Pilipus 2:10 - Ya Baru nga Tulag

¹⁰ tasun iyan, amin-amin, agparintumeng da nga agdayaw e̍ Je̍sus no magicna da ya naturay nga nagan na, orey diya uwed ka langit, se̍ diya uwed iya lubung ngi, se̍ orey diya uwed iya uneg niya ginet.

Pilipus 2:10 Iomraidhean Croise

Matyu 12:40

Ta to Hunas, ket nagedyan iya bessug nito dackel nga lames ka unus tellu nga algew se̍ gabi. Ket agten met pe̍ iyan, nga ya Anac nga Naipatoley, agedyan nad iya uneg niya ginet ka tellu nga algew se̍ gabi.

Matyu 27:29

Ket nagkawikew da met ka lanut nga agrasrasi, nga inariman da ka sinan-balangat, se̍ da nisimpa iya ulu ne̍ Je̍sus. Pinagikem da pe̍ ka tabagan ya diwanan nga ima na, se̍ da nagindadayaw nga nagparintumeng ito sangu na. Ket inuy-uyaw da, nga kinunen da, “Wahey! Madaydayaw ka kuma nga ari diya Hudyu!” kunen da.

Matyu 28:18

Ket e̍ Je̍sus, imadenni igidan, ket kinunen na igida, “Naitalec iyaken amin nga turay nga uwed ka langit se̍ iya lubung ngi.

Ruma 11:4

Ngem malagip nu pe̍ to sungbat ne̍ Apu Diyus ito E̍lyas itun, nga kinunen na, “Uwed met pitu nga ribu nga toley ku nga binatic nga madi nagparintumeng nga agdaydayaw iya didiyusen nga Baal,” kunen na itun.

E̍pe̍su 1:10

Ta ya panggep ne̍ Apu Diyus nga tungpalen na nad no madatngan ya kustu nga timpu, itu ya panangipasakup na kadiya amin nga parsuwa iya panangipangulu ne̍ Kristu, orey diya uwed ka langit se̍ diya uwed idi nga lubung.

E̍pe̍su 3:14

Dikad pe̍ no malagip ku nga amin diyan, sidadayaw wac nga agkarkararag e̍ Apu Diyus nga Ama tida.

E̍pe̍su 4:9

Ket ito kinunen na nga simoli ka ngudu, kayat na nga kagiyen nga nona nga nimulug iya segged nga nawe̍ iya kaun-gan nga edyan iya ginet.

He̍briyu 1:6

Ket nad manin no ibon ne̍ Apu Diyus idi nga lubung ya Kaonaan nga Anac na nga katurayan, kunen na, “Masapul nga agdayaw igina diya amin nga anghe̍le̍s ne̍ Apu Diyus.”

Paltiing 20:13

Ngarud, naikeddeng ya pagbanagan niya tunggal isa maikanatad kadiya winangel da, ta napagungar met dito natey ka baybay, agten pe̍ kadito naitamen iya ginet, se̍ dito naibalud ito pagtuukan nga edyan diya natey enna Hade̍s. Ta naurnung da nga amin tasun maikeddeng ya pagbanagan dan.

Paltiing 4:10

Ket tunggal agkanta da, aglakeb met dito duwa nga pulu ket eppat nga panglakayen iya sangu nito trunu, nga agdayaw da iya nakatugew iyan, nga igina ya agbibiyag ka agnanayun nga awan patingga na. Ket ipay da diya balangat da iya sangu nito trunu, nga panangipasingen da iya panagdayaw da iya nakatugew iyan. Ket kunen da,

Paltiing 5:3

Ngem orey ka langit man, winno iya lubung, winno iya uneg niya ginet, awan pulus maikari nga manglukat se̍ mangsingen iya linaun nito nalukut nga pagbasaan.