Pilipus 1:26 - Ya Baru nga Tulag

²⁶ Ket iya agten iyan, uwed nad ngarud dackel nga panagdayaw nu e̍ Kristu Je̍sus gapu iyaken, no makapen nac nad manin iya edyan nu.

Pilipus 1:26 Iomraidhean Croise

Juan 16:22

Ket agten kayu met pe̍ iyan, ta uwed leddaang nu ita. Ngem agsisingen tida nad manin, ket aganggem kayu nad ngarudin. Ket awan makaipac nad iyan nga anggem nun.”

Juan 16:24

Agingga ita, madi kayu pekkem agadeng igina nga sipapati kayu iya kinaturay ku. Ngem manipud ita, basta agadeng kayun gapu iya kinaturay ku. Ket maipaayan kayu ngarud, tasun yan nas anggem kuma ya uwed dakayu.

2 Kurintu 1:14

Ngem agingga ita, madi kayu pekkem maawatan ya kaipapennan diya duduma nga panggep mi dakayu. Ket gabay ku no maawatan nu kuma ya amin didi, tasun nad no iya Timpu niya umbe̍t manin ne̍ Apu Je̍sus, agragsac kayu kuma gapu dakami, agten met iya panagragsac mi nad gapu dakayu.

2 Kurintu 5:12

Bekken met nga panangipasindayaw mi manin yani nga kunen mi dakayu. Ngem isurat mi lugud didi tasun madi kayu kuma nga malyew kadiya toley gapu dakami, no di lugud emmu nu kuma ya nabaru nga maisungbat nu nga sitatalged maipanggep dakami kadiya agpaspasindayaw. Igida diyan diya mangipasindayaw gapu ngas kadiya masingen nga banbanag nga maar-ariman da, nga bekken nga gapu kadiya napudnu nga panggep nga madi masingen.

2 Kurintu 7:14

Ket ito di pekkem nawe̍ nge̍ Titu iya edyan nu, uwed nibagac igina nga panangidaydayaw ku dakayu. Ket madi yac pe̍ napaay gapu dakayu, ta pinapudnuwan nu mettin to nibagac e̍ Titu maipanggep dakayu. Ket pudnu ngarud met dito nibagac e̍ Titu, nga agten mettas kadito amin nga nibagac dakayu itun.

2 Kurintu 7:4

Dackel ya namnamac maigapu dakayu, se̍ napalaus pe̍ ya ragsac ku gapu dakayu. Dakayu met ya pakaliwliwaac nga pe̍yeng, ket itu nga iya orey nagan na nga pakariribukan mi, aganggem mac met pekkem.

2 Kurintu 7:6

Ngem orey agten iyan itun, e̍ Apu Diyus met ya mamacpaanggem kadiya agladingit. Ket iya agten iyan, pinaanggem nakami nga tutu itun gapu ito inumbe̍t ne̍ Titu ennid.

Galasiya 6:4

Ngem ya tunggal isa dakayu, utuben na kuma ya bukud na nga wangel, no nabaru winno bekken, tasun diya mismu nga wangwanglen na nga nabaru, itu mettas kuma ya pakaragsakan na. Ta bekken nga masapul nga maipada ya kabaellan nu iya kabaellan niya sabali nga toley.

Pilipus 3:1

Ket ibagac kuma ita diya kaodiyan nga maibagac dakayu nga kakabsat ku. Ket basta pakaanggemman nu kuma ya pannakitipun nu iya Apu. Bekken nac ngarud nga mauma kadidi nga ibagbagac manin dakayu, ket paglaingan nu da met pe̍. Agten da idi:

Pilipus 3:3

Igida ngarud ya annadan nu, ta ya kinapudnu na, dactida met diya ibilang ne̍ Apu Diyus nga toley na nga arig nga nakugit. Ta dactida diya agdaydayaw e̍ Apu Diyus gapu iya Ispiritu na nga madi masingen. Ket e̍ Kristu Je̍sus met ya pagnamnamaan tida, nga awan lugud pagtalged tida iya mawangel toley.

Pilipus 4:10

Ket gapu iya pannakaitipun ku iya Apu, agyaman nac nga unay, ta naipasingen nu manin ya panangisakit nu iyaken. Ta emmuc nga orey nabayagin nanipud ito panangtulung nu iyaken itun, ket tutu nga ginabgabay dac nga tulungan, ngem awan nas ngamin gundaway nu pekkem itun.

Pilipus 4:4

Basta aganggem kayu kuma nga pe̍yeng gapu iya pannakaitipun nu iya Apu. Ngarud, ulitec manin: Aganggem kayu kuma!