Pilipus 2:19 - Ya Baru nga Tulag

¹⁹ Ket iya di mabayag, ibon ku kuma dakayu nge̍ Timutyu, no ipalubus ne̍ Apu Je̍sus. Ibon ku tasun maragsakan nac nad gapu kadiya maipadpadamag na iyaken nga maipanggep dakayu.

Pilipus 2:19 Iomraidhean Croise

Matyu 12:21

Ket igina nad ya namnamaen diya bekken nga Hudyu.”

Aramid 16:1

Ket de̍ Pablu, nakadateng da ka De̍rbe̍, se̍ ka Listra ngin. Ket uwed agedyan antuni nga isa nga pasurut niya Apu nga agnagan ka Timutyu. Ket mamati pe̍ ya ina na. Hudyu ya ina na, ket ya ama na, Griye̍gu.

Ruma 15:12

Ket kinunen pe̍ nito mammadtu nga Isayas nga, “Uwed nad maiyanac nga isa nga kapututan ne̍ He̍sse̍, ket igina nad met ya maisaad nga mangituray kadiya bekken nga Hudyu. Ket igina nad pe̍ ya pangnamnamaan diya bekken nga Hudyu,” kunen na.

Ruma 16:21

Pakumustaan nakayu kanu nge̍ Timutyu nga kawanglac ennidi. Pakumustaan dakayu kanu met pe̍ de̍ Lusiyu, Diyasun, se̍ Susipatru nga padac nga Hudyu.

1 Kurintu 4:17

Itu ya gapu na nga ibon ku iyan nge̍ Timutyu nga ibilang ku nga napateg se̍ mapagtalkan nga anac ku ka pammati iya Apu. Ipalagip na nad dakayu ya ugalic nga tumutup iya pannakaitipun tida e̍ Kristu Je̍sus. Ket itu met pe̍ ya ugali nga isursuruc kadiya amin nga bungguy diya mamati iya orey awac nga lugar.

E̍pe̍su 1:13

Ket iya agten iyan, namati kayu e̍ Kristu ito nagicna nu ya kasaba maipanggep iya kinapudnu, nga itu ya Makaparagsac nga Damag nga pakaisalakanan nu. Ket gapu iya pannakaitipun nu e̍ Kristu, arig nga minarkaan nakayu nge̍ Apu Diyus iya Ispiritu Santu. Itu ya Ispiritu nga nikari ne̍ Apu Diyus, ket itu ya pakaemmuwan iya panangtagikuwa na dakayu.

Pilipus 1:1

Iyaken nga Pablu se̍ e̍ Timutyu nga agsirsirbi e̍ Kristu Je̍sus, ket dakami ya akin-surat idi. Isurat mi yani dakayu iyan Pilipus. Isurat mi ngarud dakayu nga amin nga toley ne̍ Apu Diyus iyan gapu iya pannakaitipun nu e̍ Kristu Je̍sus, agraman dakayu nga agay-aywan iya bungguy, se̍ dakayu nga katulungan niya bungguy.

Pilipus 2:18

Ket agten kayu kuma pe̍ iyan, nga maparagsac kayu kuma, ket makipaganggem kayu kuma pe̍ iyaken gapu idi nin.

Pilipus 2:28

Itu nga gabay ku nga unay nga ibon nge̍ E̍papruditu iyanin, tasun maragsakan kayu no masingen nu manin. Ket iya agten iyan, macsayan nad pe̍ yin ya leddaang ku wi.

1 Te̍salunika 3:2

Ket ya nibon mi, e̍ Timutyu nga kabsat tida nga kabulun mi nga agpaay e̍ Apu Diyus iya pannakaisursuru niya Makaparagsac nga Damag maipanggep e̍ Kristu. Nibon mi nga mawe̍ mangpagaget se̍ mangpabileg dakayu iya panamati nu.

1 Te̍salunika 3:5

Ket itu ya gapu na nga nibon ku nge̍ Timutyu, ta maalinasag gac kun iya danag ku. Nibon ku ngarud tasun emmuwen mi no nabileg pekkem ya panamati nu. Ta madanagan nac ngamin, kaynun no sinulisug nakayun nge̍ Satanas, tasun awan sirsirbi yin nito bannug mi ito kauwed mi dakayu itun.

2 Te̍salunika 1:3

Kakabsat, nabaru no pe̍yeng kami nga agyaman e̍ Apu Diyus gapu dakayu. Kustu yan, ta bumilbileg nga unayin ya panamati nu. Ket bumilbileg pe̍ yin ya panagiinnayat nu iya isa ken isa dakayu.

2 Timutyu 1:12

Ket itu ya gapu na nga laklak-amec didi nga rigrigat ku. Ngem orey agten iyan, awan iyalyew ku kadidi, gapu ta em-emmuc met yan nga talkec. Ket siguradu wac met nga igina ya makaaywan iyan nga nitalec na iyaken agingga nad iyan nga Timpu na.

Santiyagu 4:15

Itu nga agten idi kuma lugud ya kunen nu: “No ipalubus kuma ne̍ Apu Diyus, ket agbiyag kami nad pekkem, se̍ ituluy mi ya agten idi nga panggep mi,” kunen nu kuma.

1 Pe̍dru 1:21

Ket gapu igina, mamati kayu e̍ Apu Diyusin. Igina ya nangpaungar se̍ nangpadayaw e̍ Kristu, itu nga e̍ Apu Diyus ya patpatiyen se̍ namnamaen nun.