Pilipus 1:20 - Ya Baru nga Tulag

²⁰ Ta panggep ku se̍ namnamaec nga unay nga awan nad kuma pakaiyal-alyewwac maipanggep iya panagtungpal ku iya orey nagan na nga pagrebngac, no di tumured dac kuma lugud iya orey nagan na. Agten iyan nac kuma ngarud, tasun gapu iyaken, maidaydayaw kuma nge̍ Kristu ita, agten mettas iya panangipadayaw ku nga pe̍yeng igina, orey iya panagbiyag ku wi, winno iya pannakatey ku nad mettas.

Pilipus 1:20 Iomraidhean Croise

Juan 21:19

Ket kinagi ne̍ Je̍sus yan tasun ipakaemmu na no kumaan niya pannakatey ne̍ Pe̍dru. Ket pakaidayawan met pe̍ ne̍ Apu Diyus ya pannakatey ne̍ Pe̍dru. Ket to nodi nga kinunen ne̍ Je̍sus e̍ Pe̍dru itun, ket, “Suruten nac ngarudin,” kunen na.

Aramid 20:24

Ngem orey a, ta ya biyag ku, bekken ku nga kake̍ngan. Ta ibilang ku nga awan sirsirbi niya biyag ku, tasun matungpal ku ya nakaibonac se̍ ya wangel nga gabay ne̍ Apu Je̍sus nga ipawangel iyaken, nga itu ya panangipakaemmuc iya Makaparagsac nga Damag maipanggep iya siaayat nga asi ne̍ Apu Diyus.

Aramid 21:13

Ngem kinunen ne̍ Pablu, “Ape̍ nga berberritan dac? Pasakitan nu was ya nakem ku iya agten iyan. Nakasagana ngac kun nga agrigat iya pannakapunguc, se̍ orey no patayen dac ka He̍rusale̍m gapu iya panamatic iya kinaturay ne̍ Apu Je̍sus,” kunen na.

Aramid 4:31

Ket kalpasan nito panagkararag da, nayegyeg met to baley nga edyan dan. Ket niturayan niya Ispiritu Santu da nga amin, ket natured da ngarud nga nangibaga iya kagi ne̍ Apu Diyusin.

Ruma 12:1

Dikad pe̍ kakabsat, agten idi ya ibagac nga sipapasnec dakayu gapu iya adu nga asi ne̍ Apu Diyus: Ipaay nu kuma ya beggi nu igina nga arig nga isa nga sibibiyag nga datun, nga maibilang nga kuwa ngas ne̍ Apu Diyus, se̍ ya makaay-ayu igina. Ta itu ya napudnu nga panagsirbi nu e̍ Apu Diyus iya lemlemmet nu.

Ruma 5:5

Ket madi tida ngarud mapaay idi nga namnama tida. Ta nipakaemmu ne̍ Apu Diyus ya ayat na dactidan, nga arig nga nibuyat na dactida, gapu iya Ispiritu Santu nga naipaay dactida.

Ruma 6:13

Ket madi kayu pe̍ nga ipalubusin nga paiturayan ka basul, ya orey nagan na nga parte̍ niya beggi nu, tasun madi da kuma mausar ka dake̍c nga banbanag, no di lugud ipaay nu ngas ya beggi nu e̍ Apu Diyus. Ipaay nu ngarud igina ya amin nga parte̍ niya beggi nu, tasun mausar kuma ngin kadiya nalinteg nga banbanag. Ta sibibiyag kayu met nga toley nga naibilang nga natey itun nga arig nga napagungarin.

Ruma 6:19

Kadawyan nas met nga kagi ya usarec nga mangipalawag kadidi dakayu, ta gapu iya kinatoley nu, narigat nu nga maawatan didi. Ket itun, maiyarig kayu ka tagabu niya pannakabalin niya kinadake̍c, ta nipaay nu met itun diya parte̍ diya beggi nu iya panagariman ka naalas se̍ diya lumallalu nga dake̍c nga banbanag. Ngem itan, masapul nga ipaay nu met diya parte̍ diya beggi nu iya panangtungpal kadiya nalinteg gin, nga arig nga tagabu nakayu ya kinalinteg gin. Ket iya agten iyan, makaDiyus ngarud ya panagbiyag nun.

Ruma 8:19

Ta sisasagana ngin ya amin nga parsuwa ne̍ Apu Diyus, nga arig nga agpadpadaan da pe̍ iya panangiparangarang ne̍ Apu Diyus kadiya an-anac na.

Ruma 9:33

Ta agten ngarud iya ibagbaga na iya Bibliya, nga kunen na, “Singen nu, ta uwed batu nga isimpac iya ili nga Siyun. Idi ya batu nga pakaisacdulan diya toltoley, se̍ itu yani ya dackel nga batu nga pakaiduclapan da. Ket diya mamati igina, pulus nga madi da mapaay,” kunen na.

1 Kurintu 15:31

Pudnu ngarud met yani kakabsat, ta inalgew, ibilang ku ngas nga natey yin ya beggic. Ket itured ku met yani gapu mettas dakayu nga pagragsakac gapu iya pannakaitipun tida e̍ Kristu Je̍sus nga Apu tida.

