Pilipus 2:16 - Ya Baru nga Tulag

¹⁶ Ta dakayu met diya mangipateg iya panursuru nga pakabiyagan toley. Ket no tutu nga agten iyan ya wangwanglen nu, uwed ngarud pakaragsakac nad iya Timpu ne̍ Kristu, gapu ta bekken nga masayang nad diya panagitured ku se̍ diya banbannug ku gapu dakayu ita.

Pilipus 2:16 Iomraidhean Croise

Matyu 10:27

Ngarud, diya ibagbagac dakayu ita nga sililimed iya gicbet, ipakaemmu nu nad met nga silalatac iya wada. Ipakaemmu nu ngarud diya banbanag nga naiyasasim dakayu ita, nga arig nga ipkaw nu nad manipud iya tuctuc diya babaley.

Lukas 12:8

Ket kinunen manin ne̍ Je̍sus, “Pudnu met nga amin nga mangipakaemmu nga siaannamung iya imatang diya toley iya pannakitipun da iyaken, ket siaannamung nad met nga ipakaemmu niya Anac nga Naipatoley iya imatang diya anghe̍le̍s ne̍ Apu Diyus ya pannakitipun na kadiyan nga toley.

Juan 6:63

Maemmuwan nu kuma nga madi ngarud makae̍cde̍ ka biyag ya beggi niya toley. Ta yan nas Ispiritu ne̍ Apu Diyus ya makae̍cde̍ ka biyag. Dikad pe̍ dito kinagic dakayu, ket maipanggep met iya Ispiritu ne̍ Apu Diyus, se̍ ya biyag nga e̍cde̍ na.

Juan 6:68

Ket e̍ Simon Pe̍dru ya nangsungbat nga kinunen na, “Awan met sabali nga gabay mi nga pakitipunan Apu, no di yas ik-ikew. Ta ikew was ya makaibaga iya agnanayun nga pakabiyagan mi.

Aramid 13:26

“Wawagi, dactida nga kapututan nito Abraham se̍ dakayu nga bekken nga Hudyu nga mangipatpateg e̍ Apu Diyus, dactida met ya nangipakaemmuwan ne̍ Apu Diyusin iya kagi na maipanggep iya panangisalakan na dactida.

1 Kurintu 1:8

Ket igina mettas ya mangpabaked iya panamati nu, tasun awan pakaukuman nu no madatnganin ya Timpu niya Apu tida nga Je̍su Kristu.

1 Kurintu 9:26

Itu nga no iyaken, agpasnekkac nga arig nga agtarus nga managtag agingga ka makadateng ngac iya pagpatinggaan niya lumba. Se̍ arig gac pe̍ nga isa nga dumadanug nga itama na met ya danug na, nga bekken nac nga arig nga dumanug ngas ka belluut.

2 Kurintu 1:14

Ngem agingga ita, madi kayu pekkem maawatan ya kaipapennan diya duduma nga panggep mi dakayu. Ket gabay ku no maawatan nu kuma ya amin didi, tasun nad no iya Timpu niya umbe̍t manin ne̍ Apu Je̍sus, agragsac kayu kuma gapu dakami, agten met iya panagragsac mi nad gapu dakayu.

Galasiya 2:2

Nawe̍ yac ngarud enna He̍rusale̍m, ta e̍ Apu Diyus mettas ya nangbilin iyaken nga mawe̍. Ket nipalawag ku ngarud kadiya mamati e̍ Je̍sus ennan ya maipanggep iya Makaparagsac nga Damag nga ikaskasabac kadiya bekken nga Hudyu. Ngem diya naibilang nga pangpangulu da ngas to nangilawlawagac idi. Ta di yac gabay no kuntraen da ya isursuruc kadiya bekken nga Hudyu, tasun madi kuma nga agbalin nga awan pagmamaayan nito nagbannugac itun, se̍ orey ya pagbannugac ita.

Galasiya 4:11

Ay-ay, madanagan nac dakayun, ta kaynun no awan mamaay nito panagbannug ku para dakayun.

Pilipus 1:10

Ta diyan kuma ngas nabaru nga banbanag diya ipateg nu. Ket iya agten iyan, awan nad kabulun nu nga kinadake̍c se̍ awan pakapabasulan nu nad iya Timpu ne̍ Kristu.

Pilipus 1:6

Ket siguradu wac nga ilayun ne̍ Apu Diyus ya nabaru nga nirugi nan kadiya nakem nu, agingga ka matungpal nad iya Timpu ne̍ Kristu Je̍sus.

1 Te̍salunika 2:19

Ngarud, mawe̍ kami kuma iya edyan nu, ta dakayu met ya namnama mi se̍ anggem mi se̍ dayaw mi nga masingen nad iya imatang niya Apu tida nga Je̍sus, no umbe̍t nad manin.

1 Te̍salunika 3:5

Ket itu ya gapu na nga nibon ku nge̍ Timutyu, ta maalinasag gac kun iya danag ku. Nibon ku ngarud tasun emmuwen mi no nabileg pekkem ya panamati nu. Ta madanagan nac ngamin, kaynun no sinulisug nakayun nge̍ Satanas, tasun awan sirsirbi yin nito bannug mi ito kauwed mi dakayu itun.

He̍briyu 4:12

Ipangag tida kuma ngarud ya ipakaemmu ne̍ Apu Diyus nga kagi na. Ta ya kagi ne̍ Apu Diyus, uwed met arig nga biyag na, se̍ uwed met pe̍ pannakabalin na. Ad-adu pe̍ ya kabaellan niya kagi ne̍ Apu Diyus ngem iya natadem nga ispada nga agsumbangir ya tadem na, nga maitodoc ka uneg, se̍ makaituwey iya sebbit nga edyan niya um-um se̍ pata niya tulang. Ket maiyarig ngarud met ya kagi ne̍ Apu Diyus iya agten iyan, ta gapu iya kagi ne̍ Apu Diyus, mailasin met ya uwed iya nakem niya toley se̍ ya uwed iya kararuwa na. Ket maipakaemmu pe̍ ya lemlemtan se̍ pangpanggeppen niya toley, gapu iya kagi ne̍ Apu Diyus.

1 Pe̍dru 1:23

Agten iyan kuma ngarud, ata naibilang kayu nga nabalbaliwan nga naiyanac kin. Ket idi nga nangputut dakayun, bekken nga isa nga uwed pannakatey na, no di lugud pulus nga awan panagpatingga na. Ket idi nga nabalbaliwan nga pannakaiyanac nu, gapu mettas iya kagi ne̍ Apu Diyus nga mange̍cde̍ ka biyag se̍ agpaut ka agnanayun.

1 Juan 1:1

Agsurat tac dakayu maipanggep iya maawagan ka Kagi Biyag. Ket ya Kagi, uwed nga pe̍yeng, manipud ito panangrugi niya amin. Nagicna mi ya kinagi na se̍ nasingen mi met pe̍, ta binetbettaan mi se̍ sine̍cde̍ng mi pe̍ ya beggi na mettas.

Paltiing 22:17

Ket, “Umbe̍t ka kuma ngin!” kunen met niya Ispiritu ne̍ Apu Diyus se̍ ya Nubya. Ket diya makagicna idi nga ayab, kunen da kuma pe̍, “Umbe̍t ka kuma ngin!” Ket diya mewwew, umadenni da kuma ngarud nga makiinum, ta mapalubusan mettin diya mayat nga makiinum ito danum nga mange̍cde̍ ka biyag, ket awan pe̍ bayad na.