Pilipus 2:1 - Ya Baru nga Tulag

¹ Ket tutu met nga gapu iya pannakaitipun nu e̍ Kristu, mapabileg ya panpanunut nu. Ket gapu iya ayat na, maliwliwa kayu. Uwed pe̍ pannakibulun nu iya Ispiritu Santu, se̍ uwed met pe̍ panagpipinnateg se̍ panagkikinnaasi nu.

Pilipus 2:1 Iomraidhean Croise

Lukas 2:25

Ket enna He̍rusale̍m itun, uwed isa nga lakay nga agnagan ka Simyun. Nalinteg yan nga toley, se̍ managtungpal iya pammati na, ket pinadpadaanan na nga sinanama ya pannakaliwliwa diya iIsrae̍l. Ket uwed pe̍ igina ya Ispiritu Santu.

Juan 14:18

“Madi nakayu ngarud baybay-an, ta sumoli yac nad mettas dakayu.

Juan 14:27

“Talna ya ibatic dakayu. Ket idi nga kinatalna nga ipaay ku dakayu, itu ya talna nga tumaud mettas iyaken. Ket yani nga ipaay ku dakayu, sabali iya ipaay diya uwed iya lubung. Dikad pe̍ madi kayu kuma ngarud madanagan winno masikuranin, se̍ madi kayu mansing.

Juan 17:13

“Ket ita, sumoli yac ikew win. Ngem kagiyec didi bayat niya kauwed ku pekkem iya lubung ngi, tasun naan-anay kuma igida ya panaganggem nga agten mettas iya panaganggem ku.

Aramid 2:46

Nagkaykaysa da, ket inalgew da nga sangkabungguy nga nawe̍ aggigimung iya Te̍mplu. Nagkaykaysa da kadiya tunggal babaley da, nga pe̍yeng da nga nagtitipun nga nangan. Ket naragsac se̍ natunus ya panagbubulun da.

Aramid 4:32

Ket is-isa ya panpanunut dito mamati nga sangkabungguy, se̍ is-isa pe̍ ya tarigagay da. Nagraramanan da diya amin nga sansanicwa da, nga madi da ngarud nagiinnimut kadiya kukuwa da.

Ruma 5:5

Ket madi tida ngarud mapaay idi nga namnama tida. Ta nipakaemmu ne̍ Apu Diyus ya ayat na dactidan, nga arig nga nibuyat na dactida, gapu iya Ispiritu Santu nga naipaay dactida.

Ruma 8:26

Ket agten pe̍ ya Ispiritu ne̍ Apu Diyus, ta tulungan nactida iya pagkurangan tida iya panamati tida. Ta madi tida emmu no kumaan kuma niya kustu nga panagkararag tida, ket itu nga ya Ispiritu ya mangibagbaga e̍ Apu Diyus para dactida maipanggep kadiya sagabaen tida nga di tida kabaellan nga ibalikas iya panagkararag tida.

1 Kurintu 12:13

Ta amin tida, Hudyu man winno bekken nga Hudyu, tagabu man winno bekken, ket agpapada tida nga nabautisaran nga nakikamkameng e̍ Kristu, gapu mettas iya is-isa nga Ispiritu Santu. Se̍ is-isa yani nga Ispiritu nga nae̍cde̍ dactida, nga arig nga is-isa ya naipainum dactida.

1 Kurintu 15:31

Pudnu ngarud met yani kakabsat, ta inalgew, ibilang ku ngas nga natey yin ya beggic. Ket itured ku met yani gapu mettas dakayu nga pagragsakac gapu iya pannakaitipun tida e̍ Kristu Je̍sus nga Apu tida.

1 Kurintu 3:16

Arig nga madi kayu pekkem maawatan nga dakayu mettin ya te̍mplu nga paged-edyanan ne̍ Apu Diyus, ket agedyan met dakayun ya Ispiritu na.

2 Kurintu 13:14

Uwed kuma dakayu nga amin ya siaayat nga asi ne̍ Apu Je̍su Kristu, se̍ ya ayat ne̍ Apu Diyus, se̍ ya pannakibulun niya Ispiritu Santu.

2 Kurintu 2:14

Ngem agyaman nac latta e̍ Apu Diyus, ta igina ya mangidaldalan dakami nga sibaballaigi, gapu iya pannakaitipun tida e̍ Kristu. Ket se̍ dakami ya usaren ne̍ Apu Diyus iya pannakaiwaragawag niya damag maipanggep e̍ Kristu kadiya amin nga lugar. Ket idi nga damag maipanggep e̍ Kristu, arig nga nabangug nga ellab.

