Pilipus 2:14 - Ya Baru nga Tulag

¹⁴ Ket kadiya amin nga wanglen nu, awan kuma panagriri winno pannakisupyat nu,

Pilipus 2:14 Iomraidhean Croise

Matyu 20:11

Itu nga ito naalac dan to tangdan da, nakiriri da ngarudin gapu ito makin-kuwa ito kaubasan,

Markus 14:5

Ta mabalin met nga nailaku ka rinibu nga pisus se̍ maikaasi kuma kadiya napanglaw,” kunen da. Ket inungtan da ngarud to babey.

Markus 9:14

Ket ito nakadateng nge̍ Je̍sus se̍ dito tellu nga adalan ito edyan dito nabati nga adalan, nasingen da nga nakad-adu met diya toley enna edyan da. Ket uwed da met manursuru iya Linteg nga makidisdiskutir kadito adalan.

Lukas 5:30

Ket dito Parisiyu se̍ dito kabulun da nga manursuru iya Linteg, nagtanabotob da, nga kinunen da kadito adalan ne̍ Je̍sus, “Ape̍ nga kasangsangu nu nga mangan se̍ umin-inum diya agsingsingir ka buis se̍ diya managbasul?” kunen da.

Aramid 15:2

Ket rimaba ngarud to pannakidisdiskutir de̍ Pablu nge̍ Be̍rnabe̍ igida maipanggep ito panursuru da. Itu nga naikeddeng nga mawe̍ kanu kuma de̍ Pablu nge̍ Be̍rnabe̍ se̍ diya duduma nga ibon da nga mawe̍ ka He̍rusale̍m, tasun makitbar da kanu kadito apustule̍s se̍ dito panglakayen antuni maipanggep iyan nga panursuru.

Aramid 15:39

Ket ya napasamac, rimaba to diskutir de̍ Pablu nge̍ Be̍rnabe̍, ket nagsina da mettin. Ket e̍ Be̍rnabe̍, nibulun na nge̍ Markus, nga nagbapur da nga nawe̍ ka Sipre̍.

Aramid 15:7

Ket ito nabayag to panagdidiskutir dan, e̍ Pe̍dru met ya nagsikad nga nagkagi para igida. Ket kinunen na, “Wawagi, naemmuwan nu mettin nga iyaken to pinili ne̍ Apu Diyus dactida itun nga mangikasaba iya Makaparagsac nga Damag kadiya bekken nga Hudyu, tasun patiyen da kuma pe̍.

Aramid 6:1

Ket itun, imad-adu ya bilang dito pasurut niya Apu. Ket ya napasamac itun, nagumsi diya Hudyu nga Griye̍gu iya maipanggep kadiya Hudyu nga He̍briyu, gapu ta e̍teng kanu ya mae̍c-e̍cde̍ kadiya balbalu nga Griye̍gu iya pannakaiwaras niya kasapulan da iya inalgew.

Ruma 12:18

Ket arimanen nu ya amin nga kabaellan nu nga makikinnaawatan kadiya amin nga toley, no mabalin kuma.

Ruma 14:1

Ket no maipanggep iya isa nga mamati nga nakapsut pekkem ya panamati na, awaten nu kuma pe̍, ngem bekken kuma nga tasun diskutiren nu maipanggep kadiya kapanunutan na.

Ruma 16:17

Ket kakabsat, ibilin ku nga sipapasnec dakayu nga annadan nu diya toley nga mangpirdi kuma iya panagtutunus nu se̍ mangiyaw-awan dakayu iya panamati nu. Itu diya sumupyat iya panursuru nga naisuru dakayu. Ket adeyyuwan nu ngarud diya agten iyan nga toley.

1 Kurintu 10:10

Se̍ madi kayu pe̍ pagtagobotoban nge̍ Apu Diyus nga agten kadito duduma igida itun, nga itu to nangibonan ne̍ Apu Diyus igida ito Pumapatey nga Anghe̍l.