1 Kurintu 6:20

Ta napateg nga unay to nangsaka ne̍ Apu Diyus dakayu. Dikad pe̍ usaren nu kuma ngarudin ya beggi nu iya pakaidayawan ne̍ Apu Diyus.

1 Kurintu 7:34

Dikad pe̍ duwa ngin ya panpanunuten niya uwed asawa na. Ket agten pe̍ diya babey, ta diya babey nga awan asawa na se̍ diya balasang pekkem, ket isnup da pe̍ diya banbanag nga agpaay iya Apu, ta ipaay da igina ya orey beggi da se̍ ya panpanunut da. Ngem ya siaasawaan nga babey, biyangan na met pe̍ diya banbanag nga agsirbi ngas idi nga lubung, ta gabay na pe̍ ya mangay-ayu iya asawa na.

2 Kurintu 10:8

Ta ne̍cdan nakami ya Apu ka turay mi tasun mapabileg mi kuma ya panamati nu, nga bekken nga tasun pirdiyen mi. Ket orey no napalaus kuma ka e̍teng ya panangipakaemmuc iya panagragsac ku maipanggep idi nga turay mi, ket madi yac met latta malyew, ta pudnu met.

2 Kurintu 3:12

Ket gapu ta agten iyan ya namnama mi maipanggep iya ipadamag mi, agtalged kami nga unayin iya panangipakaemmu mi.

2 Kurintu 4:10

Ket ya kasasaad mi, narigat ngarud, ta arig nga pe̍yeng nga masingen kadiya beggi mi ya agten mettas nga panagrigat ne̍ Je̍sus ito pannakatey na. Ket napasamac diyan dakami tasun ya pannakabalin niya biyag ne̍ Je̍sus kuma ya masingen kadiya beggi mi.

2 Kurintu 5:15

Ket yan nga isa nga natey, natey ngarud nga maipaay iya paglaingan diya amin nga toley. Ket itu nga diya amin nga sibibiyag gapu igina, madi da kuma agtungtungpalin kadiya bukud da mettas nga tartarigagay, no di lugud agpaay dan iya tarigagay ne̍ Kristu win. Ta igina met ya natey se̍ napagungar para dactida.

2 Kurintu 7:14

Ket ito di pekkem nawe̍ nge̍ Titu iya edyan nu, uwed nibagac igina nga panangidaydayaw ku dakayu. Ket madi yac pe̍ napaay gapu dakayu, ta pinapudnuwan nu mettin to nibagac e̍ Titu maipanggep dakayu. Ket pudnu ngarud met dito nibagac e̍ Titu, nga agten mettas kadito amin nga nibagac dakayu itun.

2 Kurintu 7:4

Dackel ya namnamac maigapu dakayu, se̍ napalaus pe̍ ya ragsac ku gapu dakayu. Dakayu met ya pakaliwliwaac nga pe̍yeng, ket itu nga iya orey nagan na nga pakariribukan mi, aganggem mac met pekkem.

Pilipus 1:14

Se̍ bekken nas nga iyan, ta gapu idi nga nakaibaludac, napabileg ya kaaduwan kadiya kakabsat tida ka pammati iya namnama da iya Apu. Ket iya agten iyan, natured da itan nga mangikasaba iya kagi ne̍ Apu Diyus, nga awan ansing dan.

Pilipus 2:17

Ket ya panamati nu, maiyarig ka pagdatun niya panagsirsirbic nga ipaay ku e̍ Apu Diyus. Ket iyaken, mabalin nga maiyarig gac ngas ka pagdatun nga mainum nga maibucbuc mettas kadidi nga ipaay ku e̍ Apu Diyus. Ngem orey arig gac nga maibucbuc ngas a, ta pakaragsakac met, ket makipaganggem mac ngas dakayu nga amin.

Kulusas 1:24

Ket no maipanggep iyaken, aganggem mac ngasin, orey maparparigat tac. Ta diya rigrigat ku wi, ket agbanag da met iya panagsirbic nga maipaay dakayu nga mamati. Ta diya rigrigat ku, bagic da ngas nga anusan, nga agten met kadito rigrigat nga nitured ne̍ Kristu itun. Ket masapul nga itured ku met pe̍ agingga ka matungpalin ya tarigagay na maipanggep iya beggi na, nga itu ya bungguy mamati.

1 Te̍salunika 5:23

Sapay kuma ta palinteggen nakayu nge̍ Apu Diyus nga mange̍cde̍ ka talna na, tasun awan nga pulus maipabasul dakayu. Ket aywanan na kuma pe̍ diya nakem nu, diya biyag nu, se̍ diya beggi nu, tasun mailisi kuma didi iya amin nga pagbasulan. Agten iyan kuma agingga mettas iya umbe̍t niya Apu tida nga Je̍su Kristu.

1 Pe̍dru 4:16

Ngem no maparparigat kayu gapu iya panamati nu e̍ Kristu, madi kayu kuma iyalyew a, no di lugud idaydayaw nu kuma nge̍ Apu Diyus gapu mettas iya pannakairaman nu e̍ Kristu.

1 Juan 2:28

Ket itan, an-anac ku, silalagip kayu kuma ngarud e̍ Je̍su Kristu, tasun nad no agparang manin, sinanama tida kuma. Ket iya agten iyan, madi tida nad malyew iya imatang na no umbe̍tin.