Galasiya 4:6

Ket gapu ta an-anac nakayu nge̍ Apu Diyusin, nibon na ya Ispiritu niya Anac na nga timipun kadiya panpanunut tida. Ket ya Ispiritu niya Anac, umaw-awag met e̍ Apu Diyus, nga kunen na, “Ama! Amac!”

Galasiya 5:22

Ket ya masingen kadiya toley nga paiturayan iya Ispiritu ne̍ Apu Diyus, bekken nga agten kadiyan. Ta ya patauden nga gennung niya Ispiritu, itu diya panagayat, panaganggem, se̍ ya panagtalna gapu iya panagtutunus. Agten pe̍ kadiya panaganus, panangaasi, panangtulung, se̍ ya panagpudnu,

E̍pe̍su 4:4

Ngarud, amin tida nga toley ne̍ Kristu, sangkabungguy tida met, nga maiyarig iya is-isa nga beggi. Ket is-isa pe̍ ya Ispiritu ne̍ Apu Diyus nga uwed dactida, agten met pe̍ nga is-isa ya namnama tida gapu iya nangpiliyan ne̍ Apu Diyus dactida.

Pilipus 1:8

Ket e̍ Apu Diyus met ya makapanecnec maipanggep iya napalaus nga ayat ku dakayu, ta patpatgen nakayu ka panangipateg nga tumaud e̍ Kristu Je̍sus mettas.

Pilipus 3:3

Igida ngarud ya annadan nu, ta ya kinapudnu na, dactida met diya ibilang ne̍ Apu Diyus nga toley na nga arig nga nakugit. Ta dactida diya agdaydayaw e̍ Apu Diyus gapu iya Ispiritu na nga madi masingen. Ket e̍ Kristu Je̍sus met ya pagnamnamaan tida, nga awan lugud pagtalged tida iya mawangel toley.

Kulusas 2:2

Agten iyan ngarud ya panangipakat ku dakayu, tasun bumileg kuma ya panpanunut nu nga amin, nga agbalin kuma nga is-isa diya panpanunut nu gapu iya panagiinnayat nu, ket se̍ tasun pakaragsakan nu kuma pe̍ ya pannakaawat nu nga awan pagkurangan na maipanggep iya pudnu. Ket iya agten iyan, maemmuwan nu ngarudin ya panggep ne̍ Apu Diyus maipanggep e̍ Kristu, nga madi pekkem naipakaemmu itun.

Kulusas 3:12

Ket dakayu diya pinili ne̍ Apu Diyus, ket ibilang nakayu nga awan basbasul nun, se̍ patpatgen nakayu pe̍. Itu nga isaad nu kuma ngarudin iya beggi nu ya gangey nga naasi, naalumamay, napakumbaba, nasingpet se̍ naanus.

He̍briyu 6:18

Dikad pe̍ uwed diyan nga duwa nga inariman ne̍ Apu Diyusin nga kari na se̍ sapata na, nga awan pulus pannakabaliw dan, ket emmu tida nga pulus nga madi mabalin nga agbusid nge̍ Apu Diyus maipanggep kadiyan. Itu nga dactida nga agtalec iginan, mangnamnama tida ngarudin ito naikari dactida.

1 Pe̍dru 1:2

Suratan nakayu nga napili na maikanatad iya sigud nga panggep ne̍ Apu Diyus nga Ama. Ket ya Ispiritu na, pinagbalin nakayu nga agpaay ngas igina, tasun sumurut kayu kuma e̍ Je̍su Kristu, se̍ tasun madalusan kayu gapu ito daga na, nga arig nga nawarsiyan kayu. Sapay kuma ta nawadwad ya siaayat nga asi, se̍ talna, nga gayat e̍ Apu Diyus nga naipaay dakayu.

1 Juan 3:24

Ket diya agtungpal kadiya bilin ne̍ Apu Diyus, silalagip da igina, ket silalagip met pe̍ nge̍ Apu Diyus igida. Ket emmu tida nga tutu nga silalagip nge̍ Apu Diyus dactida, ta uwed met dactida ya Ispiritu na nga nipaay na dactidan.

1 Juan 4:12

Pudnu met nga awan pekkem nakasingen e̍ Apu Diyus. Ngem no agiinnayat tida, maemmuwan tida nga laglagipen nactida nge̍ Apu Diyus, se̍ maemmuwan tida pe̍ nga matungpalin ya panggep na maipanggep iya ayat na dactida.

1 Juan 4:16

Ket iya agten iyan, naemmuwan se̍ namnamaen tidan ya panagayat ne̍ Apu Diyus dactida. Ngarud, e̍ Apu Diyus ya paggayatan niya ayat. Dikad pe̍ ya toley nga silalagip iya panagayat na kadiya kapada na, ket silalagip pe̍ yin e̍ Apu Diyus, ket laglagipen met pe̍ ne̍ Apu Diyus yan nga toley.