Pilipus 2:11 - Ya Baru nga Tulag

¹¹ Ket se̍ tasun pulus nga awan madi agibalikas nga e̍ Je̍su Kristu, ket igina ya Apu. Ket iya agten iyan, maidaydayaw ngarudin nge̍ Apu Diyus nga Ama.

Pilipus 2:11 Iomraidhean Croise

Matyu 10:32

“Itu nga amin nga mangipakaemmu nga siaannamung iya imatang diya toley iya pannakitipun da iyaken, ket ipakaemmuc nad pe̍ nga siaannamung iya imatang niya Amac nga uwed ka langit ya pannakitipun ku kadiyan nga toley.

Lukas 2:11

Ta ita mettas, enna ili nito Ari Dabid, uwed naiyanac kin nga Mangisalakan dakayu, nga itu met ya Kristu nga Apu.

Juan 12:42

Ngem orey madi namati diya duduma, adu orey kadito kunse̍hale̍s diya Hudyu diya namati e̍ Je̍sus itun. Ngem madi da nipadpadlaw, gapu ta kansing da to bungguy dito Parisiyu, ta kaynun no ilaskig da da iya pannakigimung da iya gigimungan da.

Juan 13:13

Agten idi yan: Awagan dac met ka Mistru se̍ Apu. Ket kustu ya kunen nu, ta pudnu met nga iyaken ya Mistru se̍ Apu nu.

Juan 13:14

Dikad pe̍ gapu ta iyaken nga Apu se̍ Mistru nu ya nangbeggu kadiya saka nu, rebbeng nu met ya tumulad iyaken nga agbibinneggu kayu pe̍ ka saka.

Juan 14:13

Ket orey nagan na ya adngen nu nad iya Ama nga sipapati iya kinaturay ku, itungpal ku ngarud dakayu, tasun maidaydayaw kuma ya Ama gapu iya Anac.

Juan 14:23

Ket kinunen ne̍ Je̍sus igina, “Agten idi: Ya agayat iyaken, agtungtungpal ngarud kadiya kagic. Ket ya agten iyan nga toley, ayaten pe̍ niya Amac. Ket iyaken se̍ ya Ama, umbe̍t kami agedyan igina.

Juan 17:1

Kalpasan niya panangagi ne̍ Je̍sus kadiyan, limangad ka langit, ket nagkararag nga kinunen na, “Ama, nadatnganin ya timpu nga panangipadayaw mu iya Anac mu, tasun maipadayaw naka pe̍.

Juan 20:28

Ket e̍ Tumas, kinunen na mettin, “Ikew ngarud ya Apuc se̍ Diyus ku!” kunen na.

Juan 5:23

Agten iyan ngarud ya winangel niya Ama, tasun diya amin nga toley, maiparis kuma ya panagdayaw da iya Anac iya panagdayaw da iya Ama. Ket iya agten iyan, ya madi mangdayaw iya Anac, madi na met pe̍ padayawan ya Ama nga nangibon igina.

Juan 9:22

Agten iyan ya kinagi diya naganac igina, ta mansing da kadito pangpangulu diya Hudyu. Ta naemmuwan da ngamin nga nagtutulagan dito pangpangulu diya Hudyu itun, nga no uwed mamati nga e̍ Je̍sus ya Kristu, ket ilaskig da da kanu iya pannakigimung da iya gigimungan nga pagdaydayawan da.

Aramid 10:36

“Emmu nun ya Makaparagsac nga Damag nga nipakaemmu ne̍ Apu Diyus dakami nga iIsrae̍l maipanggep e̍ Je̍su Kristu nga Apu diya amin nga toley. Ta e̍ Je̍sus, igina ya mangitunus dactida e̍ Apu Diyus.

Aramid 2:36

“Dikad pe̍ kapadpadac nga Israe̍lita, maemmuwan tida kuma nga nalaingin nga e̍ Je̍sus nga nipailansa nu ka krus, igina mettin ya dinutukan ne̍ Apu Diyus nga Apu se̍ Kristu.” Itu ya nipakaemmu ne̍ Pe̍dru.

