Pilipus 1:9 - Ya Baru nga Tulag

⁹ Ket ikarkararag ku nga pe̍yeng kuma nga bumilbileg pekkem ya panagayat nu, nga maibulun kuma pe̍ ka kustu nga pannakaawat nu iya pudnu se̍ ya awan kurang na nga pannakailasin nu iya kustu.

Pilipus 1:9 Iomraidhean Croise

1 Kurintu 14:20

Kakabsat, bekken kuma ngin nga arig nga panunut ebbing ya panagpanpanunut nu maipanggep kadidi. Ngem no maipanggep iya dake̍c, mayat met lugud no arig kayu nga ke̍bit, a. Ngem no iya panagpanunut nu, basta nanakem kayu kuma.

2 Kurintu 8:7

Ket emmu mi met nga nakalaclaing kayu kadiya amin maipanggep iya pammati nu, agten iya panamati nu, se̍ iya panagisuru se̍ panagadal nu, se̍ iya kinapasnec nu, ket orey pe̍ iya panagayat nu dakami. Itu nga masapul nga nakalaclaing kayu pe̍ yin iya panagkaasi nu nga tumulung kadiya pada nu nga mamati nga makasapul.

E̍pe̍su 5:17

Itu nga bekken kayu kuma nga agten kadiya awan pannakaawat da, no di lugud agariman kayu kadiya emmu nu nga gabay niya Apu.

Kulusas 1:9

Itu nga manipud ito nadamag mi ya maipanggep dakayu, ket ikarkararagan dakayu nga pe̍yeng. Ket ikarkararag mi e̍ Apu Diyus nga awan kuma pagkurangan nu iya pannakaemmu nu iya tarigagay ne̍ Apu Diyus maipanggep dakayu. Ta ikarkararag mi nga mangpasirib kuma ya Ispiritu ne̍ Apu Diyus dakayu, tasun kustu kuma ya pannakaemmu se̍ pannakaawat nu kadiya amin nga banbanag.

Kulusas 3:10

Ket nisaad nu met itan ya kabarbaru nga gangey nun. Ket idi nga kabarbaru nga gangey nu, pe̍yeng nga mapabpabaru, gapu iya naadal nu maipanggep iya gangey ne̍ Apu Diyus, nga igina met ya pagtaudan na.

1 Te̍salunika 3:12

Ket no dakayu, pagbalinen kuma niya Apu nga nabileg se̍ napalaus nga unay ya panagayat nu iya tunggal isa dakayu iyan, se̍ kadiya amin nga toley. Ta nabileg kuma met nga agten mettas iya panagayat mi dakayu.

1 Te̍salunika 4:1

Ket itan, kakabsat, uwed pekkem ibaga mi kuma dakayu. Nisuru mi dakayu itun ya panagbiyag nga makaay-ayu e̍ Apu Diyus. Agten iyan kuma pe̍ ya panagbiyag nu, ta itu ya ipalagip se̍ ibilin mi nga sipapasnec dakayu gapu e̍ Apu Je̍sus. Ket emmu mi met nga makaay-ayu ngarudin ya panagbiyag nu e̍ Apu Diyus, ngem laclaingen nu pekkem kuma.

2 Te̍salunika 1:3

Kakabsat, nabaru no pe̍yeng kami nga agyaman e̍ Apu Diyus gapu dakayu. Kustu yan, ta bumilbileg nga unayin ya panamati nu. Ket bumilbileg pe̍ yin ya panagiinnayat nu iya isa ken isa dakayu.

Pilimun 1:6

Ket ikarkararag ku nga gapu iya pannakitipun mu kadiya padam nga uwed pe̍ panamati da, adu kuma ya napaw-is nga pagbanagan niya panamatim, tasun maawatam kuma nga nalaing maipanggep kadiya amin nga paglaingan nga e̍cde̍ ne̍ Kristu dactida gapu iya pannakitipun tida igina.

He̍briyu 5:14

Ngem ya adal nga maiyarig iya nasgat nga makan diya manacman, itu ya gabay diya manakem iya panamati dan, nga itu diya naruwam iya panagilasin iya nabaru se̍ iya dake̍c kin.

1 Pe̍dru 1:22

Ket itan, nadalusan kayu mettin gapu iya panagtungpal nu iya kinapudnu. Dikad pe̍ uwed din dakayu ya napudnu nga panagayat kadiya kakabsat nu ka pammati yin. Itu nga ipasnec nu kuma ngin ya napudnu nga panagiinnayat nu.

2 Pe̍dru 3:18

Ngem sapay kuma ta bumilbileg pekkem ya panamati nu iya Apu tida se̍ Mangisalakan dactida nga Je̍su Kristu, gapu iya siaayat nga panangaasi na dakayu, se̍ gapu iya pannakaemmu nu maipanggep igina. Igina kuma ya madaydayaw, orey ita nga timpu, se̍ iya maadpangan pe̍ nga agnanayun!