2 Kurintu 12:20

Ta madanagan nac, nga no makadateng ngac nad iya edyan nun, kaynun no ya nakem nun, sabali iya namnamaec dakayu. Ket no agten iyan, ya nakem ku, sabali ngarud nad pe̍ yin iya namnamaen nu iyaken. Ta kaynun no uwed nad madatngac nga panagsusuway nu se̍ panagiinnimun nu, se̍ siuuyung nga panagiinnunget nu, se̍ panagsisinnupyat nu, winno kaynun no uwed nad panagpipinnadake̍c nu se̍ panagiinnamis nu, winno panagpaspasindayaw nu, se̍ panagkusu nu.

Galasiya 5:15

Ngem no pe̍yeng kayu nga agsisinnuway se̍ agpipinnasakit, nga arig kayu nga animal nga agkikinnagat, annadan nu, ta kaynun no agpipinnirdi kayun.

Galasiya 5:26

Awan kuma ngarud dactidan diya agtitinnangsit, winno agsisinnuting, winno agiinnapal.

Pilipus 2:3

Bekken nu kuma nga panggeppen ya mangipangatu nga gennung iya mismu nga kaipapennan nu, winno ya agpasindayaw, no di lugud agpakumbaba kayu was kuma, nga ibilang nu kuma nga napatpateg diya duduma nga toley ngem iya beggi nu.

1 Te̍salunika 5:13

Itu nga patgen se̍ ayaten nu da kuma nga unay gapu iya wangel da. Ket dakayu nga bungguy mamati ennan, agbiyag kayu kuma ngarud nga situtunus.

1 Te̍salunika 5:15

Laglagipen nu nga madi kayu balsen ka dake̍c diya agariman ka dake̍c dakayu. Ngem ya wanglen nu kuma nga gennung, ikarigatan nu lugud nga pe̍yeng ya agariman ka nabaru iya tunggal isa dakayu, se̍ orey kadiya amin nga toley.

He̍briyu 12:14

Arimanen nu ya amin nga kabaellan nu nga makikinnaawatan kadiya amin nga toley. Ket se̍ ikagumaan nu pe̍ ya pumaris iya kinalinteg ne̍ Apu Diyus, ta emmu tida nga ya toley nga awan igina ya agten iyan nga kinalinteg, madi na nad masingen ya Apu.

Santiyagu 1:20

Ta no makaunget tida, madi tida matungpalin ya nalinteg nga panggep ne̍ Apu Diyus.

Santiyagu 3:14

Ngem no uwed kadiya panpanunut nu ya napalaus nga panagiman se̍ ya panagtarigagay nga agpangatu iya bukud nu nga kasasaad, ket bekken nga napudnu ya kinasirib nu. Ket no agten iyan ya uwed iya panpanunut nu, madi kayu kuma lugud agpasindayaw winno agbusidin maipanggep iya kinasirib nu. Ta no kunen nu nga mayat ya agten iyan nga kinasirib nu, kakuntra nu mettin ya kinapudnu.

Santiyagu 5:9

Madi kayu agpipinnabasul nga sitatagobotob, kakabsat, tasun awan ipabasul ne̍ Apu Diyus dakayu. Ngarud, nganngani mettin ya umbe̍t niya Mangeddeng dakayu, nga arig nga nganngani sumpuc iya gagayangan niya baley nu ya mangpabasul dakayun.

1 Pe̍dru 3:11

Masapul nga adeyyuwan na ya dake̍c, nga tungpalen na nga gennung ya nabaru win. Ket ya panagkikinnaawatan niya toley kuma ya ipatpateg na, ket se̍ igina kuma ya isa nga mangpatalna.

1 Pe̍dru 4:9

Ugaliyen nu ya agsisinnangaili kadiya kapada nu, nga awan kuma lucsew nu kadiya sangaili nu.

Hudas 1:16

Ket itu diyan diya toley nga managsulag se̍ managumsi. Ket diyan nas dake̍c nga tarigagay da ya tungtungpalen da, ket nalaing da nga mangipasindayaw iya beggi da. Nalaing da pe̍ nga mangawis ka toley gapu kadiya napaw-is nga kagkagi da, tasun maawis da diya toley.