Pilipus 1:15 - Ya Baru nga Tulag

¹⁵ Ngem ya kinapudnu na, diya duduma igida nga mangasaba maipanggep e̍ Kristu, ket gapu ngas met iya panangapal da ka dayaw, winno gapu ta gabay da ngas ya makidinniskutir. Ngem diya duduma nga mangikasaba, nabaru ngarud ya panggep da.

Pilipus 1:15 Iomraidhean Croise

Matyu 23:5

“Ket diya amin nga wangwanglen da, pagpasindayaw da ngas met iya imatang diya toltoley. Itu nga arimanen da nga dackel dito tekkut kuma nga nakaisuratan Bibliya nga maisimpa iya beggi da. Itu pe̍ nga arimanen da nga deddu diya balayubey diya gayad diya ke̍bal da.

Aramid 10:36

“Emmu nun ya Makaparagsac nga Damag nga nipakaemmu ne̍ Apu Diyus dakami nga iIsrae̍l maipanggep e̍ Je̍su Kristu nga Apu diya amin nga toley. Ta e̍ Je̍sus, igina ya mangitunus dactida e̍ Apu Diyus.

Aramid 11:20

Ngem agten idi ya napasamac itun: Uwed da pe̍ duduma nga lalaki igida nga iSipre̍ se̍ iSire̍ne̍. Ket nawe̍ da ka Antiyakiya, ket nangasaba da pe̍ kadiya bekken nga Hudyu, nga nikaskasaba da pe̍ igida ya Makaparagsac nga Damag maipanggep e̍ Apu Je̍sus.

Aramid 5:42

Ket inalgew nga nawe̍ da iya Te̍mplu se̍ kadiya babaley, nga pe̍yeng da nga mangisursuru se̍ mangikaskasaba iya Makaparagsac nga Damag, nga e̍ Je̍sus, ket igina ya pudnu nga Kristu nga nibon ne̍ Apu Diyus.

Aramid 8:35

Ket e̍ Pe̍lipe̍, nirugi na ya panangilawlawag na iyan mettas nga binasbasa nito upisyal iya Bibliya, ket nibaga na igina ya Makaparagsac nga Damag maipanggep e̍ Je̍sus.

Aramid 8:5

Ket e̍ Pe̍lipe̍ itun, nanagus nga nawe̍ iya isa nga ili ka Samarya. Nangikaskasaba kadiya umili antuni maipanggep iya Kristu nga nibon ne̍ Apu Diyus.

Aramid 9:20

Ket manipud itun, nawe̍ nangaskasaba kadiya gigimungan diya Hudyu iya maipanggep e̍ Je̍sus, nga nikaskasaba na ngarud nga Anac ne̍ Apu Diyus nge̍ Je̍sus.

Ruma 2:8

Ngem uwed da pe̍ toley nga mayat nga maipangatu ya kaipapennan da, se̍ mangdellaw iya pudnu tasun suruten da ya dake̍c. Ket didi nga toley met diya pangipaayan nad ne̍ Apu Diyus iya gura se̍ unget na.

1 Kurintu 1:23

Ngem ya isuru mi nga gennung, itu ya maipanggep e̍ Kristu nga nailansa ka krus. Ket idi nga panursuru mi maipanggep iya nakatayan na, ket arig nga pakaisacdulan diya Hudyu win, nga pakalucsawan da. Ket no diya bekken nga Hudyu, kunen da met nga awan kanu kaipapennan niyan nga panursuru.

1 Kurintu 13:3

Ket orey no ikaasic kuma diya amin nga sanicwac kadiya napanglaw, se̍ orey no iyawat ku kuma ya beggic nga pooran da gapu iya pammatic, ket no awan latta ayat ku, awan met pe̍ mamaay na yan nga paglaingac.

2 Kurintu 1:19

Ta e̍ Je̍su Kristu nga Anac ne̍ Apu Diyus nga ikaskasaba mi de̍ Silas nge̍ Timutyu dakayu, bekken met nga agduwaduwa kadiya kagkagiyen na nga agten kadiya agkunen nga “Bo”, orey no “Bekken” ya uwed iya panpanunut da. Ta no maipanggep kadiya naitipunin e̍ Kristu, ket e̍ Kristu ya mapagtalkan iya panangikagi na nga “Bo.”

2 Kurintu 11:13

Maipac kuma ngarud ya gundaway diya agten iyan nga toley, ta busid da met nga apustule̍s. Ket mangal-allilaw da ngas maipanggep iya kinaapustul da, ta sisisikap da nga agkunen nga apustule̍s da kanu ne̍ Kristu.

2 Kurintu 12:20

Ta madanagan nac, nga no makadateng ngac nad iya edyan nun, kaynun no ya nakem nun, sabali iya namnamaec dakayu. Ket no agten iyan, ya nakem ku, sabali ngarud nad pe̍ yin iya namnamaen nu iyaken. Ta kaynun no uwed nad madatngac nga panagsusuway nu se̍ panagiinnimun nu, se̍ siuuyung nga panagiinnunget nu, se̍ panagsisinnupyat nu, winno kaynun no uwed nad panagpipinnadake̍c nu se̍ panagiinnamis nu, winno panagpaspasindayaw nu, se̍ panagkusu nu.

2 Kurintu 4:5

Ket ya ikaskasaba mi, bekken met nga maipanggep iya kinadayaw mi, no di lugud maipanggep iya kinaApu ne̍ Je̍su Kristu. Ket dakami, agsirsirbi kami dakayu gapu e̍ Je̍sus.

Galasiya 2:4

Ngem uwed da met busid nga kabulun mi nga nasikap nga timipun dakami itun, tasun siimen da ya wayawaya mi gapu iya pannakikameng mi e̍ Kristu Je̍sus. Ta gabay dakami nga parigaten kadiya tungtungpalen diya Hudyu, tasun arig nga matagabu kami kadiyan.

Pilipus 2:3

Bekken nu kuma nga panggeppen ya mangipangatu nga gennung iya mismu nga kaipapennan nu, winno ya agpasindayaw, no di lugud agpakumbaba kayu was kuma, nga ibilang nu kuma nga napatpateg diya duduma nga toley ngem iya beggi nu.

1 Timutyu 3:16

Ket napateg ngarud nga unay ya banag niya pammati tida nga nipakaemmu win ne̍ Apu Diyus. Agten idi ya banag na: Igina, nagparang nga naipatoley. Ket gapu iya Ispiritu ne̍ Apu Diyus, napanecnekkan ya kinalinteg na, se̍ nasingen pe̍ diya anghe̍le̍s. Ket naipadpadamag ya maipanggep igina kadiya pagpagiliyan, ket adu da nga namati iginan idi nga lubung. Ket naiyune̍c kin nga madaydayaw enna langit.