍ pakaessutac nga kakabsat se̍ pakaanggemmac se̍ pakaidayawac, ngarud, dakayu nga patpatgec, pabakedden nu kuma ngarudin ya panamati nu nga maikanatad kadiyan nga nibagac.

1 Pe̍dru 1:6

Ket gapu idi nga panangaywan ne̍ Apu Diyus dakayu, agragsac kayu ngarud, orey no uwed maar-ariman pe̍ dakayu ita nga timpu nga e̍teng nga panagsagaba nu gapu kadiya nadumaduma nga pakaparparigatan nu.