Pilipus 2:13 - Ya Baru nga Tulag

¹³ Agten iyan kuma ngarud, ta uwed tumulung dakayu, nga itu nge̍ Apu Diyus mettas, tasun maemmuwan nu ya tarigagay na, se̍ tasun mawangel nu diya makaay-ayu igina.

Pilipus 2:13 Iomraidhean Croise

Lukas 12:32

“Dakayu nga tekkut nga bungguy ku, madi kayu kuma mansing. Ta ya Ama nu, magustuwan nakayu met pe̍ nga pagturayen iya pagiturayan na.

Lukas 2:14

“Madaydayaw nge̍ Apu Diyus nga uwed iya kangatuwan nga edyan. Ket idi nga lubung, uwed kuma talna kadiya toltoley nga pakaay-ayuwan na,” kunen da.

Juan 3:27

Ket kinunen nito Juan igida, “E̍ Apu Diyus ngas met ya makae̍cde̍ iya pannakabalin niya toley.

Juan 6:45

Malagip nu to naisurat iya Bibliya nga kinunen dito mammadtu, ‘Ket igida, sursuruwan nad ne̍ Apu Diyus da nga amin,’ kinunen da itun. Ket tutu met nga amin diya agad-adal se̍ mangipangag e̍ Apu Diyus, umadenni da ngarud nga sumurut iyaken.

Juan 6:65

Ket kinagi na pe̍ igida nga, “Itu ya gapu na nga nibagac dakayu nga awan makaadenni nga sumurut iyaken no madi e̍cdan niya Ama ka kabaellan na nga sumurut,” kunen na.

Aramid 11:21

Ket gapu ta uwed igida ya tulung niya Apu, adu diya namati e̍ Je̍sus, nga imapu da igina.

Ruma 12:3

Ket gapu iya siaayat nga panangaasi ne̍ Apu Diyus iyaken, uwed saad ku nga mamagbaga dakayun. Ket idi ya ibagac dakayu nga amin: Madi kayu kuma ipasindayaw diya kabaellan nu, no di lugud utuben nga nalaing niya tunggal isa dakayu, no nagan na ya tutu nga pateg niya kabaellan na. Ta nadumaduma met diya kabaellan tida sigun iya bileg niya panamati tida nga ne̍cde̍ ne̍ Apu Diyus.

Ruma 9:11

Ket ito di pekkem naiyanac dito singin, se̍ awan pekkem nawangel da itun, nga nabaru winno dake̍c, pinili ne̍ Apu Diyus to isa igida. Agten iyan ngarud, ta gabay ne̍ Apu Diyus no matungpal ya panggep na ito isa gapu ngas iya panangpili na igina, bekken nga gapu iya winangel toley.

Ruma 9:16

Ket gapu ta agten iyan ngarudin, maawatan tida nga ya panangtulung ne̍ Apu Diyus kadiya toley, ket bekken nga gapu iya tarigagay toley winno iya wanglen da, no di lugud gapu was iya asi na.

1 Kurintu 12:6

Adu pe̍ diya nadumaduma nga kabaellan toley nga maipaay e̍ Apu Diyus, ngem is-isa met nga Diyus ya mangipaariman ka amin diyan nga kabaellan niya tunggal toley.

1 Kurintu 15:10

Ngem gapu mettas iya siaayat nga panangaasi ne̍ Apu Diyus iyaken, nagbalin nac met latta nga apustul, ta nabaru met ya nagbanagan nito siaayat nga panangaasi na iyaken. Itu nga nagbanbannug gac met ka ad-adu ngem kadito duduma nga padac nga apustul. Ngem bekken met nga iyaken ya tutu nga akin-wangel, no di lugud pinagwangel nac nge̍ Apu Diyus gapu iya pannakabalin nga nikaasi na nga siaayat iyaken.

2 Kurintu 3:5

Madi kami met nga kayat nga kagiyen nga uwed sigud nga kabaellan mi nga mangwangel iya orey nagan na iya panagsirbi mi e̍ Apu Diyus. Ta awan met maibilang mi nga sigud nga kabaellan mi. E̍ Apu Diyus lugud ya paggayatan niya kabaellan mi iya panagsirbi mi.

E̍pe̍su 1:11

Ket e̍ Apu Diyus, matungpal na ngarud diya amin nga panggep na sigun iya pangngeddeng na. Itu nga no dactida, gapu iya pannakaitipun tida e̍ Kristu, pinili nactida nge̍ Apu Diyus, nga agtawid igina. Ta nikeddeng na nga agbalin tida nga toley na, sigun iya panggep na itun pekkem.

E̍pe̍su 1:5

Ngarud, gapu iya ayat ne̍ Apu Diyus dactida, nikeddeng na itun pekkem nga pagbalinen nactida nga anac nan gapu e̍ Je̍su Kristu. Ta itu ya sigud nga panggep ne̍ Apu Diyus sigun iya tarigagay na.

E̍pe̍su 1:9

inariman na ngarud to panggep na, se̍ nipakaemmu na pe̍ dactidan. Itu ya panggep na nga madi tida naawatan itun, nga nikeddeng na nga tungpalen, gapu e̍ Kristu sigun iya tarigagay na.

E̍pe̍su 2:8

Ta gapu was iya siaayat nga asi ne̍ Apu Diyus, ket naisalakan kayu ngarud gapu iya panamati nu. Ket ya pannakaisalakan nu, bekken ngarud nga gapu iya bukud nu nga winangel, no di lugud gapu ta nikaasi ne̍ Apu Diyus dakayu.

2 Te̍salunika 1:11

Ket itu nga ikarkararagan dakayu ngarud nga pe̍yeng, tasun pagbalinen nakayu kuma nge̍ Apu Diyus nga maikari iya nisagana na nga saad nga ne̍cde̍ na dakayu. Ket ikararag mi pe̍ nga gapu iya pannakabalin na, tulungan nakayu kuma kadiya amin nga nabaru nga pamaay nu se̍ diya gabay nu nga wanglen maigapu iya panamati nu.

2 Timutyu 1:9

Igina met ya nangisalakan dactida, se̍ igina pe̍ ya nangpili dactida nga agbalin nga toley na. Bekken nga gapu iya nawangel tida diyan, no di lugud gapu iya kabucbukudan na nga panggep se̍ siaayat nga asi. Ket nipaay na yani nga siaayat nga asi na dactida itun pekkem, gapu mettas e̍ Kristu Je̍sus, orey ito madi pekkem naparsuwa ya lubung.

He̍briyu 13:21

Ngarud, e̍ Apu Diyus met ya pagkararagac maipanggep dakayu, ket ikararag ku nga ipaay na kuma dakayu diya amin nga nabaru nga masapul nu, tasun makatungpal kayu kuma iya tarigagay na. Ket sapay kuma ta e̍ Apu Diyus, ipawangel na dactida diya makaay-ayu mettas igina, gapu iya tulung ne̍ Je̍su Kristu dactida. Ket madaydayaw kuma ngarud nge̍ Je̍su Kristu ka agnanayun nga awan patingga na. Agten iyan kuma ngarudin.

1 Pe̍dru 1:3

Madaydayaw kuma ngarud nge̍ Apu Diyus, nga Diyus se̍ Ama niya Apu tida nga Je̍su Kristu! Ta gapu iya dackel nga asi na dactida, ne̍cdan nactida ka nabalbaliwanin nga pannakaiyanac. Itu ya nakabiyagan tida nga pagnamnamaan tidan, nga nae̍cde̍ dactida gapu iya panagungar ne̍ Je̍su Kristu.