Ruma 14:11

Tutu met yan, ta naisurat iya Bibliya nga kunen na, “Kunen niya Apu, ‘Emmu nu met nga sibibiyag gac. Itu nga patiyen nu kuma pe̍ nga agparintumeng nad nga agdaydayaw diya amin nga toley iya sanguc. Ket amin da, ikagi da nad met nga sidadayaw nga iyaken ya Diyus,’” kunen na.

Ruma 14:9

Agten iyan nga tutu, ta e̍ Kristu, natey se̍ nagungar, tasun igina ya nagbalin nga Apu diya sibibiyag se̍ orey pe̍ diya natey yin.

Ruma 15:9

Ket orey no diya bekken nga Hudyu, nagpaay met pe̍ nge̍ Kristu igida, tasun agdaydayaw da pe̍ e̍ Apu Diyus gapu iya panangaasi na igida, nga agten iya naisurat iya Bibliya nga kunen na, “Itu nga ikagic nad met ya panagdayaw ku ikew iya imatang diya bekken nga Hudyu, se̍ ikantac nad pe̍ igida ya kinadayaw mu,” kunen na.

1 Kurintu 12:3

Itu nga gabay ku no maawatan nu nga ya toley nga idalan niya Ispiritu ne̍ Apu Diyus ya panpanunut na, madi na met mabalin ya agkunen nga, “Mailunud kuma nge̍ Je̍sus.” Ket iya agten iyan pe̍, awan toley nga makabalin nga agkunen nga, “E̍ Je̍sus ya Apu,” malacsid no paidaldalan iya Ispiritu Santu.

1 Kurintu 15:47

To nona nga toley, ket idi nga lubung ya nagtaudan na, ta nabukel ka ginet. Ket ya maawagan ka maikadduwa nga toley, langit met nga gennung ya nagtaudan na.

1 Kurintu 8:6

Ngem no dactida nga mamati, is-isa ngas ya ibilang tida nga Diyus tida, nga itu nge̍ Apu Diyus nga Ama, nga igina ya pagtaudan niya amin, se̍ igina pe̍ ya pagpaayan tida. Ket is-isa pe̍ ya ibilang tida nga Apu tida, nga itu nge̍ Je̍su Kristu, nga igina ya paggayatan niya amin, se̍ igina met pe̍ ya gapu niya kinauwed niya biyag tida.

1 Pe̍dru 1:21

Ket gapu igina, mamati kayu e̍ Apu Diyusin. Igina ya nangpaungar se̍ nangpadayaw e̍ Kristu, itu nga e̍ Apu Diyus ya patpatiyen se̍ namnamaen nun.

1 Juan 4:15

Ket diya orey nagan na nga umannamung iya panursuru nga Anac ne̍ Apu Diyus nge̍ Je̍sus, laglagipen ne̍ Apu Diyus da, se̍ laglagipen da met pe̍ nge̍ Apu Diyus.

1 Juan 4:2

Agten idi ya pakaemmuwan nu no tutu nga ya Ispiritu ne̍ Apu Diyus ya mangidalan iya isa nga toley: No kunen na nga siaannamung nga e̍ Je̍su Kristu ya naipatoley nga nibon ne̍ Apu Diyus, ket maemmuwan nun nga gayat e̍ Apu Diyus ya panpanunut na.

2 Juan 1:7

Ipalagip ku dakayu diyan, ta adu diya mangallilaw nga agpaspasyar kadiya nadumaduma nga il-ili iya lubung. Madi da umannamung iya panursuru nga e̍ Je̍su Kristu ya naipatoley nga nibon ne̍ Apu Diyus. Diya agten iyan nga toley, igida diya mangallilaw kadiya toltoley, se̍ igida pe̍ diya kumuntra e̍ Kristu.

Paltiing 3:5

Agten nad idi nga puraw ya kawwes diya amin nga maibilang nga mangabac. Ket pulus nga madic nad udasen ya nagan da nga naisurat iya libru nga pakaisuratan diya nagnagan diya mae̍cdan ka biyag nga agnanayun. Ket ipakaemmuc nad nga siaannamung iya imatang niya Amac se̍ kadiya anghe̍le̍s na, nga didi nga sikakawwes ka puraw, ket kuwac.